عساك منته قريب من دروب الخمال=والا رميت الرشا في بير ماها هماج
ياطيري الحر خلك في علو الجبال=لا تقرب الفخ عانه في بروج الدجاج

انا من اللابه اللي يحتمون التوال= واللي براسه شقيقه عندنا له علاج
ياراعي الموتر اللي حذفته فالشمال= سكر على موترك ياهيه جوف الكراج

ياصاحبي الجواب يكون بعد السوال=واللي يطب الحراج يجيب باعة حراج
الجو ماهو بصافي فيه غبرة رمال=وأثرالعواصف ليا هبت تثور عجاج

صدقت مار المجال يشد راع المجال= والليل لولا القمر ماصارفيه انبلاج
هذا السكون اللي يسبق عاصفات الليال= لكن خيل البروق اللي لهن التعاج

الله وحده تعالى متصف بالكمال=والناس ماهم سوا بالعقل والا اللجاج
لكن من صابته علة بوسط الطحال=الكي فيه الدوا والكي قطع الخماج