الله على زول(ن) غدا بعد شفناه=بعد عيوني ناظرته بملاها
ياسرعها في صكت الباب سرعاه=مدري حيا والا مخافة ولاها
وإن كان لي عنده مودة مخباه=رمز الأشارة بيننا منتهاها
لو كنت داري عن مودته زرناه=والروح ماقيه لساعة مناها
وين الرسيل الّي هميم(ن) بممشاه=يكسب ثواب بكل خطوه مشاها
ياخذ رسالة جوف ظرف(ن) مغراه=ويعاهد الله ما يمزق غطاها
عنوانها واضح على الظرف يقراه=والا الرسالة جاهل(ن) محتواها
يمدها على حبيبي بيمناه=ويقول أنا مرسول عطني جزاها
رسالتي للي قليله حلاياه=للي ندر بين الخلائق حلاها
له مبسم ماهو على البيض وشفاه=دوا قلوب أهل الغرام وبلاها
واله عيونٍ نجل ياحلو عيناه=كحل الدلال من التردد جلاها
واله خدود موردات(ن) مدماه=لو هبه النسناس يمكن دماها
واله نهود(ن) زاميات(ن) معفاه=ما حطها بين الشفايا ضناها
واله ثنايا لامعات(ن) مجلاه =لؤلؤ زها بين الشفايا بلماها
البيض بالدنيا نعيم ومعاناه=نفسي عليله والعذارى دواها
البيض ياجاهل دروب المهاواه=ما تعشق الا رجل يحفظ هواها
يا حبيبي حبك بقلبي تولاه=مودتك بالقلب كاتم علاها

صح لسانك يانجم الحجاز

مبدع وكلامات روعه كروعة قائلها

عذبة الالحان

تشريفك للقصيدة تشريف ملكي

رديتي عليها ما شاء الله وأنا بعد أراجعها بعد التنسيق

لك

كل التقدير

صح لسانك وبيض الله وجهك

قصيدة روعة

لك

كل التقدير

الف شكر لك

قصيدة جميلة جدا

صح لسانك مليون ولا يكفون

لك

تقديري

حتى اللي ورا البيبان ما خليتوهم بحالهم

وعلى العموك

صح لسانك

قصيدة جميلة

لك تقديري

صح لسانك

قصيدة جميلة

ننتظر القادم

لك

تقديري

صح الله السااااانك وبيض الله وجهك

لك خالص التحية

صح لسانك وبيض الله وجهك

لك

تقديري

صح لسانك،،،

صحت أبدانكم جميعا

بدون تخصيص

لكم كل الشكر والتقدير