يامـن تشـوف الـذل عقـب الشجاعـه
ان كنـت ولـد الذيـب لاتاكـل الـذيـب
اللـي نـزل بالقـاع صعـب ارتفـاعـه
لــو ارتـفـع هـبـت علـيـه اللواهـيـب
وان كان ضاق الكون عقب اتساعـه
لاتـتـبـع المـقـفـي بـــدار الاجـانـيـب
حبـل الوصـل عيّـا عليـك انقطـاعـه
ياجـاهـلٍ بالـغـيـب ماتـعـلـم الـغـيـب
ان عشت في عمرك ولو ربع ساعه
لابــد ماتمـضـي علـيـك التـجـاريـب
خلـك علـى الشـدّات سـمـعٍ وطـاعـه
ياللـي تـسـدّ بمعـضـلات المواجـيـب
الفضـل خـلِّـه فــي يديـنـك بضـاعـه
ان كان شفت العيب في شقة الجيـب
ياللـي علـى الصكـات مالـك شفاعـه
سقـم العـدو اللـي يــدِك الصواعـيـب
تكرم عـن اللـي حشمتـه فـي متاعـه
هــرجٍ بــلا فـعـلٍ كثـيـر العـذاريـب
اللـيـل لاتـامــن ضـــوراي سـبـاعـه
تلقـى بـهـا شــكٍ وتلـقـى بـهـا ريــب
وان جـا نهـارٍ فيـه ضـيـم ومجـاعـه
اهل النقـا تاقـف علـى منبـع الطيـب
وحــنّــا تــرانــا كـلـبـونـا جـمـاعــه
ماينـكـر الخَـطـار بـيـت المعـازيـب
اقضب عضيل الهـم واكسـر ذراعـه
حـتـى تعـلّـك صافـيـات المشـاريـب

منقول

صح لسانك ولسان قائلها

مشكور على النقل المميز

قصيدة قمة بالجزالة

لك

تقديري

صح لسانك

قصيده رائعه مثل الي نقلها لنا

بن هليل
عذبة الالحان
لكم كل شكري وتقديري
وخالص تحياتي

صح لسانك ولسان كاتبها قصيدة في قمة الجمال



تــــقــــ مرووووووووووووري ـــبــــل



صقـر عتيبـة