هذا الطرح ليس للردود بل هو فكرة بسيطة

تكون المشاركة بقصيدتك المفضلة

او قصيدة أعجبتك

وكل وذوقه بالإختيار

قصيده لشاعر محسن الهزاني

وهي من اجمل القصائد الغزليه عندما سئله احد اصدقائه وقاله

من الاحلى البرق ولا ثغر هيا قال:




قالـوا كـذا مبسـم هيـا قلـت لا لا 00 بين البروق وبين مبسـم هيـا فـرق


يالله بـنـوٍ مـدلـهـم الـخـيـا لا 00طافح ربابه مثل شرد المهـا الـزرق


لا جا على البكريـن بنـا الحـلا لا 00 ولاعاد ما يفصل رعدها عن البـرق


يسقي اغروسٍ عقب ماهـي همـا لا 00وحط( الحريق ) ديارالاجواد له طرق


يسقـي نعـامٍ ثـم يمـلا الهـيـا لا 00 ويصبح حمامه ساجعٍ يلعـب الـورق


جرّيت انا صوت الهوى بـا حتمـا لا 00في وسط بستـانٍ سقـاه اربـعٍ فـرق


طبّيـت مـع فـرعٍ جديـد الحبـالا 00 وظهرت مع فرعٍ تناوح بـه الـورق


روشن ( هيا ) لـه فرجتيـنٍ شمـالا 00 وبابٍ على القبله وبابٍ على الشـرق


وضحكة ( هيا ) له بالظلام اشتعـالا 00 ما بين ضحكتها ونـور القمـر فـرق


بـرقٍ تـلالا بأمـر عـز الـجـلالا 00 واثره جبين صويحبي واحسبه بـرق


يا شبه صفراً طـار عنهـا الجـلا لا 00 طويلة السمحوق تنزح عـن الـدرق


ويـا قلّـةٍ فـي عاليـات الجـبـالا 00 ماها قراح ميـر مـن دونهـا غـرق


مـا عـاد للصبيـان فيهـا احتمـالا 00 من كود مرقاهـا يديهـم لهـا طـرق


قالوا تتوب مـن الهـوى قلـت لا لا 00 لا ان تتوب رماح علوى عن الـزرق


قالوا تتوب مـن الهـوى قلـت لا لا 00 الا ان يتوبون الحناشل عن السـرق


قالوا تتوب عـن الهـوى قلـت لا لا 00 الا ان تتوب الشمس عن مطلع الشرق


اللي بعدي يختار قصيدة أعجبته

قصيدة جميله جداً . .



سلمت وسلمت أناملك على النقل المتميز




لك ودي

بعد العاصفة

للشاعر : نزار قباني


أتحبني بعد الذي كانا =

إني أحبك رغم ما كانا=

ماضيك لا أنوي إثارته=

حسبي بأنك هاهنا الآنا =

تتبسمين . . وتمسكين يدي=

فيعود شكي فيك إيمـانا=

عن أمسي لا تتكلمين أبدا=

وتألقي شعرا . . وأجفانا =

أخطائك الصغرى أمر بها=

وأحول الأشواك ريحانا=

لولا المحبة في جوانحه=

ما أصبح الإنسان إنسانا=

عام مضى . . وبقيت غالية=

لا هنت أنت ولا الهوى هانا =

إني أحبك . .كيف يمكنني=

أن أشعل التاريخ نيرانا =

وبه معابدنا جرائدنــا =

أقداح قهوتنا زوايانـا =

طفلين كنا . . في تصرفنا=

وغرورنا وضلال دعوانا=

كلماتنا الرعناء مضحكة=

ما كان أغباهـا وأغبانا=

فلكم ذهبت وأنت غاضبة=

ولكم قسوت عليك أحيانا=

ولربما انقطعت رسائلنا=

و لربما انقطعت هدايانا=

مهما غلونا في عداوتنا=

فالحب أكبر من خطايانا =

عيناك نيسانان . . كيف أنا =

أغتال في عينيك نيسانا =

قدر علينا أن نكون معا =

يا حلوتي رغم الذي كانا=

إن الحديقة لا خيار لها=

إن أطلعت ورقا وأغصانا=

هذا الهوى ضوء بداخلنا =

ورفيقنا ورفيق نجوانا =

طفل نداريه ونعبده =

مهما بكى معنا وأبكانا =

أحزاننا منه . .ونسأله =

لو زاد دمعا . . وأحزانا=

هاتي يديك . . فأنت زنبقتي=

وحبيبتي رغم الذي كانا=

الله يعطيك العافيه

الى جميع الاعضاء مع التحية

لا ضاقت الدنيا عليك وتشاويت
خلق الله اللي فالرخا كان واجد

ومن العرب والصوت والثوب مليت
وقامت عليك هموم بقعا تراجد

فارفع يديك لخالقك لا توضيت
وادعو تراك أقرب إليا صرت ساجد

ووقت من أوقاتك للأوقات توقيت
وسجل لنفسك في المساجد تواجد

وأبشر بفزعة حامي الدين والبيت
إليا هجدك من الهواجيس هاجد

اللي يميت الحي ثم يحيي الميت
لرضاه شف كثر البشر بالمساجد


وسلامتكم

الجرح ماهو خاطر شوي ويروق
الجرح حتى لو تشافى يعللك
واذاك متحمس متاهات وطروق
انا تعبت اشد حيلي واحاولك
سماي ما شيّ شمس ورعود وبروق
والريح ماهبت ولايجري الفلك
والقلب ناشف بحر وشقوقه شقوق
وشلون بيكوّن سحاب ويبللك
يا ضامي انا الضما ومتشبع حروق
واذاك ضامي للمواصل .. انا هلك
هلك ووقف في وجهي الاصل والذوق
والمجتمع والعرف والفقر واهلك
متعومس وحزن النبلاء مرموق
يعني لو احتاج الك ماجيتك اسألك
اللي علي اشكي واعاتبك برفوق
واقولك ودي ماعاد اتأملك
من دورة الايام ياخوك مخنوق
الوقت مشاني من السلك للسلك
ازل خطوه .. بس ما ازل منطوق
ولو صارت ابحب خشمك واجاملك
يبقى البني ادم مجرد ومخلوق
ملك .. ولكن في الحقيقه بلا ملك
كذاب.. قايل كل مطرود ملحوق
سنيييين وانا اطردك وازريت لا اوصلك
كنك تطيش وكني ادور في طوق
كل ما وصلت اخرك يطلعلي اولك
ليت مافي خاطري شوق وحروق
ماكان حسيت ان انا بس من كلك
الشوق ماهو رعشه وقبضة عروق
وماهو اللي من شينك فعينك يجملك
وماهو شعور ياخالق الروح برفوق
وماهو سحر ولا ادري والله شقول الك
انا سحابة حلم وتطير بك فوووق
وتطير ولا ودك انها تنزلك
الشوق هذا .. والا انا شوقي البوق
ماقد حصل في شوق هذي ولا تلك
تدري وش اسوي ليا اضناني الشوق؟؟
اسوي بعيوني كذا واتخيلك
واقربك واتوق واتوق واتوق
واكثرك واحلف ماعاد اقللك
واصورك في الموق وتكبر على الموق
وتطيح مع دمعي على ايدي واقبلك
هذا غلاي اللي مع الدم مدق
وقولا عاد تسأل عن شعوري وازعلك
محبة ماهيب من طارف السوق
لو انك توكل.. كان والله لاكلك
جيتك حقوق ورحت ماعندي حقوق
وان قلت ما احبك ابجحد مواصلك
احبك .. الا يا بري حالي وعوق
من كثر ما احبك اخاف اني اقتلك



سعد بن علوش

السلام عليكم
هذي القصيدة من جهد متواضع اتمنى ان تحوز على رضا الجميع

كبـر الخطـا ماكـل عـذرا يغطيـه
مثـل التعـازي ماتـرد المصيـبـه
بيـت يطابقنـي وحاولـت أجاريـه
لوقـوة المعنـى علـيـه صعيـبـه
ولوماسبقني شاعـره وابتـدى فيـه
مـن كثـر ماجانـي خطـا لبتديبـه
بعض الخطا لاجـاك يمكـن تلافيـه
لو ان له بالجـوف جـرح وضريبـه
وبعض الخطا ماكـل طـبً يداويـه
مثـل البنـادم لاتــردى نصيـبـه
وبعض العرب من ضعفه وقصرة ايديه
يفري بعرض النـاس نمـه وغيبـه
مشلول فكـر يـدور اللـي يشاريـه
دايـم مـدى نظـرات فكـره قريبـه
همـه علـى ربعـه يقـوم دعاويـه
يطرد عيوب النـاس ويكـب عيبـه
وان طبت له بالحكي قصـدك تهديـه
يصبح علـى ماقيـل عايـل طبيبـه
والاّدمـي حكيـه يبـيـن خوافـيـه
سبحـان مـن سـواه دلـوً وقليبـه
دلـوه لسانـه والضمايـر سوانيـه
واللي خفـا بالقلـب دلـوه تجيبـه
به رجل ينهل طيب من طيب طاريـه
وبه دلـوً تغـرف شـيً ماينحكيبـه
وللحسد دربٍ ومن مشى دربه يتيـه
تتعـب بـه ركابـه ويدنـي مغيبـه
وأول ضحيـه يفتقـددهـا مبـاديـه
ورجـلاً بـلا مبـدأ حياتـه مصيبـه
حتـى رفيقـه لـو مدحتـه يعاديـه
مدحـت رفيقـه يعتبرهـا غليـبـه
دايـم وهـو ذبـان وجهـه يشانيـه
وان جيـت تبغـى تقنعـه تبتليـبـه
مهمـا يجامـل غيرحسـده يعـديـه
ويبيـن غلـه ولـو تظاهـر بطيبـه
ومـن تـاه قلبـه لاتحـاول تقديـه
خلـه علـى ممشـاه والله حسيبـه
الصبر ساس الطيب من حظ راعيـه
والعـرف فـارس باللقـاء تنخيبـه
والصمت رمز العقـل والحلـم ثانيـه
والصدق صلب الحق والكـذب خيبـه
والعلم مقياسه مـدى صـدق راويـه
والرجل طبعه ينعرف مـن صحيبـه
وختام قولـي بيـت يكمـل معانيـه
هو حكمتـي بأهـل العقـول اللبيبـه
الجود كنه غـرس الأجـواد تسقيـه
والمـال عـد الجـود والفقـر ذيبـه

للشاعر/عبدالرحمن العرادي

ودي أضمك على الصــدر لحظات
تحس بدقات القلب شلون تناديك
ودي تعرف إن الحب مو شوّية كلمات
على ضحكه ومزحه بليلك تسلّيك
الحب مشاعر وأحاسيس بالذات
إنولدت فيني لأجلك وصارت بين يديك
حبي لك تعدّا كــل المساحــات
حبي لك أكبر من قولة (أموت فيك )
كل ما أسمع صوتك وكل مافات
يملكني إحساس رهيب وتحمل مايجيك
أوقات أسرح بك وأتخيل أوقات
إني بأحضانك ومن الشفه أرويك
وأرطب إيديني بأعذب أنواع اللمسات
من أقصى جبينك لأطراف أياديك
ويطلعني من عالم خيالي أصوات
أبوي وخالتي يقولون وش فيك ؟
عسى ماجاك من هالدنيا عثرات
إبتسمت وتذكـــرت كل حكاويك
وضاق الخلق يومه بيننا مسافات
وصاح بي صوت ٍ يقول تعال أبيك...

يا شيـن طبـعٍ فيـك .. يا زيــن الأطبـاع
....................... لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع
....................... مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع
....................... ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع
....................... والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
....................... ومسامـعي ماتت من الجـوع .. للـقـوت
وحكي الغزل في صدرك أشكال وأنواع
....................... لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع
....................... مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع
....................... وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع
....................... وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع
........................ ناسٍ صغار عقول / وأشوار / وبخوت
وإلطف بحال اللي نحـل حاله .. و راع ..
........................ قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
........................ وإنت هالله هالله فيه .. والعمـر موقوت
اسمع أشعاري في الهوى وارخ الأسماع
......................... ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع
........................ ونعم .. نعم للوصل .. لو كان بالصوت

__________________

حُب يغيب وصاحبه ما بعد غاب
وحُب يدوم وصاحبه في غيابه ..




وحُب يذوّب خافقٍ ما بعد ذاب
وحُب يداوي صاحبه من عذابه ..




وحُب حياته كلها لوم وعتاب
وحُب حقيقي ما يضرك عتابه ..




وحُب بلا معنى وحُب بلا أسباب
يبدأ غريب وينتهي في غرابه ..

زينوها وإدفنوها والكفن ثوب الزفاف

زينوها وإدفنوها والكفن ثوب الزفاف

غصب عنها زوجوها وسلموها للغريب؟؟

مجبره ماشاوروها قصدهم شرع العفاف

مادروا إن البنيه مغرمه ولها حبيب!!

جهزوها وهي تبكي وترتشف دمع إرتشاف

وخبروها إن موعد الفرح منها قريب

مالقت أحد" فهمها وهمها ناظر وشاف

إن حكت باللي سكنهامالقت لها مجيب

وكانها هي وافقتهم جرعوها الزعاف

حالها من فعل أهلها صار محزن ومريب

والحفل قرب وقامت ترتجف خوف إرتجاف

كل يوم تقول باكر الفرج بإذن الرقيب

باكر يمكن يفهمون قصتي بآخر مطاف

جا باكر ثم عدا وجا بعد باكر (عطيب)

وعلقوا عقد الإناره وإحتشد فرد وآلاف

أيقنت إن الجرح جرحها ماله طبيب

وإنها لازم تطيع أمرهم وترضى الجفاف

جو لها والدمع يغرق جفنها الحلو الرطيب

قالوا ياالله إلبسي ثوبك اللي للزفاف

كفنوها وفي نظرهم زوجوها للأديب??

فرشوها الهم دايم والأسى لها لحاف

ياحسافه دخلوها والحشا يغلي (لهيب)

وأحكموا قيد البنيه وإسجنوها بإلتفاف

وادعتهم وهي تقول حسبي الله الحسيب

رحلتي ماهيب طويله ورجعتي بعد القطاف

سافرت عن دارأهلها وقلبها خطروصويب

سافرت مع منهو خطفها من أمانيها الضعاف

خايفه مستوحشه والعرق منها صبيب

وقلبها ينبض بذكرى ماضيه فيها إختلاف

حاولت ترضى بقدرها وللحدث هي تستجيب

بس عيت تقتنع وعشقها ذاك <الضفاف>

هوسألها جاوبيني ليه دمعاتك (سريب)

ليه لي ماتنظرين وأنازوجك شخص واف

قالت بنبره خجوله أنا في وضع رهيب

غصب عني زوجوني وإطعنوني بالرهاف

هو سكت لحظة تأمل وش أسوي يامجيب

عقله وقلبه نطقها صاحب النخوه يعاف

قال منهو غير حبي يسكن بقلبك نجيب

من تولى عرش قلبك إهتني به ياعفاف

وباكر الرجعه تراها وإمسحي الدمع العجيب


خايف إني أمسكك وأقترف ذنب إقتراف

إضحكت ضحكه وقالت مابعد هالطيب طيب

الله يجازيك عني بالأجر ويسر الطواف

إرجعت وقالت رجعت ياأهل الشرع الغريب

بنتكم جتكم ولكن من بعد ذل وحساف

وإبعثت مرسول عاجل أنا جيتك ياالحبيب

النذر اللي نذرته صار وافي يامناف

إجلست يوم وتأخر لارساله (ولامجيب)

وعقلها يمه تشتت وبدت بالغيبه تخاف

مرها طفل صغير وإسألت عن الصحيب

قال مات ليلة زفافك وإندفن بعد الزفاف

ناحت بحسره وطالت الليالي والنحيب

وودعت قبل اللقاء حلمها الزاهي وطاف

إقتلوها مرتين وشابت ماقبل المشيب

أبيات عجبتني ما أدري من قائلها



يا حبيبي فيك ظني ما يخيب

لو حصل من بيننا صد وجفا

شمس حبك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفا

لو تروح بعيد من قلبي قريب

في غرامك هام قلبي واكتفاء

في غيابك مشتعل مثل اللهيب

ومن عرفتك شوق قلبي ما طفاء

صدق إني وافي يا أغلى حبيب

صادق ما فيه مثلي بالوفاء

إرفعي سهم المنايا


مابقى فينـي مكـانٍ للطعـون
و الذي شقّوا خفوقي يشتكـون
كبرت اللّي باوّل ايامـي تهـون
ردّت الايـام دمعـي بالجفـون
و أستبدّت بي مواجيع الظنـون
كيف يستهوي هل العشق المُنُون
في زمانٍ ماعرف يـومٍ حنـون
و اصدق التعبير نظرات العيون