شعر مصري منقول الشاعر غير معروف

ياشعبي حبيبي ياروحي يابيبي ياحاطك في جيبي يابن الحلال=

ياشعبي ياشاطر ياجابر خواطر ياساكن مقابر وصابر وعال =

ياواكل سمومك يابايع هدومك ياحامل همومك وشايل جبال =

ياشعبي اللي نايم وسارح وهايم وفي الفقر عايم وحاله ده حال =

احبك محشش مفرفش مطنش ودايخ مدروخ واخر انسطال =

احبك مكبر دماغك مخدر ممشي امورك كده باتكال =

واحب اللي ينصب واحب اللي يكدب واحب اللي ينهب ويسرق تلال =

واحب اللي شايف وعارف وخايف وبالع لسانه وكاتم ماقال =

واحب اللي قافل عيونه المغفل واحب البهايم واحب البغال =

واحب اللي راضي واحب اللي فاضي واحب اللي عايز يربي العيال=

واحب اللي يائس واحب اللي بائس واحب اللي محبط وشايف محال =

واحبك تسافر وتبعد تهاجر وتبعت فلوسك دولار او ريال =

واحبك تطبل تهلل تهبل عشان مطش كوره وفيلم ومقال =

واحبك تأيد تعضض تمجد توافق تنافق وتلحس نعال =

تحضر نشادر تجمع كوادر تلمع تقمع تظبط مجال =

لكن لو تفكر تخطط تقرر تشغلي مخك وتفتح جدال =

وتبدأ تشاكل وتعمل مشاكل وتنكش مسائل وتسأل سؤال =

وعايز تنور وعايز تطور وتعمللي روحك مفرد رجال =

ساعتها حجيبك لايمكن اسيبك وراح تبقى عبره وتصبح مثال=

حبهدل جنابك وادل اللي جابك وحيكون عدابك ده فوق الاحتمال=

وامرمط سعادتك واهزأ سيادتك واخلي كرامتك في حالة هزال =

وتلبس قضيه وتصبح رزيه وباقي حياتك تعيش في انعزال =

حتقبل ححبك حترفض حلبك حتطلع حتنزل حجيبلك جمااااا ل=

ياشعبي حبيبي ياروحي يابيبي ياحاطك في جيبـي يابـن الحـلال
ياشعبي ياشاطر ياجابر خواطر ياساكـن مقابـر وصابـر وعـال


واحنا نعاني من اسعار الحديد الي طلع فيها اسغلال ههههههههههه على القافيه بس .. وكثير من قليل



تسلم يااشاعر صح لساانك .. اعجبتني القصيده

مشكور على النقل المميز

تعبير عن معاناة

لك

تحيتي

مشكور وما قصرت

الله يعطيك الف عافيه

مشكوووور على النقل الرائع

الله يعطيك العافية

تقبل تحيااااااااااااااااتي الخاااااااااااااااااصة

مشكووووور على النقل الرائع


الله يعطيك العافيه


تقبل أرق التحايا و أعذبها

الله يعطيك الف عايفه على موضوعك

وكل الشكر والاحترام لك

تقبل مني ارق تحياااااااااتي

اخوك : ! الموهوب !