السلام عليكم ورحمت الله وبركاتة

نبدا الرواية

تن تن تن تن تن تن .. طراخ طباخ طاخ .. ريما تتقلب فوق السرير من صوت المنبه ..

ريما <<< ااااااااااااااااااااااااااااااااه كم الساعة اففف الساعة 8 الصباح وتجري على رنيم جنبها وتجر البطانية >> يلا يلا يلا بصوت عاااالي ..

رنيم << إيش في الله ياخد عمرك إيش تبغى مصحيتني ياهبله لاتجري البطانيه أقولك لاتجريها ..

ريما<<< يلا ياهبل الساعة 8 واليوم السبت يلا قومي نتصل على بنات عمي وندور لنا خرجة يلا قومي (وتسحب البطانية) .طبعا اجازة صيفيه

رنيم << بعدي الله يقرفك على ريحة فمك قايمة بريحة فمها تدور خرجة ولا تجري البطانية اقولك أحسلك لاقوم أمدسك وإنشالله إيش راح تقولي لأمي يامعتوهه وكيف راح تدبري خرجة ولا عبط بس ..

ريما <>>ليش دايما كذا ت**حيني أكيد أي واحد يقوم من النوم ريحة فموا معفنة المهم قومي أنا راح أكلم أمي ماعليكي سيبيها عليا هيا قومي ..


وتروح ريما تغسل وجهها وترجع وتلاقي رنيم نايمة ..

ريما<< وه إلهي يهدك ياهبلة لين دحين ناايمة هيا قوووومي بلاء في شكلك إللهي يكشف بحالك الساعة حتصير 9 وإنتي لسه نايمة ..

وتقوم رنيم من النوم على الحمام وتغسل وجهها ..

(وفي ذاك الوقت تروح ريما لأمها عشان تشوف كيف تتدبر الخرجه ..

ريما<<< (دق دق تدق الباب على أمها من قوة الأدب)

أمها << إيوه ..

ريما<< دق دق ..

أمها << وه وبعدين مين إللي على الباب ..؟؟

ريما<< أنا يا أمي ..

أمها << طيب أدخلي وه ليا ساعه بأهرج ..

ريما<<< صباح الخير

أمها << اهلآ صباح النور ها خير ياريما إيش عندك صاحية من بدري اليوم غريبة مو من عادتك يعني ..

ريما<< لا بس عندي موعد في المستشفى وه نسيتي يا أمي عشان أبغى أسوي الفحص الطبي للجامعة أبغى أروح دحين ..؟؟ طيب ..

أمها << طيب ياروان بس ها لا من هنا ولا من هنا من البيت للمستشفى ومن المستشفى للبيت .. طيب ؟؟!

ريما<< أكيد يأمي الله يسامحك إنتي ماتعرفي بنتك بس يا أمي أبغى رنيم تجي معايا عشان أخاف أطلع لحالي مع السواق وهو يهرج كتيررر وإنتي عارفه صعبه أطلع معاه لوحدي و و و ... !!

أمها << خلااااااااااص خلاااااااااااص وجع ايش المطلوب طيب ..

ريما<< أبغى رنيم تجي معايا ..؟؟

أمها << لا لا لا لا رنيم لا تقعد تحرك وتفرك في السياره يمين ويسار وقله أدب ومصخرة ومسجل وتصليح طرح وأنا كذا ماأبغى إنتي عارفه هذا الشي مايعجيني .. عصبت <<

ريما<<< لا يا أمي والله أنا أخليها تغطي وما تتمرقع في السياره ..

أمها << طيب طيب .. بس أصحك تفتحولي البانوراما وتشغلوا مسجل و تصلحوا الطرح في السيارة ..

ريما<<< طيب إنشاء الله توصيني ع حاجة يا أمي ..

أمها << لا بس لاتتأخروا وأنتبهوا ع جوالاتكم لإني حدق كل شوية وعزة جلال الله لو بس سمعت مرقعة ولا مسجل ولا كلام كذا ولا كذا لادهسك منك ليها ..

ريما<< طيب إنشالله ..


وتجري على الغرفة عند رنيم ..


ريما<<< يلا يلا أديني الجوال ..

رنيم << ها ايش صار وافقت ولا لا ؟؟

ريما<< أص أص ..

رنيم << وجع اهرجي وافقت ولا لا .؟؟ وايش قالت ..؟؟ أتكلمي عسى ربي يمرضك ..

ريما<< ايوه ايوه .. عسى ربي ياخذك هيا قومي ألبسي وجع معتوهه

ريما

( تتصل على جوال بنت عمتها وطبعا الجوال موبايلي والنغمة لما تتصل أغنية

(الكول الكول أكبر مصخره .. إلخ )


هتون<< zZzZzZzZ

و طبعآ السعابيل واصله للخد التاني .. ااااااااااااااااه


جوالها يرن أغنية (( يا أسود ياسواد الليل يا أسود .. إلخ ))


يؤيؤ بنات عمي إيش مصحيهم بدري ..؟؟ ( ترد على الجوال ) هاااااااااااااااا ليش داقه دحين ياهبلة إيش عندك الله يرجك أبغى أنااااااااااااااااااااااام هذا وقت تدقي فيه
.. نعم .. خير .. << ماعندها إسلوب ..

ريما<< وجع وجع زي التكارنة .. يلا قومي الله ياخدك ياسوده لدحين نايمة أنا 10 دقايق وأنا عندكم صحي شهد وخلود ونوارا يلا بسرعة ..

هتون <<< طيب فين تبغينا نروح ..؟؟

ريما<< لما أجي أقولكم يلا بسرعة قومي وغسلي فمك ريحتك واصله لهنا .. هيا مع السلامة قرفتي أهلي الله يقرفك ..

هتون << (( افففف ياربي كل يوم ع هذا الحال يارررب أستر وماننفضح عشان أتزوج ))

راحت الحمام وغسلت وجهها وراحت تصحي باقي البنات .. يلا يلا قووموا اليوم في فلة ودشرة يلا يلا ..

شهد << بس الله ياخد شيطانك أمس مانمنا بدري فين حنروح دحين الساعة 8 الصباح ايش هو دا ..

هتون<< شهد قومي وحطي طقم أسنانك وبعدين أتفلسفي يلا يلا يلا بسررررعه ..

(صحيوا البنات وراحوا الحمام وأتجهزوا عشان يطلعوا من البيت)


(( وتروح هتون عند أبوها الله يطول بعمره ))


وتقول أبويا إنت صاحي ..!! صباح الخير حسبتك لسه نايم ..

أبويا << إيوة صاحي من بدري إيش عندك ..؟؟ أهرجي ..

هتون << ها .. لا ولاشي بس أبغى أطلب منك طلب صغييييييييير

أبويا << أطلبي خير أيش عندك ..؟؟

هتون<< اليوم وحده من صديقاتي دوبها دوبها ولدت والشلة كلهم رايحن يحمدوا لها بالسلامة أبغى أروح أنا وأخواتي ..

أبويا << اللهم طولك ياروح .. طيب ليش ماتخليها في الليل أحسن عشان تاخذيلها شي في يدك مايصير تروحي كذا يد وراء ويد قدام ..!!

هتون<< ها .. لا .. أصلوا البنات كلهم اشتروا هديه وأنا قولتلهم بشترك معاكم ..

أبويا << طيب وكم حتدفعي .؟؟

هتون<< 500 ريال ..

أبويا << اف اف ليش 500 ريال مو كتير .!

هتون<< طيب أيش أساوي كلهم حيدفعوا يعني أصير أنا الناقصه بينهم ..

أبويا << خلاص خلاص .. روحي جيبي الشنطة ..



((وتاخد الفلوس وجررري لباقي البنات >> ها .. ماخلصتوا ..؟؟ هيا هيا بسررعه أخلصوا شوفوا هذي 500 كل وحده فيكم حتاخد 100)) ..

شهد << ماشالله حتبقى 100 طبعا حتلهفيها كالعاده ..

هتون<< أقول أسكتي طيب .. لإني أنا اللي جابيه الفلوس طيب .. هيا أقفلي فمك ولا أقسم بالله مافي ولا ريال ..

خلود <<< شوفوا لو عندكم مصخرة اليوم ما أبغى أروح كفاية مشاكل أنا طفشت ..

هتون<<< خلود تبغي تتفلسفي من دحين لاتروحي معانا والله مو عشانك نقطع فلتنا ورزقنا ..

خلود <<< لا مو قصدي كدا بس كل يوم تلحقنا ميه سيارة لانشتري ولا شي ..

هتون<<< يوووووووووووووووه .. بس اللي يسمعها يقول معاها ملايين وبعدين كيف حتشتري وأنا قايله بنروح المستشفى عند صاحبتي تستهبلي ولا تستخفي بدمك ..

(وفي ذاك الوقت ريما ورنيم نازلين السيارة وينادوا السواق )


ريما<< سوبرمان (أسم السواق) سوبرمان يلا يلا إحنا في روح مشوار ..

سوبر مان << أستغفرو الله هذا كولو وقت مشوار مشوار أنا مافي نوم يا الله ..

رنيم << سوبرمان أمشي وبلا فلسفة حقتك الزايده إلي يشوفك يقول تشتغل ببلاش يلا أتحرك فك الباب إلهي يفك قبرك ..

سوبرمان<< كلو قر قر يلا فين روه سوق ولا كافي ولا فين ها يلا قول بس إسمع إنت مافي سوي أنا فطور أنا كلام بابا إنت فين روه إنت فين يجي ..

رنيم << أقول لاتقعد تهدد طيب .. يلا يلا بس أتحرك لاتخاف راح نطفحك الله ياخدك أتحرك روح بيت عمي ..

سوبرمان << الله أكبر بنات عمي ياسلام مايرجع بيت قبل فجر الله أكبر ..

ريما<< سوبرمان أمشي من غير ماتكثر كلام هيا ..


((جوال هتون >> يا أسود يا سواد الليل يا أسود ))

>> هتون << ها فينكم ..؟؟

ريما<< يلا إحنا تحت أندوروا بسرعه ..

هتون << يلا يلا نازلين بس أسمعي حننزل من الباب اللي وراء عشان أمي وأبويا مايشوفوا عباياتنا ..

ريما<< طيب طيب .. سوبرمان روح باب تاني ..

سوبرمان << ليش كلي ينزل هذا باب ..

رنيم<< مالك شغل هيا أمشي بسرررعه أحسن لك ..

سوبرمان << أدوه ,, يا ربي سوي صبر مال أنا مع هزا بنات قيلا << مجانين ..

رنيم << أيش تقول إنت ينعن أبو شكلك هيا أنكتم وأمشي ولانفس ..

سوبرمان << كيف يعني ولا نفس همدلله يارب ..


(وينزلوا باقي البنات ويدخلو السيارة )

البنات << هااااااااااي يا صويع هاي سوبرمان ..

ريما<< هايااات .. لكم اليوم عندي ياسلااااااااااااااام ..

سوبرمان << اففففف يلا أدكل وسكر باب فين يبقى روح ..؟؟

رنيم << روح عزيز مول..... هيا بسرعة ..

هتون << لا لا روح حراء ..

ريما<< لا لا بلا هبل روح كافي بيانو ..

شهد << إيوه خلونا نروح كافي ونفطر أحسن ..

هتون ورنيم << تستهبلي منك ليها إحنا رايحين ننبسط ونفل أم أمها أيش يودينا كافي بلاها أقسم بالله ..

سوبرمان << لا هول ولاكوة إلا بالله ..

رنيم << سوبرمان عسى ربي ياخدك ليش في وقف سيارة ..؟؟

سوبرمان << كلو قر قر فين يبقى روح يمين ..روح يسار .. كيف أنا في أمشي بعدين إصدم ..

خلود و نوارا << خلاص خلاص ودينا صواري لاند وربي حلو منها نفلها ونساوي شوبنغ ..

البنات << طيب طيب .. يلا روح صواري لاند بسرعه عسى ربي ياخدك ..


((وطبعا طول الطريق والبانوراما شغاله وفجأة تجي أغنية >>

( ياتا**ي خذني لها ياتا**ي وبسكتك خلنا نمر .. إلخ )

وشوف الشكشكة اللي قامت جوت السيارة (( وسوبرمان المسكين رابط راسوا من قوة الصداع))


نوارا << ياااااااااااي يا بنات شوفوا السيارة الي جنبنا ياااااااااااااااي كلها شباب يلا يلا نجرهم ورانا ..

خلود << نوارا بلا هبل نروح السوق ونستهبل إيوة بس من دحين ويمشوا ورانا لا من جد سخاافه ..

شهد << بس ياحبك للفلسفه يا إيناس على الأقل نفطر على حسابهم هههههههههه ..

>>هتون << هذي سيبوها عليا إذا مافطرتكم وغديتكم كمان بس أصبروا عليا ..

(وطبعا السيارة مضللة ومايشوفوا الي جوتها وفتحت عنود الطاقه وطبعا طول الطريق وهما يتمكيجوا المهم نزلت الشباك وهذا الي جنبنا تقولوا صاروخ من قوة الجمال المهم نزل هو الشباك وكان لابس بلوزة بربري >>> يعني ولد عز <<< وتقفل عنود الشباك ..

باقي البنات << ههههههههههههه هاهاهاهااههاه نيهااااااهاهاهاهاه هع هع هع هعهعهعهع ..

هتون <<< ها كيف أعجبكم دحين طول الوقت وهو ورانا يالطيف ..

رنيم << والله مايجيبوها غير بناتها ..

ههههههههههه ههههههههههههه ههههههههههه


سوبرمان << الله أكبر هزا بنات والله قلة أدب لو في مدام مافي سوي زي كذا ..

البنات << هي هي أمشي وإنت ساكت الفلسفه هذي روح سويها في بلدك ولا في جيب سيرة مدام هيا أوسكت ..

ترن ترن طبعا النغمة >> يعني تحسبين أكبر همي إنتي ..

ريما<< أوص أوص أمي بتتصل أسكتوا شوية سوبرمان وطي صوت هزا مسجل بسرررررعه ..

أم ريما ورنيم << بنت فينكم ..؟؟ ها وصلتوا ولا لسه ..؟؟

ريما<< يا أمي الشارع مررره زحمة ولمن دحين ماوصلنا لمن نوصل نكلمك ..


(( والحمد لله وصلوا السوق وطبعا الولد صاروخ جنبهم ونزلوا ونزل وراهم ))



ريما<< يا أمي الشارع مررره زحمة ولمن دحين ماوصلنا لمن نوصل نكلمك ..





(( والحمد لله وصلوا السوق وطبعا الولد صاروخ جنبهم ونزلوا ونزل وراهم ))





وقف سوبرمان السيارة >>وقال هاي أسمع انت انا في روه هذا مطعم عشان سوي فطور يلا جيب فلوس



>>رنيم <<ياعساك السم يارب خد هذا 15 ريال مافي غيرها ياعبيط



>>>سوبرمان<<ايوة ايوة شكرا يلا انا روه



>> هتون<<يلا يلا يابنات والله السوق مليااااااااااااااااااااان والله حماس



>>نوارا <<يا بنات شوف الولد الصاروخ ماشي معانا



>>خلود<< حسبي الله ونعم الوكيل بس والله تصدقو السوق اليوم شكلو حمااس >>>قال مطوعه قال

((وطبعا دخلو السوق )



>>ريما<< يابنات انا ماحطيت عطر ولا شي إيش رايكم ندخل العربية للعود ونتعطر



>>شهد << إيوة الله جاي على بالي أحط عوده يلايلا



(ودخلو المحل وهذاك اليماني الي لابس بدله كأنو مدير تسويق في بنك ههههههههههههههه)



>>اليماني<<< هلا والله كيف أقدر أخدمك (وطبعا اليمنى معروفيني بعيونهم الي ت*** العبايه)



>>رنيم <<ممكن لوسمحت تورينا أخر شي نزل عندكم ((طبعا بدلع ومسخرا فوق المعتاد))



>>اليماني<< أبشري وباقي البنات إيش يحبو أوريهم



((تضحك هتون ضحكه مال أمها داعي ككككككيككككي>>>ضحكت مرقعة))



>>اليماني<<< خير ياجميل ليش تضحك ضحكنا معاك >>وعيونو ماشالها من على هتون



>>هتون <<لالا بس فكرتني بحق البسوبسه إلى على البحر كيكيكيكيكيكيكيكيك>>برضو بمصخره



(طبعا الينماني أتكيف على فلتهم وماخلى عوده ولا كريم ماحطلهم منها)



>>اليماني لشهد << شوفي هذي العوده >قديد> جديد أخر شي نزلت لنا



>>شهد<< اف اف لالالا مو حلوة ريحتها زي حقت العجايز



>>خلود<<<طيب كويس تناسبك يابعد عمري

((وباقي البنات فطسو على نفسهم من الضحك واليماني مو فاهم شي بس جالس يضحك زي الأهبل )



>>شهد << هباله مافي شي يضحك (وبسرعة طلعت من المحل زعلانه ((مسكينه جرحوها



>>>اليماني ماهان علية وطلع وراها<<ليش ياقميل زعلان تعالي والله لا أعطيك عينة من عوده تجنن

(طبعا شهد دخلت وهيا مبسوطه لأنها راح تاخذ شي ببلاش)



>> ريما<< وإحنا مالنا في الطيب نصيب ولا لازم نزعل ونطلع عشان تجيب لنا عينات>>>شحاتين



>>اليماني << لا والله كلكم راح أعطيك عينات



(دخل اليماني المخزن وطلع لنا أكياس على قدنا كل وحده ولها كيس طبعا كلها عينات)



المهم خلصو البنات وأتعطرو ولا كمان أخذو عينات وكل هذا ببلااااااااااااااااااااااش



>>رنيم <<ككيكيكيكيك ضحكة مصخرة والله من جد فله نطعطر وناخذ عينات من غير ماندفع ولا ريال



>>خلود <<هذا كلو عشان قلنا عجوز هههههههههههههههههههه



>>شهد<< قسم بالله خلود لو ماتنكتمي لأفسخ إلي فرجلي وأمدسك >>>طبعا من القهر صوتها علي (((والناس تطالع



>>>هتون<<< اه اهااهها عادي عادي هما كده لما يتحمسو اهاهاههاا>>>الله يلعن أهلكم يلا أتحركو



(وطبعا طول الوقت وهما ضحك وكركره ))



*معلومة مهمه* شهد أطول وحده في البنات



ولما كانو ماشين البنات كان في وراهم شباب وطبعا البنات كانو متحمسين إنهم يستهبلو



>>الشباب<< ياواد شوف شوف هذي (على شهد) زي فلة >>ملاحظة فله عروسة للأطفال << كاكاكاكاك إلي جنبو لالالا أطول شويا



>>شهد << انا زي فله طيب طيب ياكلاب



(الشباب ماشين وراها والسكيورتي قدامها وراحت للسكيورتي وقالت لو >>لو سمحت شوف هدول من أول وهما ماشين ورانا وكل ساعه يستهبلو عليا ممكن تشوف حل معاهم )



>>شهد للشباب << أنا اوريكم من هيا فلة ولا كمان أطول طيب طيب



>>رنيم <<لاالالالالالا حراااااااااااااااااااام لاتسوي معاهم كده هذول إلى نتنفس بيهم لالالالا



>>السكيورتي <<لا يأختي لاتشيلي هم انا راح أوديهم الإدارة



>>شهد <<شكرا أخويا



>>نوارا <<< يابنات شوفو هذا الولد الصاروخ إلى كان ماشي معانا شوفوشوفو



(لفو باقي البنات يشوفو الولد ))





(طبعا الولد عارف هتون هيا إللي اشرت لو ))



هتون << كيكيكيكيكيك (كأنو أحد قالها نكتة ) بنات إيش رايكم ندخل ستار ب** ونفطر



رنيم << يلا جو بس في مشكله (طبعا الصاروخ سامع كل الكلام لانو صوت البنات عالي) الكردت كارد ماراح يسحب لانو سحبت قبل شوي لما اشتريت الساعه



الولد الصاروخ << خلاص انا اليوم الكردت كارد حقكم اطلبو وانا احاسب



خلود<< الله يلعن ابو شكلكم لا لا لا يدفع لنا شي



ريما<< أيش انت كردت كارد ههههههههههههههه لا ثان** إحنا مو بحاجه لك لو تبغانا نفطرك نو وي >>>كم كلمه عشان الكشخه



الولد الصاروخ<< هههه حلوه حللووووه تفطروني لا اليوم ع حسابي وبكره عليكم ؟ إيش رايكم يا بنات



نوارا<< نو بروبلم بس عندنا شرط



الولد الصاروخ<< شرط واحد بس أشرطي أمري



نوارا<< كيكيكيكيكيك أنو أنت تفطر معانا



شهد <<< أيوة صح كلام نوارا تفطر معانا



>>خلود<< بصوت واطي يلعن اهلك انتي وهيا كيف يعني يفطر معانا



>>الولد الصروخ << بس كده ليش لا



(ودخلو الكافي وكأنو أخوهم حشى مو كأنو خوي قبل ساعه وطبعا خلود مو عاجبها الحال مرررررررررررررره متغطي وحالتها حاله



هتون << انا راح أختار الفطور اوك ... ياالولد الصاروخ ..



الولد الصاروخ << حلوه الولد الصاروخ إسمي راكان



هتون << عاشت الأسامي راكان

وتروح هتون ورنيم عشان يطلبو وباقي البنات راحو في طاوله بأربعه كراسي (نداله


) عشان راكان مايجلس معاهم وراكان راح وجاب كرسي وجلس عند الباب بعيد عنهم شوي)

هتون لرنيم << شوفي السوري إلى ع الكاشير والله شلل شلل حلو مره إيش رايك نشبكو

رنيم << والله يخقن خق يلا أشبكي أمو كمان

هتون << والله ماراح أتزوج ع دا الحال

رنيم << يالله شوف إحنا وين وهذي وين يلا يلا نطلب

هتون<<<قود مورنق ممكن أطلب لو سمحت

السوري << أهلين والله فيك تطلبي عيوني إزا بدك

هتون<< ههه ضحكه ناعمه يسلمو لي عيونك ممكن تعطيني إزا بتريد 7 موكا و4 تشيز كروسان و3 تشيز كيك

السوري << يالله شو حلوي من تمك كلمة إزا بتريد لك من عيوني والله راح ساويلك طلب بس بدك يا هون ولا برى ..؟؟

هتون<<ههه برضو ضحكه ناعمه لا هون يا قمر

(وفي ذاك الوقت نوارا مبسوووط مع راكان وخلود نفسها تقوم تقتلهم كلهم من قوة القهر وريما وشهد جالسين يتفرجو ع العينات حقت العوده

السوري << ماعرفتونا ع حالكم يا صبايا

رنيم<< انا رنيم وبيدلعوني حس حس

هتون<< وانا هتون وبيدلعني تكو هههههههههههههههههههههه وانت ماعرفتنا ع حالك

السوري >> انا إسمي ايهم من سوريا

هتون << شكلك متزوج صح؟ ( أسئله مال امها داعي)

السوري << يالله فال الله ولا فالك شو إزوج وفي صبايا متلكون حلوين لك يطرقني العمى إزا بزوج وفي بالكون متلكم (كداااااااااااااااااااااااااااب)

رنيم<< اها يعني مو مزوج حلو

السوري << إنتي الحلوة

((الطلبات خلصت ))

السوري << إنشاء الله الف عافيه يارب

هتون والرنيم<< ع ألبك

السوري << بس ممكن تدفع لي الحساب مشان الجهاز يطلع لكم فاتوره

هتون << أكيد (بصوت واطي تقول لرنيم روحي نادي راكان)

((في ذاك الوقت راكان جالو إتصال ) من ابو

راكان << ايوة ايوة بالله طيب طيب دقايق وانا عندكم .. باي بنات عن إذنكم جاتني سفره ضروريه لازم أروح يلا سلمو ع الباقي سي يو

((وراح راكان يجري )

شهد<< لااااااااااااااا مين راح يدفع الحساب الله يحرقك ياخلود هذا كلو من دعاويكي

خلود << الحمد لله يارب كنا راح ناكل بفلوس حرام

ريما<<فلوس حرام في وجهك إللي يشوفك يقول ماتشيلي من جيب أبوكي ولا السرقه حلال

خلود << كلي خره ع الأقل هذي فلوس أبويا

((جات رنيم فرحانه راكان راح يدفع الحساب >> معلومه مهمه رنيم أبخل إنسان ممكن تواجهوا في حياتك

رنيم << وين رااكان؟

نوارا<< اه اها هاهاها اه ها راح جاتو سفره

>>رنيم<< الله يلعن ابو اهلو مين راح يدفع

خلود<< بشماااااااااااته كل واحد يدفع من فلوسو عشان تاني مره ماتفكرو تفطوروا ع حساب شباب

>> ريما<< خلود أسكتي ترى دين أمي فاصل والله قهر كان راح يدفع الحساب عننا ااااااااااااااااااااااااااااه

(هتون مكيفه مع السوري وماتدري عن المصيبه إلي صايره هناك)

رنيم << هتون تعالي شويه

هتون << عن إزنك تقبرني

رنيم<< تعالي إلاهي يقبرك راكان راح وأتورطنا بالحساب

هتون<< كداااااااااااابه يلعن أهلو المداس إلهي يفرمو بسيكل في الطريق حرام مو سيارة بعدين يموت ويخلصو الشباب

رنيم<< والله إنك رايقه ياسوده من وين لنا فلوس

هتون<< أمشو يابنات عمي الشحاتين ابويا الله يطول عمرو أعطاني فلوس قبل لا أنزل مو زي عمي الله يهدي مايعطيكم فلوس غير في العيد بعد الفطور كيكيكيكيكي

رنيم<< تعايرني بعمك ياسوده ع الأقل أبويا ما يطلع من الغرفه حقت النوم وفي إكلين في وجهو ها

هتون<< بس الله يلعنك نقعد نعاير بعض يلا انا بدفع

((وراحو للسوري ودفعو الحساب وطبعا كالعاده الرقم موجود في ظهر الفاتوره راحو لباقي البنات عشان يفطورو)

شهد << هلا والله بالحامل والمحمول هلا والله هاتو خلونا نفطر

ريما<< اعطوها عشان تاخذ ادويتها وإبرة السكر بالمناسبه ماجبتو خله (نكاشت اسنان) عشان تنكش فيها عجوز التركيبه بعد ماتاكل كيككيكيكيكيكيكيك

شهد<< قسم بالله ريما لو ماتسكتي لأركب لك بوري ع خشمك يا باص أبو سرهد بيب بيب كيكيكيكيكيكي

نوارا<< يلا يلا كلو إنتي وهيا عشان الساعه صارت 11 وإحنا للحين مارحنا البيت

(والكل منهمك بالأكل وجوال ريما ... يعني تحسبين أكبر همي إنتي ..)

>> ريمااص أص هذي الشرطه

الو ايوة ماما

أمها<< ريمافينك إللى الأن وإنتو برى كيف يعني كيف ( بصوت مرررررررررررررره عالي يعني الطاوله إلي جنبنا يسمعونا)

ريما<< خلاص ياماما خلصت دقايق إنشا الله وأكون في البيت بس أوصل بنات عمي لقيتهم هنا في المستشفى طيب

أمها << بسرعه قدامك ربع ساعه عبال ماتوصلي بنات عمك وتكوني عندي يلا يا بنات البساس >>> سبت أمها

ريما<< طيب طيب ياماما إنشالله مع السلامه

امها << الله لايسلم فيكي ولا عضمه

ريما<< اف اف من جد أمهات أخر زمن يلا يلا يا بنات بسرعه عشان ماما هزئتني بقوة

(أكلو البنات وعجوز الي هيا شهد أخذت أدويتها خخخخخخخخخخخخخخخخخخ وأتصلو ع سوبرمان)

ريما << سوبرمان إنت فين يلا شغل سيارة أنا دحين يجي

سوبرمان << طيب يلا يلا انا في شقل سياره دهين

وركبوا البنات السيارة وكالعاده البانوراما والرجه والمصخره الزايده


يابوي يامي يابعد كل الأحباب جوال هتون يدق


هتون << أوص أوص أبويا يدق

البنات << ششششششششش

هتون << الو إيوا أبويا

أبوها << فينكم يابنت

هتون << أهو في الطريق 5 دقايق ونكون في البيت

أبوها << وصحيح إنكم مع بنات عمكم

هتون << ها .. إيوه مو إحنا شفناهم في الطريق أقصد في المستشفى ورجعنا معاهم

أبوها << خير إنشالله يلا لا تتاخروا ترى عمك ومرتو مرره معصبين
هتون << طيب باي



هتون << أقولكم ايش رايكم تجوا عندنا

البنات << وااااااااااااااااااااااااااااو ...

رنيم و ريما << لا لا إنتو تعالو ونفل أم أمها

هتون << لا لالالالالا إنتو تعالوا ولكم مني العصر نخرج السوق .. ها إيش قولتوا

ريما<< ومين يكلم ماما

هتون << رنيم

رنيم << لا ياشيخه والله ما أكلمها ناقصني أنا تلعن أبو أهلي لا معليش مرره أسفه
البنات << أمممممممممم


شهد << إيش رايكم أبويا يكلمهم ويقولهم خلو البنات يجو عندنا وأنتو تعالوا ع الغداء

البنات << واااااااااااااااااااااااااااو فكره حلوه ومنو كلنا العصرر نخرج السوق

هتون << يلا أوص أوص سوبرمان وطي صوت
سوبرمان << يالله اللهم طول روح
البنات << أوووووووووووووووص طيب لا تتلعن دحين
هتون << خلاص خلاص أوووووص
هتون << الو
أبوها << فينكم يابنت وبعدين في المرقعه
هتون << خلاص خلاص وربي في الطريق
أبوها << خير إنشالله
هتون << أبويا كلم عمي ومرتو وقولهم البنات بيرجعوا عليا وانتو تعالو ع الغداء
أبوها << لا كل واحد يروح بيتو لانو أمهم معصبه
هتون << طيب كلها ساعتين
أبوها << خلاص طيب لاتتمرقعوا في الشارع يلا كلكم تعالوا ع هنا وأنا دحين أكلمهم
هتون << طيب باااي

البنات << هاااا إيش صار ..؟؟
هتون << إحم أحم وااااااااااااااااااااااااااافق
البنات << ياااهووووووووو سوبرمان أرفع صوت المسجل يلا أدوها رقص
وفي هذا الوقت الرقص والفله والأهل طباخ طراخ مع بعض
العم<< السلام عليكم
الأم << وعليكم السلام
العم>>. كيفكم .. إنشالله بخير
الأم << حمدلله الله يخليك
العم>>أقولك البنات دحين كلهم حيرجعوا ع هنا وإنتو تعالو ع الغداء

الأم << لا لا للللللا خليهم يرجعوا ع هنا والله البيت حايس ويبغالوا ترتيب وإنت عارف مافي شغاله >>شغالتهم شردت
العم>>يلا بلى لكاعه كلها ساعتين وتعالو أنتو أتغدو وبعدين الله يسهل عليكم
الأم >>أممممممممم
الأبو << يلا أنا قولتلهم يرجعوا ع هنا وإحنا نستناكم ع الغداء خلاص يلا كلها يوم واحد مايضر
الأم >>طيب طيب والله عشان إتصالك حوافق
العم >>طيب الله يخليكي لاتتاخروا تراني مية جوع
الأم << طيب إنشالله يصير خير
الأبو>> يلا في أمان الله

بعد ماقفلت الأم من العم راحت لأبو رنيم و ريما وهو ياعمرري في ساااااااااابع نومه

الأم << طاخ طاخ طاخ

أبو رنيم وريما << أيش في يا أومي
الأم << قوم شوف بناتك كل مرره نقول أخر مرره ويدقوا يحرجوني

أبو رنيم وريما << طيب يا أومي فهميني ايش في


الأم >> تحكي القصة ومن عيونها يطلع شرار هههههههههههه

أبو رنيم و ريما << طيب يا أومي نروح نغدى أيش المشكله

الأم << هذا اللي همك بطنك بس لا كن شي تاني مو هامك

أبو رنيم وريما << ياأومي ايش فيكي ماراحو مكان غريب راحو بيت عمهم

الأم << ولو المفروض يرجعولي الأول

أبو رنيم وريما << طيب حصل خير دحين قومي ألبسي وبعدين أتفاهمي معاهم

الأم << وعزة ربي لادهسهم بس خليني أشوفهم

البنات << وصلوا البيت وفالين أم أمها والله يستررررررر



واعذروني على الاخطاء الاملائية

يلا اقابلكم في البارت الرابع وانتظرك تعايلقاتكم

الله يعطيك العافية


قصة حلوة


تقبلي مروري

الفصل الرابع


وصلوا البنات بيت عمهم ابو هتون وفالين أم أمها والله يستررررررر

(أبو و أم ريما ورنيم لبسو عشان يروحو لبيت العم والأم طبعا ما اقولكم دمها محروووووووق من بنات وحركاتهم وطول الطريق وهيا تتوعد لبناتها لين ماوصلو ودخلو البيت)

ريما ورنيم : يســـحبو يد الام والابو ويسلمو عليها بكل ادب واحترام

ريما ورنيم >> كيفك ماما

الأم من تحت ضرسها >> الحمد لله

باقي البنات : كيفك ياخاله..؟

ام رنيم وريما : اهلا حبايبي كيف حالكم انتو..؟

البنات: طيبين الحمد الله

هتون تتدحلس عند مرت العم : اتفضلي ياخاله ع الغداء

أم ريما و رنيم : هيا يابنات تعالو اتغدو عشان نروح البيت خرجتو من البيت وتركتوه زي حراج بن قاسم

البنات : يتغامزو ع على السوق بعد العصر

ريما لهتون : اتكلمي الله يحرقك والله البيت طفش مانبغى نرجع معاها

هتون : بما إني زعيمتكم مالك شغل خليكي ساكته انا اعرف ادبرها

(انتهى الغدا والام تأشر للبنات عشان مايحرجوها)

رنيم لريما : ماعليكي منها ساوي نفسك ماتشوفيها هتون بتدبر أم أمها

(وتمسك هتون جوالها وتحط نغمتها كأن جوالها يدق)

يااسود ياسواد الليل يا اسود يالون .... >> جوال هتون يدق


هتون: الو.. اهلين ..هلا هلا جوري.. والله كلنا تمام

لا ياشيخه ..بالله عليك.. خلاص بشوف بنات خالي وارد لك >> طرق << سكت الخط

هتون لأم رنيم وريما : خاله ممكن اطلبك طلب..؟


أم رنيم وريما : اطلبي حبيبتي..؟ << ونفسها تقتلها>>

هتون : صحبتي دوبها كلمتني وتقول مسويه حفلة تخرج وتبغاني اروحلها وما ابغى اروح لوحدي خلي البنات نروح سوا.... واوعدك مانتأخر الساعه 10 يكونوا في البيت

أم رنيم وريما : لا لا معليش خليها مره تانيه والله البيت حايس ووراهم شغل

البنات :>> بصوت واطي : لحي لحي يا دلخه ماعليكي منها

هتون : الله يخليكي ياخاله البنت اول مره تطلبني والله وعد مايتأخرو واذا تبغينا نجي معاهم نساعدهم نجي بس خلينا نروح الحفله...

الام : خلاص براحتهم.. ها يابنات ايش رايكم..؟ > وتعطيهم نغزه

ريماورنيم : ايوه خلاص نروح شويه ونرجع

الأم : ولا ايش رايكم تجو البيت وتلبسو ويعدوا عليكم..؟ >> أهم شي تهزئهم

ريماورنيم : لا لا ايش لو داعي المشوره نلبس من عندهم
انا البس من شهد

ورنيم تلبس من خلود

خلود : الله يستر اغراضي حتتفرتك

ملاحظه: ( خلود : كريمه بس ماتحب شي من اغراضها يضيع او ينقطع )

(ورنيم: ماتقصر في تخريب الاغراض والاهمال)


الام : طيب خلاص بس لاتتأخرو ولاتكثروا من المكياج شوفو وجهكم كيف صاير

البنات : ههههه بصوت واطي

رنيم : نفسها ترد عليها بس ساكته عشان القعده

الام: هيا يابنات انتبهوا لنفسكم والحشمه ثم الحشمه ثم الحشمه وإنتو فاهميني .. مع السلامه

ريماورنيم : إنشالله و يسحبو اليد ويبوسها قبل ماتروح

باقي البنات : باي ياخاله

رنيم : ايش هوه دا ياسوده مانبغى نروح حفلات وسخافات نبغى شباب مو بنات

هتون : وانتي صدقتي ياهبله هذي تمثليه عشان تقعودوا

(ويدخل عليهم العم)

العم : اهلا اهلا بتنتون وتنتن اكيد اخذتو تهزيئه

البنات : هههههههه لااااا عدت على خير

العم : وليش ما اخذتكم معاها..؟

رنيم وريما : اشبك ياعمو ماتبغانا..؟

العم : ايوه ما ابغاكم حيلووو عننا شويا لاتجوا عندنا

ريما ورنيم : عادي تطردنا من الباب ندخلك من الشباك نياهاهاي

(وهتون تدخل في الموضوع ع طووول)

هتون : ابويا اليوم عندنا خرجه

الابو : على فين انشاء الله..؟

هتون : نبغى نروح السوق نجيب ملابس للجامعه في تخفيضات

الابو : يصير خير..

( وراح على غرفتو)

البنات : شكلو والله مافي خرجه

هتون : لا لا لا عيب عليكم تقولو كذا انا تكو والاجر ع الله ههههههههه

وتلحق هتون ابوها للغرفه : وشوية دحلسه على ملعقتين دلع ورشة إلحااااح

الابو : يابنتي اليوم لسه معطيكم 500 انا ماعندي مال قارون

(هتون اتذكرت سالفة راكان وجاء ع بالها تعيدها مع واحد جاد وطبعا مع شوية قطه من البنات)

خلاص خلاص مو مشكله اعطيني أي شي وانا بروح مع بنات عمي اتفرج واذا ماكفت الفلوس اخليها يوم تاني

الابو : افف الله يهديكم بس طيب خلاص أقولك البنات قالو لأمهم ولا لا مو ناقصني مشاكل

هتون :ها .. إلا قالولها بس ماقالولها سوق قالولها محل واحد بس

الابو : ليش الك** إنشالله

هتون : مو ك** ولاشي بس لو قلنالها سوق حتقول لا ولاتتاخروا ولا لا لا.. فقلنا نختصرها أحسن

الأبو : طيب خير إنشالله بس هالله هالله بالحشمه

هتون : طيب إنشالله

( ويعطيها الفلووس .وهي .جرري ع باقي البنات)

هتون : والله وجبت ابو امها وبنطلع السوق لااا مو كذا وبس وهذي 300 ريال كمان

البنات :يا سلااااام عليكي والله شااطره يابت

خلود : الله يستر... طلعه للسوق ومرتين في اليوم والله مدري ايش نهايتها

شهد : بالله بالله سكتوها.. ماتسيب الفلسفه حقتها

رنيم : خلود عندي سؤال يقرقع في خاطري ليش ماتحبي الفله والبسطه انتي..؟

خلود : والله مو قصدي شي بس انا ما احب احد يشوه صورتنا وبعدين ما احب المصخره الزايده ننبسط ونفلها من بيعد لبعيد محد قالكم غمضو وانتو ماشين شوفو بس لاتتكلمو والله كذا يلحقوكم وانتو بكرامتكم

هتون: يوووووووووه لو بيلحقونا يا أمي كان لحقونا من زمان اليوم واحنا في السوق شفتي ايش صار طلع لنا راكان و وقت الحساب هرب إللهي يفتقوا

خلود : احسن شي ايش دراكي امكن لو اكلنا بفلوس حرام ربي ينتقم مننا ويجينا مرض

البنات : اووووووه ماتسيبي فلسفتك الزايده أوص أوص

ريما وهيا تتثاوب : امشو ننام شويه للمغرب عشان نروح واحنا مصحصحين

رنيم : لا لا يلا دحين نروح

هتون : يلا بلا هبل شمس دحين والعصر لسه ما اذن بعد المغرب يتملى السوق

خلود : >> اهم شي يتملا السوق عساكي البلاء

شهد لنوارا: خير ليه ساكته يا اخت من اول احنا بنهرج وانتي مالك حس

نوارا بتنهيده : اااااه راكان مو راضي يروح من بالي

البنات : ياحراااااااااااام

خلود : بلا هباله ننبسط ايوه بس نتعلق لا خلو هذا شعاركم .. بعدين تقدري تقوليلي فينو دحين والله مايدري عنك هرب وقت الحساب قومو بس ننام شويه

نوارا تهمس لرنيم : مسكينه خلود والله ماتدري عن شي

رنيم : ليش ايش صار عساكي شبكتيه..؟

نوارا : مو انا اكتر وحده جلست معاه اعطاني الرقم وانتو ماتدروا

رنيم : طب كيف كتبتيه يامفتريه وخلود كان جنبك..؟

نوارا : الله ياخدك ياهبله انتي لسه على زمن اكتب وارمي من غير محد يحس ياماما احنا اتطورنا..
رسلي هوه بلوتوث وانا جالسه جنب خلود ولا حست

رنيم : الله ينعن ابو شكلك طب يلا نكلمو

نوارا : لا لا انا اخاف ماعمري سويتها اخاف انفضح ولا يصير شي

رنيم : هاتي الرقم وانا اتصرف

نوارا : اخاف تاخذيه مني ههههههههههه هيا خذي بس **طيني

وتاخذ رنيم الرقم وتدق طبعا من شريحة سوا مو جوالها العام

(طوط....... طوط .......طوط)

رنيم : يدقن بس محد يرد

نوارا : خلاص قفلي عشان يرجع هوه يدق

وفي الوقت هذا باقي البنات راحوا ينامو عشان يخرجو بعد المغرب

(<<الحب خالد وحبي خالد وباقي >>جوال رنيم يدق)

رنيم : نوارا راكان يدق

نوارا : ردي ردي يلا بسرعه قبل مايقطع

رنيم : طيب طيب >> تك << ردت

رنيم : بكل دلع >> الووووو

راكان : الووو نعم ..؟؟


نهاية الفصل الرابع




القاكم في الفصل الخامس

انتظر تعليقاتكم

هذا الفصل الخامس


راكان : الو .. نعم .؟؟



رنيم: هاااي

راكان : هايااااات

رنيم : ماعرفتني ..؟؟

راكان : في أحد مايعرف القمر

رنيم : ههههه <<< ضحكه مرقعه

راكان : فديتها وما أدل بيتها

رنيم : لا والله يابكاش

راكان : حررام عليكي ليش بكااااش

رنيم : لا والله عشان كم ريال تهرب والله شكلك حضرمي

راكان : ههههههههه حضرمي لا والله بس جاتني مكالمه وقمت ع طول مستعجل

رنيم : اهااااااااا طيب طيب نمشيها هذي المره

راكان : خلا ص وماعليكي إلا بالتعوووويض

رنيم : اهاا تعووووويض طيب شوف بعد المغرب حنروح السوق ها إيش قولت ..؟؟

راكان : أمممممممم طيب مواافق

رنيم : كفشتك يابكااااش يعني لاسفره ولاشي

راكان : ها ..

رنيم : من قال ها سمع

راكان : ههههههههههههه هههههههههه ههههههه

رنيم : طيب حمشيها المره هذي بس اليوم حتجي معانا .. اوك

راكان : طيب ياقمر ولايهمك وكمان اطلبي إللي تبغيه ومايردك إلا لسانك

رنيم : ياهووو طيب ماشي ياقمر بس اقولك كأنك شفتنا بالصدفه أوك

راكان : هههه ياخوافه طيب ماشي ولا يهمك ,, بس ماقولتيلي أي سوق حتروحوا .؟؟

رنيم : أمممم بصراحه ما ادري لمن دحين خلي القائد حقنا يقوم وأردلك بمسج

راكان : طيب ماشي ياقمر

رنيم: يلا باااااااي <<< طبعا بدلع ومرقعه

راكان : فديتهم ياناس بااي

( رنيم ونوارا هههههههههههههههه ههههه ههه )

نوارا : ها بالله كيف ..؟؟

رنيم : والله شكلوا مررررره أهبل

نوارا : ههههه ليش ..؟؟

رنيم : تخيلي ههههه تخيلي هههه تخيلي هههه

نوارا : بلاء بلاء اهرجي وجع قهرتيني

رنيم : تخيلي نسي أنو ك** علينا وقال بسافر

نوارا : من جد أأأأأأأأهبل .. طيب وإيش قال بيجي ولا لا ..؟؟

رنيم : حبيبتي أنا حس حس والأجر ع الله

رنيم ونوارا : نياهاهاهاهاهاهاهاهاي

هتون وشهد وريما وخلود : ووووووووجع بلاء روحو أضحكو هناك نبغى ننام لو إنتو ماكان ساوينالكم كذا

ريما: أطلعي بره إنتي وهيا

رنيم : لمن تكون غرفتك ديك الساعه أتحكمي يلا أوص ها أوص

ريما: هتون طلعيها بره مو هيا غرفتك بالله طلعيها والله تعبانه أبغى أنام

نوارا : رنيم قومي نطلع بره نورح جناحنا دحين هتون تزل أهلنا بغرفتها

رنيم : طيب قومي بس وربي لو جاء المغرب وماصحيتو وربي بالمويه ع وجهكم

ريماوهتون وشهد وخلود : طيب يلا يلا بره انت وهيا

( في هذا الوقت البنات الاربعه نايمين ... رنيم ونوارا يخططوا للدشره لا وقاموا يغسلوا عباياتهم ويكووها .. أم رنيم وريما دمها فاير ورايحه وجايه في البيت لا وتسب وتلعن والأبو يعٌسل ويتفرج ع روتانا سينما ومديها طناااااااش .. أبو هتون وشهد وخلود ونوارا نايم وأمهم ماسكه التلفون من الساعه 3 العصر لمن دحين ع فكره دحين الساعه 6 يعني باقي نص ساعه ع أذان المغرب )

الله أكبر الله أكبر

رنيم : نوارا أذن يلا قومي نصحيهم

نوارا : قومي أول شي نصلي بعدين نصحيهم نعطيهم فرصه 5 دقايق

رنيم : طيب يلا بسرعه قومي نصلي


(( صلوا وخلصوا ))

رنيم : يلا يلا يلاااااااا قوموااااا بسرررعه

طاااخ طباااخ طربااااخ طااااااااخ

ريما: وجع بس خلاص

رنيم : يلا قوموا شوفوا الساعه كم وربي حنتأخر

رنيم : هتون يلا قومي والله مايمدينا ننبسط ونفل أمها

هتون: طيب يلا يلا أأأأأأأه

شهد : أووووووف ع الريحه ديري وجهك وأتاوبي ع هناك وجع كأنك ماكله خروف ني

وقاموا البنات ولبسوا واتصلحوا طبعا البلاش << أحمر الخدود مملي الوجه غير الغلوس والماسكارا تقول رايحين زواج لا ومو أي زواج إلا كأنو زواج واحد من أخوانهم << من كتر الميك اب


ونزلو على السيارة

سبايدرمان << إسم سواق هتون وشهد وخلود ونوارا

هتون : سباااااايدرمااااااااان ,, سبااااااايدرمااااااااااان

سبايدرمان : ها نأم أيش يبجى

البنات : يلا أخلص نبغى نخرج

سبايدرمان : طيب يلا روه سياره مفتوخ

هتون : >> للبنات تخيلوا أخينا في الله يبغانا نروح بالهايل** >> الونيت

رنيم : لا والله وربي ما أروح هذا اللي ناقص سبايدرماان سبايدرماان سبايدرماان

سبايدرمان : نعم نعم بس كلو صرك صرك << صرخ

رنيم : شغل بسرعه بي ام ولا الــلكزس

سبايدرمان : لا والله ايش رايك روه ايشتري بورش أحسن هي هي

البنات : تنكت انت ووجهك

هتون : أخلص شغل أي سياره

سبايدرمان : أنا في كلام روه أركب سياره بره في مفتوح أنا دحين في إجي حمي

هتون : تستخف في دمك نبغى سياره تاني بسرعه أتأخرنا

سبايدرمان : بالله ايش في ونيت والله مرره كويس واحد في إركب قدام سوا سوا انا و إتنين في ورى و تلاته في ورى مفتوح والله هواء كويس

البنات : أوص أوص الله ياخدك أخلص شغل السيارة بسرعه أتاخرنا

((( وركبوا البنات ال بي ام وهاتك يامصخره ومرقعه وفالين أم أمها وطبعا رنيم ونوارا طول الوقت مسجات مع راكان أفندي ))ملاحظة عم البنات مرة مبوط مدير بنك وتاجر جملة

سبايدرمان : دهين فين يبجى روه ..؟؟

هتون: ميجا مول

البنات : يس يلا بسرررررعه روح ميجا مول

(والبانورما على اعلى صوت واغاني وراى اغاني لين ماوصلو)

طبعا مليون ألف سياره وراهم ...

شهد : سبايدرمان إنت روح أتعشى وع طوول تعال ياويلك لو تتأخر

سبايدرمان : طيب هات 10 ريال

خلود : طيب خد بس لاتتاخر

ودخلوا السوق وطبعا راكان قاعد يتلكع وراهم ومحد منتبه غير رنيم و نوارا

هتون : ريما ريما هي عساكي الصقع ماتسمعي

ريما: ها ها ايش تبغي

هتون : أقولك أنا حاسه بمصيبه و ...

ريما: وه مصيبه ..!!

هتون: أستني بلاء في شكلك خليني أكمل كلامي أقصد نوارا و رنيم وراهم بلوه أنا حاسه من البيت بس قولت لا يمكن يتهيألي

شهد : ايشفي إيش بتقولو

ريما: أشتغل اللقف

هتون : بس يابله إنتي وهيا شوفوا شوفوا ..!! هذا هذا

ريماوشهد وخلود : ايش ايش في ..؟؟

هتون: تعالي يارنيم إنتي ونوارا

رنيم ونوارا : ها .. ايش تبغي بسرعه نبغى نطلع فوق ابغى نكتار

هتون: نكتار ولا راكان ..؟؟

ريماوخلود وشهد : راكان ..!!؟؟

نوارا ورنيم : ههه ههههههههههه هههه بالله كيف شوفتيه ..؟؟

هتون : شغلك في البيت وعناد فيكم كلنا حنمشي مع بعض

خلود : كيكيكيك أحسن هذا اللي ابغاه

هتون : يلا مو تبغي نكتار ياهانم يلا أمشي نطلع


( وفي محل نكتار)

هتون : هاي

اللبناني : أهلين .. كيف فيني أخدمك ..؟؟

هتون : أبغى عطر بس ما أعرف إسموا بس لونو أخضر وعلبتوا شفافه و و و و ..<< أصلا ماعمرها شافت عطر بهذا الشكل

البنات : يالله ع الك** لا والتاني مصدقها

اللبناني : والله كان في وخلص مالحقتي عليه يا أمر << قمر .. والله لو بعرف إنو الأمر << قمر .. بدو يجي لعندنا لاحجزوا شهر بحالوا

هتون : تسلم الله يخليك .. يالله مالنا نصيب يعطيك العافيه

اللبناني : لك الله يعافيكي

البنات : هي ياسوده مانبغى محل في لبناني ياسعودي يابلاش

هتون: أمممممممممم أفتكرت في بودي شوب في تلاته سعوديه كل واحد أحلى من التاني

البنات : جوووو

شهد : وبعدين مع راكان كل مادخلنا محل ورانا وبعدين يعني وربي الكل يطالع فينا

ريما: إخص إخص يالمؤدبه بس إللي يسمع يقول جايه تشتري


((بودي شوب))

البنات : هاي مساء الخير

السعودي : هلا والله بأحلى مساء وأروع مساء و و و و..

رنيم : بس بس بس ترى مانقدر

السعودي : أمووت أنا ع النعومه

هتون:بصوت واطي >> مايمديني أنا ع النعومه تعال شوفها في البيت ولا أقولك خليها تفتح وجهها وربي لاتقفل المحل بكبره

ريما: كيكيكيكيك

رنيم : أعتقد إنو مافي شي بيضحك طيب ياريما

السعودي : هههه ايش فيكم عسى ماشر

خلود : لا مافي شي .. ممكن أشوف عطر مون فلاور او الياسمين

السعودي : بس مون فلاور ,, والياسمين ياشيخه فداكي المحل وراعي المحل والله

خلود : طيب ممكن أشوف العطر بسرعه ******في نفسها تقول لو درا عنك كمال جمجوم رحلك للديرة

نوارا : حمدلله ع التخلف .. معليش هيا عندها حساسيه من الكلام الحلو

السعودي ,, والبنات : هههههههههههههههههههه

السعودي : طيب حصل خير .. ايش غير العطر

هتون: أنا أبغى غلوس لونو بنكي بس مو مره بنكي يعني بيبي بنك

السعودي : أوكي والقمر إيش يبغى >>> الرنيم

ريما: تقول لهتون خليها تكشف الوجه وربي لا يكره القمر هههههه

أخدوا الاغراض وطبعا الفاتوره مكتوب عليها

ماجد
050563
رائد
(يمنع عرض أرقام الهواتف بدون أذن الإدارة)

هتون : ياهو رقمين وفي وقت واحد

خلود : إللي يسمعها يقول اجمع وأربح

هتون: يادمك .. ها فين تبغوا تروحوا

خلود : أنا أبغى أروح سترادي فاريوس

رنيم : لالالا وعع كلهم يمنين

خلود : والله أنا رايحه أشتري مو أخطب

البنات : نياهاهاهاهاهاهاي حلوه حلوه بس لاتعيديها

((سترادي فاريوس))

شهد : شوفي إللي هناك سعودي

هتون: رنيم رنيم تعالي بسرعه نروح للسعودي قبل مايلصق فيكي اليماني

رنيم : جوووو

هتون : بميااعه ودلع >> لو سمحت أبغى جينز السايز حقو 38 ويكون ميدي

الرجال : عفوا أنا مو بياع أنا زي زيك جاي أشتري

هتون : أوووووبس طيب سوري سوري

رنيم : كاكاكاكا ههه من جد موقف خطير

هتون : أنطمي وأمشي لا بالجزمه ع راسك

خلود : والله مالكم غير اليمنين خلو الفشخره والمرقعه حقتكم أحسن وربي أبغالكم من كل قلبي

طبعا أشتروا بكل أدب و إحترام وخرجوا من المحل بس لااااااازم يكون في رقم ورى الفاتوره

ريما: هذا الناقص

البنات : ايش في ..؟؟

ريما: اسمعوا علي سالم محمد هاتف أرضي 63272 ..!!

البنات : ههههههههههههه خيرههههههههههههه خير ههههههههههههههه

شهد : ترى والله تعبت وجعت المحل الواحد نقعد فيه نص ساعه يلا خلونا نروح نشرب شي ولا نتعشى

نوارا ورنيم : ايوه ايوه

ريما: بسم الله ايش فيكم

رنيم : هههههههه

خلود : وربي عندكم مصيببه

هتون : أخلصوا ايش في ..؟؟

نوارا : بصراحه راكان يقول حيعشينا ع حسابه والاكل اللي تبغوه

البنات ..؟؟!! خير خير


هتون : أنا ابغى صيني

شهد : أنا أبغى موكا

خلود : أنا بطلب بفلوسي

ريما: وأنا أبغى هندي

نوارا ورنيم : بس بس بس يامفاجيع كأنكم أول مره تسمعوا بأحد يبغى يعزمكم

ريما: يلا دقي عليه بس حركات أدب و إحترام ماعندها بنديها فله

رنيم : طيب ياقرو بس لو سمحت خلي شويه كلامك هاي كلاس

هتون : طيب طيب بس يلا دقي عليه

نوارا : يس يس

هتون : يلا أوص أوص دقي يلا

رنيم : الو ...!!! وش دا

البنات : ايش فيه ..؟؟ اهرررجي ..؟؟




انتظرو الفصل السادس

الدانه


مشكوره والله يعطيك ألف عافيه


تحياتي

وش
وشش
ووششششش

قصة ولا كتاب
ههههههه


مشكورة اختي
على تواصلكي

موضوع جميل
تسلم ايدك