ياربع يلي تفطنون الكلامي
بقول قولٍ عساكم ما تردونه
العقل كمّل صاحبه بالتمامي
والجهل كبّل صاحبه في سجونه
والدين صيّر صاحبه للأمامي
ومن حبه الله خلقه يحبونه
وصاحب الذنب دوم عامي
يطيح قدره ولو كنتم تعزونه
والعاصي جعل عينه ما تنامي
كيف يهتني والنار دونه ودونه
ولا تعطي الدنيا عظيم الاهتمامي
ومن أمنك في شي أبد لا تخونه
واحرص على دينك بالتزامي
ودرب النجاة كلكم تعرفونه
والزم بسنة نبي الأنامي
واتبعه في فعلك وقولك تصونه
عن هرج يلي هرجهم بالظلامي
بالزور والكذب والبهتان يزودونه
واكثر من الخير تراه نامي
ينفعك في يوم عظيم ما تطقونه
وبذكر النبي بزين ختامي
عليه صلاتي عدد ما في مزونه

تسلم يالذيب على الافكار الجميلة

والمعاني الجيدة

اضبط الوزن لبعض الابيات وتصير قصيدة رائعة


وترى بعض البيوت حررف واحد غير الوزن


شوف هنا الأبيات صارت موزونة



ياربع يلي تفطنون الكلامي
بقول قولٍ ياعساكم تردونه
العقل كمّل صاحبه بالتمامي
والجهل كبّل صاحبه في سجونه
والدين صيّر صاحبه للأمامي
ومن حبه الله الخليقه يحبونه
الذنب من يتبعه لاشك عامي
يطيح قدره لو كنتم تعزونه
عاصي وعينه جعلها ماتنامي
كيف الهنا والنار خلفه ودونه
لا تعطي الدنيا عظيم الاهتمامي
ومن أمنك في شي حذرا تخونه
واحرص على دينك ترى الألتزامي
درب النجاة وكلكم تعرفونه
إحرص على سنة نبي الأنامي
واتبعه في فعلك وقولك تصونه
جنب هروج مزودين الظلامي
أهل الكذب والزور بيزودونه
الخير كثر منه واصحا تنامي
ينفعك في يوم حشا ماتطقونه
وختامها ذكر النبي بالختامي
عليه صلاوا عد وبل بمزونه

صح لسانك . .


واصــل يالغالي . . وبتوفيق لك

وننتظر منك المزيد . .


مودتي

صح لسانك
رائعه
تقبلوا خالص تحياتي