الأخوة الأعضاء

هذا القسم واضح من عنوانه للشعار فقط

لا تقبل فيه القصائد المنقولة ولا المزيفه ومن يفعل ذلك سوف تنقل القصيدة او تحذف

ومن يدعي أنه شاعر يتوجب عليه أن يرد على هذا الموضوع بما لا يقل عن 4 أبيات

بأي شيء عن القوافل(لا أريد تحديد عنوان محدد)

مثال:


يا مرحبا يا شاعر(ن)بعد حليت=حنا نرحب والقوافل ترحب

هات القصيد وزين البيت بالبيت=والا الحذر من قسمنا لا تقرب

لا تقول أنا سويت وش عاد سويت=الصدق زين ولا نحب المكذب

التجربة برهان والشعر تسكيت=اما تفضل هات والا تجنب

ومن لم يستطع فلن تقبل قصائده بهذا القسم

وعليه طرحها بقسم المنقول

أرجو من الجميع التعاون

لكم كل التقدير

الإدارة

سمعت صوت القوافل ولبيت = ركب القوافل يشفي الهم والكرب

رجم(ن) طويل لا رقيت وتعاليت = تشوف هماله ليا انهل وإنصب

فيها عزيز النفس وفيها عفريت = بلسم جروح تضمد الجرح بالشب

فيها شيوخٍ فالعرب جالهم صيت = وشعارها أبياتهم كنها الطب

عنها أنا ياناس مايوم صديت = ماتعرف التخريب والظلم والنصب

ليا رحت عنها قلت ياليت ياليت = ياليتني فيها هي الزاد والشرب

لم يسبق ليه بأن نزلت قصيده ولكن شدني الموضوع وقلت اجرب واكتب
يمكن أكون في يوم من الايام شاعر
وأتمنى بأن تعجبكم الابيات
وبالله التوفيق


ياماحلا الفنجال ليا من تقهويت = في حلت الاجواد مع صاحب الجنب

يطري على بالك ليا من تعشيت = ركب القوافل ماحلا ذلك الركب

ركب(ن) يعلمك الخطاء لو مأخطيت = من شان تتجنب خطر ذلك الدرب

لو أمدحه ماظن بالمدح أنا أوفيت = فوق المديح مجمع الطيب والعرب

موفيه أنا لو من شراييني أعطيت = يستأهل عيوني مع الروح والقلب

أقلط على شق الصحن بعد سميت=قرب هداك الله من الزاد جرب
الخير ياسر وأنت واحد من البيت=وكل سبع اله ذراع ومخلب
أشبع شحم والا لحم كيت من كيت=لكن حذرا بالمعزب تعذرب
الضيف اله حشمة ومقدار هوحيت=والا الكمول فواجبه للمعزب
مدام يالشامخ مع الناس صليت= كمل بقايا الدين وأحذر تخرب
سوق المطايا بعد بالركب مريت=هات السمان وكب تيس(ن)يطرب
مدام بالميدان بيداك طبيت=عند اللقا خض السقا لا يصرب
شرق بها للشرق وإن كان عييت=غرب مع القيفان ياطيرغرب

دام البقا يالذيب وبردي نويت
افهمك شعري وقولك مجرب

انا ولد ثبيت ذيب(ن) لاعويت
ابيات من فكري عليكم تسرب

وياعذلي الصدق انا فيه ابتليت
احلى بلاء في صفحتي متعرب

جيتك بشعر(ن) لاحكيته اعتزيت
شعر(ن) لساني صار عنده مدرب

مع تقديري واحترامي لاخوي ابن هليل

دام البقاء ياكاسب الطيب والصيت******* صرح(ن) كبير وللقوافل معـــــزّب
أخذ القصيد وميزه بعـد ناديــــــــت******* أبيات شاعر في حياته مجــــرب
جاريت بيتك لين بالرجم عديــــت******* وأخترتلك من كل جزل(ن) يوجب
التجربه برهان حكمه وتثبيـــــــت******* كلمة حكيم(ن) بالدواوين تكتـب

حي الحجازي بعد بالدار حليت.....تلقى علوم من عريب معرب

يامرحبا ترحيب من بعد حديت.....حول بميدان الشعر ثم تدرب

أكتب قصيدك ياولد بيت ثم بيت.......قدام لا تغدي عليك وتسرب

يا شاعر بالشعر من بعد غنيت....نبي قصيدك دوم حلو يعجب


بنتظار جديدك لا هنت بعد هذا الرد


لك تحيتي

ماني بشاعر قدكم ياهل البيت ... وانتوا عذوبة شعركم اتتسرب
انتوا هل الوقفات وانتوا هل الصيت ... وارتاح لامني لكم اتقرب
ازريت في مدح المطاليق ازريت ... في مدحكم قام الهجوس يتضرب
وسلامتكم
وعساها تنال اعجابكم

ماني بشاعر قدكم ياهل البيت ... وانتوا عذوبة شعركم اتتسرب
انتوا هل الوقفات وانتوا هل الصيت ... وارتاح لامني لكم اتقرب
ازريت في مدح المطاليق ازريت ... في مدحكم قام الهجوس يتضرب
وسلامتكم
وعساها تنال اعجابكم

يا مرحبا يالواصلي بعد حليت.......عريب جــد وخــال نعـــم المعـــرب

من بعدها ياضيفنا لا تقهويت.......هات العلوم وخذ من الفكر مطلب

هذي اصول الشعر البيت بالبيت......والشـــعر فن وذوق وأنته تعجب


حياك الله وحيا ما قدمت


أبيات جزلة لا هنت


وبنتظار المزيد والمفيد


لك تحيتي

ألك البقا من منبع الشعر أرضيت
في بحر الشــعر لحونه أعـذب

بأبيات شاعر يكمل جمال البيت
بوحه من الاهات يطرب و يعجب

باسم القوافل أبدعت و جـزيت
من خافق ما زال ينزف العـذب

مقدر على الفرقا و الله لو قويت
لا جيت تنشــد عن الحال اتعـب

السلا م عليكم ورحمة الله وبركاته
هذه أبيات متواضعة
كتبتها على عجل هذه اللحظات أرجو ان تنال الرضا
سلام منِّي عل اهل البيت
كلٍ على اسْمه تحيَّة حب
ولا دعاني الخوي لبِّيت
نوفي هل الجود بالمطلب
ماني بشاعر بس ياليت
تدرون وشْ قدركم بالقلب
اللي يعزون الشعر عزِّيت
ناسٍ على ذكرهم اطرب

وسلامتكم وسامحونا عالقصور

×÷•.•´¯`•)» ( صحت ألسنتكم ) «(•´¯`•.•÷×

علها ترقى لذائقتكم


مرحبا ترحيب من عالي القمـه أ بديـت
باللي لفانا وقال أنا اليـــوم لك معزب

بالموارد نعرف لاصــــدرت و أوحيت
جلسة نشامى بوسط الصدر رحب

شــد العزوم ومن عزومــك عطيت
عزومكم صايراً بين العــرب مضرب

هذي تحيــه في ايديكـــم تهنيت
و إن ما تبوني با تــوكل لا حــــلب

بالواحد المعبود يالذيب سميت=وجيتك على صيتك ولاني مجنب

انا عريب الجد ساسي من ثبيت=جدي على قطع الخرايم مجرب

وسليت سيفي مع ربوعي ولبيت=وانا على الفزعات رجل مدرب

ياتاج راسي ياالقوافل لها صيت=سيس بناك اللي لجده تنسب

مـن فلــسفة ـشاعر ومن فكر عفريت ..... لاصاغ قافه كل فوضى ترتب !!!!!
(ماكمل العشرين) ونـحط مــنــشـيت ..... وشلون لاعاصر وجرب وشيب !!!
ماجيت اسكت من يشكك .. انا جيت ...... بسيف شعر من الجزايل مخضب!
بنثر لــــكم دم الشعر واسـبك البيت ...... لعيون من نادى وهلا ورحــب !!!
مــن كثر ماسمعت ترحيب حــسيت ...... اني معك (يابن هليل) معزب !!!!










تحياتي
مبدع القاف

http://www.falntyna.com/img/data/media/41/268cd98e5b.gif

عديت في راس الطويلة وغنيت = من القوافي لحن للاذن يطرب

شاعر واديب وشيخ لن رحت وان جيت= ولا ابغى بعدي للصحيح اتقرب

ولي الشرف لاجيت في حلة ثبيت = حربي عريب الاصل ماني معرب

ويم القوافل جيت ضيف وحليت = في دار شهم بالشجاعة مجرب

ابن هليل راعي الاسم والصيت = شيخ كريم بماقفه ماتهرب

يبقى ويبقون الرجال الصناهيت = اهل الكرم والعون في طاعة الرب

يامرحبابك عد ماأصبحت وأمسيت = ترحيب من هو بالجزالة مجرب

يامن على صرح القوافل تمنيت = شاعر يدرس جيل ماهو مدرب

فيه المواهب من فضل حامي البيت = من دونها شوف المناعير سرب

وأنتم مدارس شعر إذا فيه تصويت = أظم صوتي للعريب المعرب

بالشعر شعار القوافل عــــفـــاريت = فيهم شفاء اللي عن بلاده تغرب

أحب من حاش الفخر حين أوميت = وأبعد عن العفن الردي لو تقرب

لعيون من في المنتدى قلت حييت = لعيون من حاش الفخر ماتهرب

شرواك يفدونه عفون وسرابيت = والفضل هو الشكر والحمد للرب

الشاعر/ مبارك طناء الشمري

سلام الله عليكم اخواني ..

شكرا لكم على هدا الطرح الجيد ..
واقول اني لا اكتب الشعر الى عند الحزن والرغبة في تفريغ ما بداخلي من هموم وبمناسبات ..

واليكم قصيدة كتبته لا جل صديقي المتوفي رحمه الله.
بو غلاف محمد من كوادر المسرح المغربي وهو كدالك خطاط في الخط العربي وفنان تشكيلي ..



رثاء ... رحيل خليل ( ابا الفن )



اه يا موجع الفراق ماتقلك *** حينما تحط موطنك تنصب



انت بالروح والجسد خالد ا *** رمزا و ا با للفن مقتدر


اناملك بالمرجان قليل *** وقلبك ينبض لكل القلوب نقر


ايا خليل غفوت مرتحلا *** فلا لصبابتي وحزني صبر


اه للتدكر حين يحل الشوق *** والعيش من بعدك مـــــر


دكرى الحنين وروحك المؤنس *** خليل لقعدتي وبقلبي وكر


انت الا خ والصديق والا ب *** ومن بعدك لامتيل يدكر


انت ومن بعدك كل شيءرحل *** لفراقك وانتحابي اقهر



لو كان الموت يبدل لوهبتك حياتي *** وقبلت الموت بان لا ترحل
الخليل المغربي

عوافي قصايد جزله

وماني بشاعر لكن نشكر الشعار

دام البقا يا راعي الجود والصيت ************* انت الكبير وخبرتك ما تجرب
الشاعر اللي تو ما يحبك البيت************* مثل الصغير اللي على المشيه تدرب
انطاح ماهي مشكله وانقام ياليت************* ويصبح مع النا س الكبيره معرب

1 الاوله بسمي ارحب عن ثبيت اهل الوفاء والطيب معرب


2 والثانيه نبيني ولانهدم البيت ونعطي مع الشعارحتى انتدرب


3 والثالثه للعلم الطيب ترا جيت وان كنت اليوم جيت ومقرب


4والرابعه السموحه ان كان زليت و اسوقها لضيوف وللمعزب

سلام والمعنى على القاف والبيت *****ولك البقا يا اللي ترحب توجب
وجبت بعلوم الرجال الطواغيت ***** اللي لهم على المكارم تنصب
انته ملكت الطيب مثل العفاريت ***** وباقي الرجال اللي لطيبك تعذب
معذبه ما تملك العرف والصيت***** ما غير بالنمه على النا س تكذب

أخي العزيز ابن هليل
السلام عليكم ورحمة الله وبركاته
كل عام وانت بخير واسأل الله العلي القدير ان يعيننا على صيامه وقيامه وان يجعلنا من عتقائه من النار

جعل البقا بك كل مااصبحت وامسيت=عدادمن يقرا الكتابه ويكتب
يابن هليل راي صايب به اقديت=من لايعرف السوق عنه يجنب
انشهد انك يابيض الوجه كفيت=الصدق لاهل المعرفه دوم مطلب
قول بليا فعل يحتاج تثبيت=وابشر بقول وفعل علم(ن)مرتب

اتمنى ان اكون اجتزت الإختبار

اليـوم فابـواب القـوافـل تملٌـيـت---- وعيون فكري عشقها مايخبب
اعـشق بنات الفـكرما يوم ملًيت----والمنتدى مجلس بحكم المعزًب
وانته عليك العلم وبرايك اقديت----ماانته مخـلًـيـها لـكـل امتـسبـب
الشان شان وللـوفـيـيـن وفـيـت----طـب الطـبـيـب ولا طبابة مطـبب

اسمحوا بعد ان امسيكم بالخير ان اطرح على سعادتكم ابياتي ردا على اختبار الشاعر اخوكم طارق العبيدي
احياك يا من بالقصائد تعنيت=واثلجت صدري بالكلام المرتب
شاعراجيدالشعرمن يوم شبيت=انظم قصيدي وانشره حيث يطلب
اهدي القوافل كلما فيه حسيت= حبي وتقديري وشعري المهذب
تبقى القوافل منيتي اذ تمنيت=وفوق ما توصف وما فيه تكتب
ابداع في كل المجالات لاقيت= واشهد باني في هواها معذب

ابك البقا ياللي ترحب عن البيت
بيت يضم الشعر وساسه معرب
بيت القوافل ذائع العز والصيت
اللي طرق سلم العرب ماتغرب
حييت ياللي تزهم الشعر حييت
يجاوبك هاجوس حامي ومشتب
بعض المواقع مقبرة كلها ميت
وموقعنا من يبغى يشوفه يجرب