صلآآآآآآآآآآآآآموووووووووو


آزيكوووو يآقدعآآآن؟؟


آن شآءلله تزقحون وتردحون هع هع


هذي غووووصه جآآآآآمده هع http://www.al-joker.com/images/smilies/biggrin.gif


آخليكم معهآآآآ هع


الموضوع وهي سالفة قديمة لكن توي أكتبها ..


الأشخاص اللي بالسالفة هم ::


عزوز : حضرت فخامتي http://www.al-joker.com/images/smilies/wink.gif

الدحمي : خويي المصرقع http://www.al-joker.com/images/smilies/biggrin.gif

توم كروز : ممثل فرنجي أحمر مرتزق http://www.al-joker.com/images/smilies/cool.gif




نجي للسالفة ..



في فجأة من الأيام وأنا جالس بالبيت أصورة مع الجدران << كالعادة
جتني فكرة (جهنمية)



قلت يا ولد ورا ما أروح أشوف البريد وش فيه من رسايل << والله من زين الفكرة كل يوم يشوف البريد هو وخشته




المهم وأنقز على الهوتميل .. هاه ياصديق وش في رساله جديد << بريدي ملخبط وصاير باللغة الهندية



قال : والله يا عزوز وصلتك بطاقة دعوة لحضور حفل زواج بإيطاليا


وشوووو إيطاليا http://www.al-joker.com/images/smilies/confused.gif!! تستهبل (أبو هتمل) << دلع البريد حقي هع



لا ما أستهبل شف البطاقة وتعرف ..



اووووخس يا عزوز يالخطير بطاقة دعوة لحضور حفل زواج (توم كروز):http://www.al-joker.com/images/smilies/cool.gif!؟!؟



وقتها ولعت لمبه في مخيلتي http://www.al-joker.com/images/smilies/biggrin.gif<< لا يكثر هع



قلت يا ولد والله فكرة نروح نوسع الصدر ونستانس بدل القعدة بهالبيت ..



طيب يا عزوز يلزم تشوف لك خوي أزين من تروح لحالك تدربي هالدميجه !!


من غيره خويي (الدحمي) http://www.al-joker.com/images/smilies/biggrin.gif.. مثقف ويعرف انجليزي خله يترجم لنا ..



وعلى طول شغل الجاكوار وعلى بيت الدحمي


وصلنا بيت الدحمي نزلت من الموتر (( عفوا الجرس خربان)) << ما تغير شيء هذا جرس بيت الدحمي من عشر سنين



يعني ما لك إلا حصاة وترميها على دريشة الدحمي اللي تطل على الكورنيشhttp://www.al-joker.com/images/smilies/cool.gif



طق الحصاة .. ويفتح الدريشة الدحمي : عبود هلا والله وين الناس ..



عزوز : هذاي قدامك انزل بسرعة بنروح مشوار ..



الدحمي : طيب هذاي جيتك ..



يطلع الدحمي هاه عزوز وش عندك ؟



عزوز : الدحمي تعرف واحد اسمه توم كروز ؟؟



الدحمي : إيه اللي يلعب مع النصر http://www.al-joker.com/images/smilies/confused.gif؟؟<< ثقافته ما تتعدى بشير شنان http://www.al-joker.com/images/smilies/biggrin.gif


عزوز: والله ما تدري وين الله حاطك المهم أنا بروح لإيطاليا معزوم على حفل زواج (توم كروز) تسان ودك تخاوين http://www.al-joker.com/images/smilies/cool.gif ..



الدحمي : قداااام يالسنايدي والله إني ودي أشوف هالتوم ذا اللي أزعجونا فيه العالم ..



المهم ونركب الجاكوار وعلى طريق البطحاء العام !؟



الدحمي : خل بدق على أهلي أعلمهم ..



عزوز : وش تبي تقولهم ؟؟



الدحمي : بقولهم بروح آخذ عمرة << التصريفة المعتادة للسفر براhttp://www.al-joker.com/images/smilies/biggrin.gif



طلع الجوال بيدق ..



عزوز : هيييه وقف دقيقة الحين نبي نروح إيطاليا بجوالك الكسره هذا !؟!



الدحمي : وش رايك وش أسوي ؟؟



عزوز : وش رايك يعني بنروح محل اتصالات نشري لك جوال زي الناس .. إلا وش اسم جوالك هذا ؟؟



الدحمي : العنيد المطور << امحق .. عنيد ومطور بعد



عزوز : لا خابر لك جوال جديد يقولون توه نازل نبي نشريهhttp://www.al-joker.com/images/smilies/cool.gif



أقرب محل اتصالات على شارع البطحاء العام ..



سلام عليكم صديق .. وش نزل عندك آخر شيء ؟



العامل : والله فيه عشان برد هذا فروة سوري مية مية وفيه يجي جديد فنايل علاق دفه

الصورة تتكلم !!



طلعنا من المحل بلا جوال بلا خرابيط وعلى طول على مطار البطحاء العام ونقلع لـ(روما) ..



نزلنا من المطار وعلى طول التكسي عند الباب ..



راعي التكسي : وين تبون أوديكم .؟



الدحمي : لو سمحت نبي قصر ألف ليلة وليلة http://www.al-joker.com/images/smilies/biggrin.gif



عزوز: اسكت لا تفضحنا هذا مب هنا هذا بديرتنا http://www.al-joker.com/images/smilies/cool.gif .. بالله يالأخو ودنا للفندق اللي بالكروكي هذا ..



دخلنا الفندق وهذا توم كروز http://www.al-joker.com/images/smilies/wink.gif حاط يده بيد زوجتهhttp://www.al-joker.com/images/smilies/tongue.gif وجالسين


ويجيك عزوز http://www.al-joker.com/images/smilies/cool.gif طاير ويغطي عيون توم بايدينه ..


عزوز : هاه يا توم من تتوقع أنا ..


توم : امممممممم ديفيد بيكهام !!


عزوز : لا



توم : نيكول كيدمان !!



عزوز : لا



توم : اممممم برتني سبيرز << أروح كنافه على قول الشاعر :


فيه البنات يسابقن الرجاجيل .:. اللي عليهن ضيقات البناطيل .:. فوق الخيول يجاذبن المواويل
مهار لكن فوق غبات المهار

غازلت لي وحده ولا عبرتني .:. حلوه وفيها من ملامح برتني .:. وأقفيت أشيل الهم من فوق متني

عقب ما قالت لي حيوان وحمار



المهم يوم قال برتني قال عزوز : لا


وأنا أنقز بوجهه هاااااااااااااااي



توم : عزوز الله يرجك هذا أنت !!



عزوز : إيه هذا أنا المهم هاو آر يو << أقوى شيء


توم : (كلينكس) ثانكيو << ينكت هو ووجهه



عزوز : وش رايك بي عاد يومني شرفت الحفل << مصدق عمره



توم : والله يو آر كريزي ؟؟؟؟؟


الدحمي تعال بالله وش يقول هالفرنجي ..


الدحمي : يقول والله ماقصرت تعبت روحك .. << http://www.al-joker.com/images/smilies/biggrin.gif آمحق مترجم



عزوز : الله يسلمك طيب بهالمناسبة السعيدة وفرصة إنك شفتني وش رايك ناخذ صورة ؟؟



توم : ما في مشكل << صار هندي



قبل لا نكمل السالفة ناخذ فاصل !؟!



فاصل إعلاني
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*

عدنا



بعد ما أخذنا صورة ..


الدحمي : أقول عزوز الحين هذا وراه مطلع زوجته كذا عند الله وخلقه ما يستحي على وجهه



عزوز : والله ياخي هم كذا هالشقر عندهم عادي ..



الدحمي : لا مب عادي وأنا أوريك فيه << عز الله اللي فشلنا أنا الغلطان اللي جبت هالقروي معي



ويروح الدحمي ويجلس بين توم وزوجته وسواليف حول نص ساعة ولا يحتاج أجيب لكم السواليف أدبل تسبودكم يبي لها موضوع ثاني



المهم وهو يسولف وتوم يلمح يبيه يقوم يبي زوجته تقعد معه ما فيه فايدة <<< بجيح بقوه



توم : أقول يالأخو ما تلاحظ إنك طولتها ؟؟؟



الدحمي : أفا وش دعوى ..



توم : الدعوى عامة ياخي غثيتني !! تراي مسوي حفل عشان (المعزبة) مب عشانك أنت وخشتك



الدحمي : اخس والله هذي آخرتها .. شف عزوز وش يقول ذا !! لكن الشرهه مب عليك الشرهه على اللي يحضر عرسك مره ثانية << يحسبه كل يوم يعرس



وبعدين أنا قايلك يا عزوز لا تمشي مع هالعلوج الأمريكان بس ما طعت شوري << متأثر بالصحّاف



عزوز : أبد ما لك إلا اللي يرضيك اللي يزعل خويي يزعلني يالله مشينا والله إنك صاز أنا الغلطان يومني مشيت مع هالمرتزق قليل الخاتمة << بعد هو متأثر




والتفت على توم وسمعته من الكلام اللي ما ينبغي ذكره ( آنفا ) وصار العرس هواش << الكلمة اللي بين الأقواس جلس الكاتب أسبوعين ضاغط على عمره لين طلعت



ونطلع ونشغل الجاكوار وعلى الرياض ...




(وفي طريق العودة) << متعوب عليها



عزوز : وش رايك أبو دحم وش أزين البطحاء ولا إيطاليا << والله من زين المقارنة



الدحمي : والله شف الشوراع أحس إن شوارع إيطاليا أزين لكن المحلات أتحداهم يا شيخ يجيبون محل يبيع ملابس واللوحة اتصالات !! << كلام سليم



عزوز : الدحمي يابعدي .. أنت غريب الأطوار !!



الدحمي : أفا وش دعوى ياخوي قالوا لك أنا جراده !!



عزوز : لا بس قصدي إني دايم أشوفك موسع صدرك وسواليف وحتى وأنت توك متهاوش أنت وهالزلابه اللي تو !؟


الدحمي : إييييييييييه يا عبود لو تدري ؟؟



عزوز : وشلون ؟؟



الدحمي :

أضحك وأسولف مع هذا وهـذاك .:. والناس ترقب ضحكتي وتحسدني

قالوا سعيد وعايش أحلام دنياك .:. وأنا سجـيـن وهمي اللي حبـسـني



عزوز : صح لسانك يالدحمي



لكن :

حلـي دنـيـاك وتـعـيـش بـحـلا
وخـل غـيـرك فـيـهـا يـضـيـق

وإن شفـتـه يـزود فـيـه الـبـلا
تعال شق لك وسطـه طـريـق

مـن طـاع ربـه وكــتـابـه تـلا
يلقى السعـادة يـغـلـى رفـيـق

ويومه يشـوف الـهـم انـجـلا
وغيره يولع بصـدره حـريـق

هـذي وصـاتـي لـكـل الــمــلا
وأصل الصداقة حب الصديق



الدحمي : صح لسانك يا عزوز والله لا يحرمنا منك



وضحك الجميع وكانت ليلة سعيدة http://www.al-joker.com/images/smilies/smile.gif << خابر هذي بكتاب القراءة يقولونها إذا خلصت القصة



هـــنا وصلنا نهاية القصة اللي (ما فيها فايدة) << كعادة (سباحينه) رحمه الله



أشوفكم خير

يالله توصون على شيء لا سمح الله أشوى ما بوه أحد يبي شيء http://www.al-joker.com/images/smilies/biggrin.gif خخخخخ


دمتم برجه وهبآآل هع

سعنووو http://www.al-joker.com/images/smilies/biggrin.gif

<< منقول مع تغيير الشخصيات

صقـر عتيبـة...


الله يعطيك العافية


طرح موفق سعدت بقراءته



أشكرك على التواصل المستمر والحضور المميز


وبنتظار مزيدا من التألق


لك مني خالص


تحيتي

بن هليل

جميل ردك ومروك وكل الشكر لك على الزياره الجميلة

لك تحياااااااااااااااااتي

صقر عتيبة