قصيدة الشاعر الكبير مطلق بن حميد الثبيتي مجاراة لقصيدة عايض بن سعود العصيميحينما كان

يتعالج بالمانيا :



ياراكب اللي يوم نفّاثها حن = تسبق قمر عشرين وقت الزوالي
طيارها فنّي وطبلونها فن = ويازين للنفاث فيها اشتعالي
ياكن تحت إجناحها يضحك الجن = ولاصواتهم تحت الجناح إجتوالي
اثقل على كبد الثرى من مية طن = وأخف من ريش الوحش فالعلالي
منوة غريب لاذكر ديرته ون = وجاته همومه من يمين وشمالي
ملفاك رجل ٍ عادته يحرق البن = والنجر يعول وبين صبح الدلالي
في مجلس ٍ مافيه تهمه ولاظن = ياماذبح للضيف من كبش غالي
يرسي كما يرسي مكانه جبل عن = معروف لو صكّـت عليه الجبالي
ابو سعود إليا الركايب تلافن = قدّم لاهلهن كيف مرّ ٍ وحالي
وإليا عطا يعطي عطايا ً بلا من = ماتعرف اليمنى عطايا الشمالي
قلّـه ترا غبر الليالي تقافن = واقبل سعدك وعنك حملك يشالي
لاتـثـّر العبره ولاتقرع السن = أطلب وحنّـا لك خوان وعيالي
والنفس عن شطحاتها عنّـها عن = عن ّ الفرس بمثولثات الحبالي
أنته عتيبي مانت هن ّ ٍ ولد هن = ممدوح لن جا للسوالف مجالي
ربعك عتيبه والتواريخ كتبن = كيـد العدا وامكرمين السبالي
كم فارس ٍ خلّـو بناته يونّـن = عليه واسي مجلس الشيخ خالي
ستر الخوي والضيف والجار يأمن = في ضفهم من خاينات الليالي
ياما تمنّـى موتهم ناس لكن = زادوا وزادوا بالوفا والكمالي
ياجاذب الطاروق في مدحهم غن = تطرب وتطرب لك قروم الرجالي
يابوسعود الفكر تايه ومنجن = يبا يسيّـر يمكم ياحلالي
سلّـم على هتلر وسلم عليهن = إمكحّلات عيونهن بالدلالي

رحم الله الشاعر:مطلق الثبيتي

ومشكور على النقل

لك

تحيتي

ما اجمل الشعر الراقي


رحم الله مطلق


ومشكور على النقل

رحم الله ابا فيصل رحمة واسعه
لك الشكر الجزيل اخي الغالي
مستشارنا على هذا النقل
الجميل والراااااائـــــع
لك مني اجمل
تحيه

الله الله


ما اروعها من قصيدة


مشكور على النقل المميز


دمت بخير