استمع في قوت لحظه وش تقول=كان ودك تفتهم قرّب تعال
لا تعجب منه ويصيبك ذهول=وانت توك فالبدايه لاتزال
للرجال اقول ولبنت الزحول=اسمعوني زين لاخرة المقال
مايفيد الهرج من غير الفعول=لو يطول الشرح ويطول الجدال
قول ثابت عند راعين الاصول=مايقوم البيت من ساسٍ هيال
لو ضربت اطوالها عرضٍ وطول=النتيجه صفر ماتبغى سوال
شي من لاشي ماهوب معقول=في حدود العقل تصديقه محال
عبر دورات الليالي والفصول=يطلع المستور لك في كل حال
مد شوفك للصحاري والسهول=ولارقيت ارق الطويل من الجبال
انفض غبار الكسل كب الخمول=لاتكاسل عن مخاوات الرجال
الكسل والنوم ماسر الكسول=مامعه للمجد والعليا مجال
وكل بنتٍ شدها هرج معسول=تعرف ان السم في هرجه زلال
لو تحشم ماعليها من الخبول=ترتقي وتصير صعبه بالمنال
الحيا والدين للريم الجفول=ميزة تطلع بها فوق التلال
الآوادم طبعهم حب الفظول=دوم فيهم نقص لله الكمال
شكلهم واحد ويفرق بالعقول=واحدٍ عاقل وواحد به خبال
ابن ادم دايما طبعه عجول=خصلة به ثابته ضمن الخصال
عادت الجهال مع طق الطبول=كنها بالعقل صايبها هبال
لاتعجل مع سريعات الحلول=اصبر اصبر لو تشوف الصبر طال
كل شيٍ في نهاياته يزول=غير رب البيت جل عن الزوال
هي كذا الدنيا طلوعٍ في نزول=لاتفكرها كما لعبة عيال
وانت فيما شفت قلي وش تقول=هي حقيقه جد والا من خيال
زبدة افكاري عسى تلقى قبول=عند من يفرق حرامٍ من حلال

الشاعرة:قوت القلوب

دليل صح لسانك

ويسلم هاليدين من كل شر

نقل موفق ورائع

صح لسانك

مشكور على النقل

قصيدة جميلة

الف شكر لك

على النقل المميز

مشكور على النقل

قصيدة رائعة

لك

تقديري

صح لسانها


ومشكور على النقل


لك


تقديري

استمع في قوت لحظه وش تقـول
.....................................كـان ودك تفتهـم قـرّب تعـال

لا تعجب منـه ويصيبـك ذهـول
......................................وانـت تـوك فالبدايـه لاتـزال


مشكوووووور يا دليل القوافل على القصيده الجميله


لـــــــك تــــحـــــيـــــــــااااااااااااتــــــــي


صقـر عتيبـة

مشكوووور ع النق الجميل