binhlailبن هليــل
06-11-2008, 10:46 PM
وعدتكم وها أنا أفي بوعدي
عسى تعجب أهل الذوق
يقولون العرب وش بك معلق في قمر بغداد=يحسبون العرب نوره مثل نور القمر عادي
فقلت القلب ما يهواه لو إنه صخر وجماد=لكن اللي هويته مختلف في طيب وأمجادي
أحبه وأعشقه لن كان غاب وكان يمي عاد=الا ياكيف معشق نور بدر(ن)بالسما بادي
عشقت الحرة اللي فاتنة وأذكى بنات الضاد=مكمل بالأدب والذوق هذا غاية مرادي
جماله يوسفي(ن)ماخُلق مثله بكل بلاد=ملك قلبي بدله والغلا هو سيد أسيادي
ظريف الطول كن اللون ثلج كاسي الأوتاد=رخيم الصوت لامني سمعته يسحر فوادي
ظفايرها ذهب وشفاهها من جمر ءله وقاد=وريح أنفاسها ممزوجة(ن)بالمسك والكادي
فرس وأنا لها الفاس ولو فيها صلف وعناد=بروضها على كيفي ولاني تارك عنادي
مادام إني لها السايس وأنا الفارس تبا تنقاد=بروض مهرتي لين إنها بالهون تنقادي
بعد ربي جمع ما بيننا صدفة بلا ميعاد=قطعت العهد بعد العهد مخلف يوم ميعادي
مادام إنه على كيفي يغني لي طرب وإنشاد=بغني له على كيفه شجن من عذب إنشادي
تبادلنا سهام العشق وحنا بالديار بعاد=زرع حبه بقلبي والهوى ما يعرف حيادي
تجاذبنا شجون العشق واللوعات والإسعاد=لقيت بحضنه الدافي ملاذ لكل إجهادي
صحيح إنه على ماقيل صعب وحذر ما ينصاد=لكن الصيد له غرة وأنا ماهر وصيادي
أبصبر وأتصبر عل حظي والبخت ينقاد=بسكن ريحه العاتي بفكر(ن)رايق وهادي
أبركب موجة بحوره ومهما موجهنه زاد=ترى من هاب موجك يابحر في يوم ما سادي
ومهما طالت الأيام مالي دونها مقعاد=خسارة كان جات أيام طول عنه مقعادي
بسافر له ولو دونه جموع ومرهفات حداد=على شأنه نويت أتعب وأتعب جيش وجيادي
أبأخذ صاحبي بالطيب والا السيف بالمرصاد=أنا يا فاتني قادم لعينك معلن جهادي
أنا وإياك لا منا عزمنا نبري الأكباد=نبا نقهر بهذا الفعل حسادك وحسادي
بقدم روحي ومالي هدية يا قمر بغداد=على كفك يطيب لخافقي موتي وميلادي
عسى وقت(ن)منعني عنك لا يرجع ولا ينعاد=أنا برض الحجاز وهاجسي عندك ببغدادي
عسى تعجب أهل الذوق
يقولون العرب وش بك معلق في قمر بغداد=يحسبون العرب نوره مثل نور القمر عادي
فقلت القلب ما يهواه لو إنه صخر وجماد=لكن اللي هويته مختلف في طيب وأمجادي
أحبه وأعشقه لن كان غاب وكان يمي عاد=الا ياكيف معشق نور بدر(ن)بالسما بادي
عشقت الحرة اللي فاتنة وأذكى بنات الضاد=مكمل بالأدب والذوق هذا غاية مرادي
جماله يوسفي(ن)ماخُلق مثله بكل بلاد=ملك قلبي بدله والغلا هو سيد أسيادي
ظريف الطول كن اللون ثلج كاسي الأوتاد=رخيم الصوت لامني سمعته يسحر فوادي
ظفايرها ذهب وشفاهها من جمر ءله وقاد=وريح أنفاسها ممزوجة(ن)بالمسك والكادي
فرس وأنا لها الفاس ولو فيها صلف وعناد=بروضها على كيفي ولاني تارك عنادي
مادام إني لها السايس وأنا الفارس تبا تنقاد=بروض مهرتي لين إنها بالهون تنقادي
بعد ربي جمع ما بيننا صدفة بلا ميعاد=قطعت العهد بعد العهد مخلف يوم ميعادي
مادام إنه على كيفي يغني لي طرب وإنشاد=بغني له على كيفه شجن من عذب إنشادي
تبادلنا سهام العشق وحنا بالديار بعاد=زرع حبه بقلبي والهوى ما يعرف حيادي
تجاذبنا شجون العشق واللوعات والإسعاد=لقيت بحضنه الدافي ملاذ لكل إجهادي
صحيح إنه على ماقيل صعب وحذر ما ينصاد=لكن الصيد له غرة وأنا ماهر وصيادي
أبصبر وأتصبر عل حظي والبخت ينقاد=بسكن ريحه العاتي بفكر(ن)رايق وهادي
أبركب موجة بحوره ومهما موجهنه زاد=ترى من هاب موجك يابحر في يوم ما سادي
ومهما طالت الأيام مالي دونها مقعاد=خسارة كان جات أيام طول عنه مقعادي
بسافر له ولو دونه جموع ومرهفات حداد=على شأنه نويت أتعب وأتعب جيش وجيادي
أبأخذ صاحبي بالطيب والا السيف بالمرصاد=أنا يا فاتني قادم لعينك معلن جهادي
أنا وإياك لا منا عزمنا نبري الأكباد=نبا نقهر بهذا الفعل حسادك وحسادي
بقدم روحي ومالي هدية يا قمر بغداد=على كفك يطيب لخافقي موتي وميلادي
عسى وقت(ن)منعني عنك لا يرجع ولا ينعاد=أنا برض الحجاز وهاجسي عندك ببغدادي