المشاركة الأصلية كتبت بواسطة binhlailبن هليــل (المشاركة 156797) أسعدكم الله جميعا بكل وقت ومكان الليلة نويت أستفز لي شاعر متكتم على إبداعاته وأنا أدري سلفا بأن رده بيكون ممتع وهذا ما أريده السالفة ببساطة ملينا من وصف الحسنوات الشبات ونسينا الأمهات وهن المصدر الأساسي ومن لا له ساس ما له راس علمابأن القافية تسمح بكلمات تحاشيت ادراجها ولا استبعد أن غيري بيذكرها عموما: المجال مفتوح ومسموح لكل من يحب يدون دعابات شعرية من هذا النوع ياسعيد ليتك شفت ماشفت بالأمس=ما أصدقه لو لاي شاهدت بالعين ذاك البياض اللي غلب شارق الشمس=وهي عجوزٍ(ن)عمرها فوق ستين مع شايب الرحمن قدام بالجمس=ماهو سعودي شكله من المقيمين ولاهو خليجي ربعنا كلهم قعس=فيهم شهامة مير ماهم بحلوين عليه دم الروس ويشابه الفرس=مدري هجينٍ(ن)جامعٍ(ن)دم الاثنين لكن كله منغمس بالحٌسن غمس=ماهو مهم نحدد الجنس من وين اللي يهم أخذت لي بالنظر درس=أثر الجمال الزين باللي قديمين ياليتها ترجع بحر عشر مع خمس=وأعود أنا بالعمر حول عشرين الخد لو تلمسه يدمى من اللمس=وشلون عاد أيامها قبل خمسين أيام كانت يجرح يدينها اللبس =والرسم باقي ما تغير من سنين لو شفتها ياسعيد لتذكي الفطس=وتندم على ما فات من حظك الشين الزين هذا وين ياسعيد مندس=ماشفته إلا بعد قارب لسبعين ما مثلها ياسعيد شاهدت بالإنس=سبحان من كمله ياسعيد بالزين

انا هواي اللي مناخيرها فنس = لاشفتها كنسلت كل المزايين
احبها حب الوراعين للببس = واضيق لا قالت اقابلك بعدين
امشيلها من غير مدري ولا احس = تقول راكبني من الجن عشرين
لعيونها بعت السوبرمان والجمس = وشريت لي بي أم من وارد العين
عند الهوي ماكسّر القلب والنفس =هاذي طبيعه في ماهي من الحين
كسر النفوس اقوي من الطق والحبس= انشد مجرب بيدته القوانين
والله مارد النفس لو أكل الخس = اشري هوايه لو خسرت الملايين
كله عشان افوز في شوفها بس =دمّي / ليامرت يهجد الشرايين
مامثلها في عالم الجن والانس =نستني اسعيده وعنبر وبنتين
الخشم مثّل الواشره منكبس كبس = والعين صفرا والمحاجر عما عين
والخد مثل الليل وايدينها دبس =وطول ارقبتها فالمقاسات شبرين
عذروبها تحت الجما مالها ضرس = اظنها عدت ثمان وثمانين
ريحة صنقها لاضرب يعفسك عفس = تقول كيماوي مصنع من الصين
ماجابها ترثة هوازن ولا عبس = ياقربها لو بيّ واتشاد وابيين

المشاركة الأصلية كتبت بواسطة binhlailبن هليــل (المشاركة 156980) ابو اسماعيل صح لسانك وفيت وكفيت لكن وشرايك نجدد الدم ونغير السلالة يمكن الامور تزين احسن والا بتصف بصف العبيدي وعبدالرحمن المسعودي رحتوا تعاينون الزين ونسيتوا السن والهوية وما ذلك الا لحاجة في نفس يعقوب الله يخلي لك سعيدة ويخلي لي مرجانة تقبل خالص تقديري