سواليف السهر

حـاولـت اداري حـاجـة بـالمشاعر
لـكـنـهـا يــالـيـل عــيــت تـــدارى
مـاكـنـها غــيـر الـغـضا بـالـمجامر
مــاعـاد لــي عـنـها بـلـيلي خـيـارَ
ذكـرت مـاهو فـات من عمر جابر
حـاجـات يـامـا بـالـضماير تـبـارى
يـالـيـتها تـرجـع يـزيـن الـمـسامر
مـاكـان يـاشعري لـحونك حـيارى
مـابين بـوح وسـر وسط الضماير
احـتـرت يـاشـعري بـحلو الـمسارَ
وين المسار اللي على كيف شاعر
يـلقى بـه الـطاروق جـم اصطبارا
ياليل جمر السهد جوف المحاجر
حـارب نـعاس النوم من حين زارَ
كــنـا انـتـفـاخر لــو مـابـه تـفـاخر
مــن شــأن نـبـهر مـزنـة ثـم يـارا
مـابـين كــان وكــان لازلـت فـاكر
مـواقـف تـطـرب قـلوب الـعذارى
راحـت مـراح الـلي سكن بالمقابر
مـاعـاد تـرجـع والـمواري مـوارى
أيــام ضـاعت مـن حـياة الـمغامر
مــابـاقـي إلا ذكــريــات ســهـارى

ⒿⒶⒷⒺⓇ

صح لسانك لا هنت

تقبل الاحترام

صحت روحك وبوحك

خالص الود وباقة ورد

صح لسانك وسلم بنانك

احترامي