ماني على كيفك وانا باني على العليا صروح= انته تحت حكمي وترضخ تحت حكم السلطنه
ترى الردي لونمدحه ماترفعه كثر المدوح= والذم مايرخي عزوم اهل الوفا والهيمنه

ماتدري انك صرت فالميدان جسم بدون روح = جسم ٍ كتبه الله عشا للدود في و سط كفنه
اللي ترجى فيك خير امسى على قبرك ينوح = واحصانك اللي طاح فالميدان ماخوذ رسنه

انا مجري للذروق ومن بعيدين الشبوح= يموت مشقاص بلهوده وبحروره وغبنه
اذيت شعار الملاعب بالملاهب فالفسوح= اعطيت درب الميسره ماعطيت درب الميمنه

انا ليا مني لعبت العب وسدي مايبووووح = احك دايم صفرة الرجال و اعرف معدنه
هذي دعاوي والمزون اللي بوارقها تلووح = احد ٍ تسره ياطويل العمر واحد ٍ تحزنه

العب ولاتامن عواقب رمحة الوقت الرموح= اما رمحك اليوم والا في نهايات السنه
انت بدوي(ن) ماتفارق ديس ناقتك المسوح= ماني مناديك اب هن اقول لك ولد هنه