binhlailبن هليــل
04-02-2018, 10:38 PM
طابت أوقاتكم أين ما كنتم
البارحة قلبي غزته الطواريق=هيضني اللي شوفته مالها سور
كنت أحسب إني للصبر عنه بطيق=وأثرني اللي صرت منهي ومأمور
وسع لي الخاطر سويعات ويضيق=عنه البعاد المر ماهو بمقدور
ياساحرة بالحسن عرش المعاليق=أصبحت من بعد النظر شخص مسحور
من زود حسنك جفت العين والريق=سحرتي المنطوق والفكر وشعور
محتار باللي يشبهك فالمخاليق=الورد والألماس والا كما النور
لا بالله إلا غير ما فيك تبريق=ما يشبهك إلا حسينات بالحور
علقتي الخفاق بالذوق تعليق=ما ينفعه بالطب قاري ودكتور
أون ون اللي غزته الزواريق=من حر مابي أكتم الصوت مقهور
من هاجسٍ(ن)طابق على الصدر تطبيق=لو بحت به ماني على البوح معذور
خايف تحس بحرقتي ناس وتعيق=مساعي الأحلام وتعكر الشور
الليل كله أدخل بغشو وأفيق=ما كني إلا داخل بجوف عصفور
مابين كيف وليت مشهاي ما ذيق=ما ذقت غير الشوق في قلب محرور
وأكملت ليلي بين كذبة وتصديق=وأصبحت كن القلب بسلاح مبتور
ما بيني وبين المجانين تفريق=لا بالله إلا صرت مجنون مشهور
يالله يا واهب جميع التوافيق=طالبك تجبر قلب ماهو بمجبور
قرب لي اللي حرق القلب تحريق=ماني بقاوي غيبته عام وشهور
ليته يجي من دون دعوى وتحقيق=وأقول له من صادق القلب مشكور
يرحم لحالي من هموم وتصافيق=جيته تجبر قلب من عشق مكسور
قدام لا قلبي يمزقه تمزيق=البعد والحرمان جمر ٍ(ن)بتنور
البارحة واليوم هاضت طواريق=هيضني اللي شوفته مالها سور
البارحة قلبي غزته الطواريق=هيضني اللي شوفته مالها سور
كنت أحسب إني للصبر عنه بطيق=وأثرني اللي صرت منهي ومأمور
وسع لي الخاطر سويعات ويضيق=عنه البعاد المر ماهو بمقدور
ياساحرة بالحسن عرش المعاليق=أصبحت من بعد النظر شخص مسحور
من زود حسنك جفت العين والريق=سحرتي المنطوق والفكر وشعور
محتار باللي يشبهك فالمخاليق=الورد والألماس والا كما النور
لا بالله إلا غير ما فيك تبريق=ما يشبهك إلا حسينات بالحور
علقتي الخفاق بالذوق تعليق=ما ينفعه بالطب قاري ودكتور
أون ون اللي غزته الزواريق=من حر مابي أكتم الصوت مقهور
من هاجسٍ(ن)طابق على الصدر تطبيق=لو بحت به ماني على البوح معذور
خايف تحس بحرقتي ناس وتعيق=مساعي الأحلام وتعكر الشور
الليل كله أدخل بغشو وأفيق=ما كني إلا داخل بجوف عصفور
مابين كيف وليت مشهاي ما ذيق=ما ذقت غير الشوق في قلب محرور
وأكملت ليلي بين كذبة وتصديق=وأصبحت كن القلب بسلاح مبتور
ما بيني وبين المجانين تفريق=لا بالله إلا صرت مجنون مشهور
يالله يا واهب جميع التوافيق=طالبك تجبر قلب ماهو بمجبور
قرب لي اللي حرق القلب تحريق=ماني بقاوي غيبته عام وشهور
ليته يجي من دون دعوى وتحقيق=وأقول له من صادق القلب مشكور
يرحم لحالي من هموم وتصافيق=جيته تجبر قلب من عشق مكسور
قدام لا قلبي يمزقه تمزيق=البعد والحرمان جمر ٍ(ن)بتنور
البارحة واليوم هاضت طواريق=هيضني اللي شوفته مالها سور