نشدتوا سليم ولا جلبتم محاصيل=وعلم(ن)حداكم يمهم ما حداني
أنا من هل الطالات والسيف والخيل=وعلمي براسي والطعن من سناني

علامك تجنب كل ما ناطحك سيل=يابو زيد مدري يا فلان الفلاني
يا راع السمان اللقح ماهي كما الحيل=يا بتال هات العلم خل الجناني

توقع ترى بالعلم ياذيب تعديل=يهون القدم يرثع ولا باللساني
نبا علم طيب وأخذ بالحال تكميل=أنا نابغة عصري بهذا الزماني

ليا جاك زلة طارحين المعاديل=بنقرأ عليك معوذات القراني
يا بتال وقع الطل لو طاح ما يسيل=لكنك تسوقه مثل سوق السواني

ياراع العلوم اللي مثل مقصب عقيل=تخلط الدسم بالسم أنا ما رزاني
شقاوي بلاك الله بالحط والشيل=يا راع السمان اللي تسمى سماني

ياشين العمى ما يشوف عبر الدرابيل=يعلج السوالف مثل علج اللباني
شقاوي بلاه الله بشلة مهابيل=كمالة عدد من ضمن معزا وضاني

يا راع الدلال اللي بليا فناجيل=ترى كيفها يا صاحبي ما سقاني
عسى الله يكثر خير شيخ الرياجيل=عقيد القروم اللي بصوته دعاني