المراجل حفظ سورة نون والسبع المثاني = ليت وانك يالثبيتي من زمان العام تايب
صيدة السرحان لو شاف الحلال امن السماني = من لياليك القديمه والجديده ويش جايب

القرار اللي صدر في طيته نص البياني=والحقوق موثقه والناس ماتغدي نهايب!!
لد عينك وانتبه للجدي وسهيل اليماني=يالزميل ارفق بروحك لاتعرض للنشايب!!

الغرور اكبر مصيبه لو يصيب المودماني = خص لو ظن العرب فالمودماني صار خايب
حيث تلقى اهل الوفا ياصاحبي تلقى مكاني = الوفا طبعي مع اهل المعرفه حاضر وغايب

الغرور اكبر مصيبه وانت طبعك طبع ثاني= مار انا ماهمني فالوقت مدهون الصلايب!!
وقتنا وقت العجب ذل الشجيع من الجباني=وش تعد وش تخلي فيه ياكثر المصايب!!

اعتقد بعض العرب مابين خوف وبين اماني = واحليل الفارس اللي فاللقا ماهو بهايب
لاتخليني لحالي وانت في حسبة خواني = بعدما دقت طبول اهل المعارك والحرايب