لا والله الاّ شدوا البدو مقفين=ينوون دارٍ وسمها وابله جود
جاهم صدوق العلم قدهم مندّين=وأقفوا بقطعانٍ تواصيفها سود
إبلٍ مجاهيمٍ تحوز الحلا زين=ما فرّطوا فيها على العسر والكود
سودٍ كما الغربان أو كحلة العين=قدمي شحمها كنّه نصال ولهود
فج المناحر والغوارب ذراعين=والورك باب القصر ومن طوفته زود
وإذنين مثل حراب جند السلاطين=والعرف يا سبحان من صاغه جعود
ما تلحق الخضره من سبالها لين=قد للعرب شهرين من زمة العود
لا قرّبوا منها مع القدر قدرين=فاضت ويبقى في مواخيرها زود
وإلى تكلّم من هواها بصوتين=تكسر له الحقّه له الشوف مشدود
زين إرزمتها حزة الناس ممسين=تنهض صغيرٍ تالي الليل مالود
واليا تخطّا من عقب وقم يومين=ما عاده من الشد والسير مضهود
شدوا على شف المجاهيم عجلين=ما قهقروا الطرعات بشبوك وقيود
واليا وصلوا قاعٍ تشوق المفلين=صفّارها يلعب إلى هبّته نود
بنّوا بيوتٍ كنّها زرع يبرين=وطقّوا لمنزلهم من الذود مفرود
وشبّوا هشيمٍ ما توهجم ببنزين=ودنّوا دلالٍ تحتوي الهيل والعود
وتحدّثوا من ذودهم والحشاوين=ومسراحها والكسب والفال محمود
من صوت جرّتها فراحا وطربين=تدحن منارتهم غواليّها السود
ذاك الزمن والبدو مثل السلاطين=ما حسّبوا للمال والنقص والزود
الله يحب اللي يحب البداوين=واللي نساهم ميّت الحظ مقرود


محمد بن شرهان الدحابيب المري

" .. القناص .. "

صح لسان قايلها
وصحّت يد ناقلها ..
قصيدة حميلة .. وأحساس أجمل ..
لك جزيل الشكر على حسن الأنتقاء
.. وكل الود

مشكور على هذه القصيده

الاكثر من رائعه

يا القناص

تحياتـــــــــــــــــــــــــــــــــــــــــــــ ـــــــــــي لك

مشكور على النقل المميز

والله يعطيك العافية

لك

تحيتي

مشكووووور على النقل الرائع


الله يعطيك العافيه


تقبل أرق التحايا و أعذبها

يعجز الاسان على شكر وتقديرك

ولكن ما نقوله لك هو الله يعطيك العافيه

وجزاك الله خير

ولك كل التقدير والاحترام

اخوك :! الموهوب !