البارح في تالي الليل سجيت = سجيت بالأفكار يسرا ويمنا
ماجنتي الدنيا مثل ماتمنيت = ولا رتاح قلبي في حياته وتهنا
يالله تغفز زلتي كان زليت = وتجعل لنا في جنة الخلد مبنا

الشهر هذا شهر توبة وغفران=عن ماضي الزلات بالله توب
شهر كريم وفيه ترتيل قرآن=أطلب كريم الوجه لله أوب
والعمر مهما طال تاليه نقصان=واما ختم بالخير والا بذنوب

حضورك هز عرش القلب=وقلبي هز أفكاري
فرح مدري غلاك وحب=ماني داري ماني داري
لكن أحسك(ي)أقرب=من أحلامي وأسراي
على شأنك يهون الصعب=بحلي ثم أسفاري
بعد حبك بقلبي شب=حشا ماني بمحتاري
أنا قريت لك بالذنب=يا يا مشعل فيه الناري
جروحي ما لهنه طب=تصورهن أشعاري
الا يارب الا يارب=أناجيك بإستغفاري

في منتصف شهر رمضان المبارك = فاز الزعيم وعادته دايم الفوز
صار المنازل يشبه أم المعارك= كنه هبايب طيحت شجرة اللوز

غاب الذي من بدة الناس مغليه=أنشد عنه لكن ما حي شافه
يفز له قلبي ليا مر طاريه=واللي سواه من المخاليق عافه
لو كنت عارف وين بالعون لأجيه=حتى ولو فيها عليه كلافه
لكن مدري وين والله الأقيه=حسافة ما بعدها من حسافه

البارحه سمعة صوت الربابه = وعلى اللحن غنيت في تالي الليل
من سبت اللي مطول (ن) في غيابه = اقفا وخلاني على جمرة الويل