binhlailبن هليــل
06-03-2018, 09:53 PM
طابت أوقاتكم أين ما كنتم
صاحبي اللي من أول لو طلب روحي ماأرده=قام يطوي في حبال الوصل ويعود خلافي
انتهى عصر الصداقة والمحبة والموده=وابتدأ عهد التخاصم والمعاتب والتجافي
مابقي غير المجازى صدة ٍ(ن)تجزى بصده=إنكشف ستر المشاعر ما بقي بالروح خافي
إن طلبته حاجتي قال الموانع مستشده=وإن طلبني حاجته قدمت له معذار كافي
النفوس الطيبة بالطيب دايم مستعده=والنفوس اللي مريضة ما حواليها عوافي
الزمان اللي مضى بالحب وصل اليوم حده=مثل ما تعطي بتأخذ من عدال ومن خلافي
ماني اللي تحكمه بأفعالك اللي مستبده=راسي اصلب من كرا والقلب راسي مايخافي
مير تلقي خير روح والرخاء يعقبه شده=ماني اللي يتبع المقفين من بعد العيافي
التجارب علمتني كل شيء يصير ضده=ما كتب فوق البنادم حتم بعيونه يشافي
والتجارب علمتني باب منه الريح أسده=قبل يدخل منه مايكدر لبال ٍكان صافي
والتجارب علمتني بالجزاء وشلون أمده=الثقيلة بالثقيلة والخفايف بالخفافي
صاحبي اللي من أول لو طلب روحي ماأرده=قام يطوي في حبال الوصل ويعود خلافي
صاحبي اللي من أول لو طلب روحي ماأرده=قام يطوي في حبال الوصل ويعود خلافي
انتهى عصر الصداقة والمحبة والموده=وابتدأ عهد التخاصم والمعاتب والتجافي
مابقي غير المجازى صدة ٍ(ن)تجزى بصده=إنكشف ستر المشاعر ما بقي بالروح خافي
إن طلبته حاجتي قال الموانع مستشده=وإن طلبني حاجته قدمت له معذار كافي
النفوس الطيبة بالطيب دايم مستعده=والنفوس اللي مريضة ما حواليها عوافي
الزمان اللي مضى بالحب وصل اليوم حده=مثل ما تعطي بتأخذ من عدال ومن خلافي
ماني اللي تحكمه بأفعالك اللي مستبده=راسي اصلب من كرا والقلب راسي مايخافي
مير تلقي خير روح والرخاء يعقبه شده=ماني اللي يتبع المقفين من بعد العيافي
التجارب علمتني كل شيء يصير ضده=ما كتب فوق البنادم حتم بعيونه يشافي
والتجارب علمتني باب منه الريح أسده=قبل يدخل منه مايكدر لبال ٍكان صافي
والتجارب علمتني بالجزاء وشلون أمده=الثقيلة بالثقيلة والخفايف بالخفافي
صاحبي اللي من أول لو طلب روحي ماأرده=قام يطوي في حبال الوصل ويعود خلافي