صبرك شوي إن راده الله يالقحم تغدي عدم=والا تدور لك شعاب(ن)يالفهيمي خاليه
البحرلا تقربه موجه يالتهامي يلتطم=وأنته غشيم تشيل حمل صعب ما ينشاليه

انته تقول اصبر وانا رجال اقولك قدم= ترى العلم فالملعبه محسوب للابطاليه
البحر حنا نسبحه ويقول سباحي فهم= لكن ميز دقها ياالذيب والاجلاليه

نويت أعرقيها على خدك وأسوي لك وسم=ياراعي العكه بعد دهنك علانا ساليه
حلفت لقطع دابرك وأضيعك حلو النسم=لو إن دمعك فوق خدك جاي له هماليه

استح وانا والد علاك اهب ياراع الغنم= شربت سمني من عكيكة جدك اللي غاليه
بعدين من يلعب معك ياهيه ياحلو النغم= عودك وشيله بالرضا ياجعل مالك واليه

ياشين حظي طحت لي في واحد مابه دسم=قومي ليا شديت حمله فوق جنبه ماليه
يقول أنا شاهين لكنه طلع طير الرخم=وين الحكم ياللي علومك كلهن خباليه