قصيـــــده مختاره اتمنا ان تنال رضاكم


انا ربتني الدنيا على جزل العطا والجود

ونفسي للوفا والطيب وفعل الخير جزاله

واعارض منهج الهابط واوافق للصعود صعود

واسير نفسي بعقلي مدام النفس هدامه

ولا تاثر بي البسمه ولا كحل العيون السود

ولا يقوى على قلبي صغير الحسد واجسامه

ارد الجود بامثاله واقابل بالجحود جحود

وترى لا خير في رجل يوطي للردى هامه

وعندي مع هل العليا مواثيق وثلاث عهود

اوفي له مطاليبه واوده وارفع اعلامه

اعايش مركب الدنيا على متن القدر مولود

ابعرف هو صحيح ان القدر بالناس دوامه

ومن وين الزمن مقبل والى وين الليال تقود

ومن في هالزمن يقدر يواجه خطوة اقدامه

ومن له بالزمن غايه ومن عنده هدف منشود

ومن منا قدر يعرف خفايا مقبل ايامه

عرفت ان الشقا باقي عرفت ان الحسد موجود

عرفت ان القدر يفرض علينا باسوا احكامه

لقينا بالعرب حاسد وشفنا بالعرب محسود

وبه ناس لنا ضامت وبه بالناس منظامه

وينقص بعضنا خوه وينقصنا وفاء ووعود

مادام ان الحسد باقي وبعض الناس نمامه

ولا ترجي بها الدنيا من اصحابك يجيك سنود

ولا تشره على رجل عيونه خانت اقدامه

وقابل خطوه بخطوه وجازي بالصدود صدود

تناسى غلطة ربعك عليك بلحظة خصامه

ولا تخطي ترى لصبر الحليم اليا سلاك حدود

تروى واعرف بضرب الحديد تفكك لحامه

تجنب كسرة الخاطر ولو حبل الزعل مشدود

تراك بكسرة الخاطر حكمت على القلب باعدامه

ولا تزعل على رجل بذل لك ولرضاك جهود

ولا تامن من الحاسد رضاه ورفعة ابهامه

نبي نصبر على الدنيا قلوب بالحياة زهود

مادام ان البخت عيت توفق رمعت سهامه

وانا ماقلتها راجي ولا اطلب بعدها ردود

ولكن الفتى وده يحقق جملة احلامه

وبمشي لاخر الدنيا ولو كل الانام قعود

وعن وجه الزمن بكشف حقيقه وارفع لثامه

صحيح اني صغير السن ولكن قدها وقدود

وانا عندي مع الدنيا مواقف ترفع الهامه

طموحي يملي العالم ولا به للطموح حدود

مادام ان الامل طبعي عرين وصرت ضرغامه

خلقنا الله من ترابه ولاحضان التراب نعود

تحت رمل الثرى نبقى تغطي جسمنا خامه

سلفنا ما لحقناهم تحت قاع التراب رقود

ولا يبقى من الميت سوى ذكراه وعظامه

ولوطال العمر فاني وترى عمر الفتى محدود

وكل يطلب المولى يبيحه يحسن ختامه

وانا بلغت بلساني وربي والانام شهود

وصحف البينه جفت وعنها رفعت اقلامه

وسلامتك

صح لسانك وسلمت يمينك



نقل مميز


لا هنت لا خلا ولا عدم


وبنتظار جديدك


تقبل تحيتي

صح لسانك



صرح رائع لا عدمناك


تقبل مروري

ابن هليل
صح بدنك والله يسلم قلبك اخوي
التميــز هو حظورك طال عمرك
شرفني مرورك الكريم
والله لايهينك

المستشـــار

صح بدنك اخوي

تشريفكم لنا هو في حد ذاته صرح

لا هنت وعلى راسي

صح لسانك


وتقبل مروري

ابن عيسى القناوي


الله يعطيك الف عافيه على

هذا النقل الجميل والمميز

سلمت يمينك ...لك

التحيـــــــــــــــه

المجروح
صح بدنك
وعلى راسي من فوق

ابن عميش
الله يعافيك ويطول عمرك
اكبر تشريف لي هوه حظورك العذب
دمة بود

طرح مميز

سلمت يمينك

تقبل مروري

السراب

السراب

الله يسلم قلبك

مرورك شرف لنا

لك كل الود