خابرين اليمين و خابرين الشمال = يا عرب مآذيه يا سارقين التمور
لا تهوّر وجاوب كان جاك السؤال = قوم رد الغنايم كان قلبك غيور

جيت ساري وادور ياعرب للجزال= مار جاني يالاد ثبيت بعض القصور
تتهمني بتمره ياعريب الخوال= والله اني بري لو شفتها فالخدور

لو مشيت الدروب الطيبه و العدال = كان يا صاحبي قلبك يجيه السرور
ضاعت البيّنه و الرجل فالدرب مال = مدري انه سهى و الا يلف و يدور

كيف تجرا تقول انته سرقت العدال= تمركم ياعميلي راح عند الطيور
ارد العد واشرب من قراحن زلال= وانت بندقك تال الليل قامت تثور