مانـي متابع للسيـاسة والأخبــار
ولا همـني أوباما ولافوز ماكـــيـن

ولا همني وش قال حسني وبشار
وما همني لو زادوا الهند والصين

وما همني لو سوق الأموال منهار
وماهمني لو كان خسروا ملايـين

ماهمني الا راتبي ذا الشهر طــار
كله صرفته يوم خمسة وعشرين

بعثرت مدخولي على يمين ويسـار
وقعدت وعيالـي نصفّـق بـكفــين

1300 عـلـى طـــول فــ إيــجــــار
و400 مصروف جوال في زين

و 1150 في شــركـــة إعـــمــار
قرض ٍ أخذته وشفطـوه الشياطين

و1100 تجديد وأتعـاب سـمــسار
عندي استمارة مطوفة حول عامين

و400 فــاتــورة المــاء والأنـوار
حـتـى ولـو كـنّـا للأنــوار مـطـفـيـن

وأمــا 800 بـســوي بها الــكــار
سـيارة ٍ جـربـا ثــلاث وثــمـانـيــن

لا شـمـة الراتـب يجـيها كـما الزار
تنـفض مكيـنتها كما نـفض بوكليـــن

وام العيال تـصـيح يا زوجي البار
هذا الشهر عندي في القصر عرسين

احتاج انا فستان من عشرة امتـار
وأفصـله يا فـالح الـراي بـألفــــيـــن

وأخر مئة بتروح في جيب كومار
الحارس الهندي عسى فـاله الشـيـن

ويقـول ما تـكفـيـه للفـلفـل الحــار
زعلان يبغى فوقها زود خـمســـيــن

وزادت معانـاتـي مع زود الأسـعار
أصبح مثل ما قيل طاق ٍ بطاقـيــــن

أزمة مسـويها مــداهن وتــجـــــار
وراحوا ضحيتها الضعوف المساكين

منـحاش من نـار ٍ وطـبيـت في نار
ويا ويل حـظ اللي وقــع بيـن نـاريـن

وإن الجمل صابر على الضيم صبّار
وان طاح تكثر في جنوبه سكاكـين

أبديت ما في الصدر من هم واسرار
بأقولها واخلي الخافي يــبـيــــن

يا شيوخنا لا لا تغضون الأبصار
صار المواطن يشكي العسر والدين

وانتم به ادرى ياطويلين الأعمار
بالله عليكم شوفوا الوضع بالعين


منقول
الدبيسي

اليك ردي يا بعدي

يستاهل اللي يندفع خلف سمســار

ما يربح الا شين من شين من شين

هذا زمــــان العولمــــــة فعل كفــــار

صار الشعب غرقــان في كثرة الدين

واللي يطــاوع حرمتـــه يصبح حمــار

تمص دمــه بالصبــــغ والفســــاتين

ليا كنت حر وفيك نعــرات الأحـــــرار

خــلك سبع قـــــرر تزوج بثنتــــــين

اللعب كله صاير(ن)لعبـــــة قمــــــار

كل الــــذي نقـــدره نزود وراعيـــــن

ترا الشعب لا تعب من ضيقته ثـــار

ليا كان ميت خله يكمل البله بطين





ساحر القلوب




شكرا لك لنقل هذه المعاناة


للجميع


والرجال ترا راتبه زين



عاد كيف اللي اقل او ما عند


الله يكون بالعون


تقبل تحيتي

أنا عطيتك علم باللي جرى وصــــــار
مايســـر حال عقب قلب المـــــوازين


تشكي ونا اشكي من عنا الوقت لا جار

ويالله عســـــاك تفك هم المســــاكين





وتعودنا منك هاذا الابداااع

مجاراتك شرف لنااااااااااا


صح لسانك مليون



بس ليه يا استاذنا الدعوة للتعدد لا يزعلون عليناااااااا






تحياتى للجميع

ساحر القلوب



بيض الله وجهك


نقل رائع


قصيدة تعبر عن معاناة الجميع



تقبل مروري

مشكور على النقل المميز


قصيدة جميلة


تقبل مروري

ساحر القلوب

سلمت يمينك على هذه

القصيده الراااائعه التي

تحكي وضع البؤس

فعلا ما تجيك الهموم

الا اذا جاء الراتب

لك التحيه والتقدير