binhlailبن هليــل
04-08-2017, 11:51 AM
يطيب لي أن أطرح بين أيديكم
هذه الأبيات المتواضعة علها تروق لكم
يا نار شبي في هشيم المعاليق=من عقب يبست بالسنين العجافي
الريق جفت وينها لين الريق=اللي تبل الحلق عقب الجفافي
أحس في صدري بعد فرحتي ضيق=عقبه وقت ٍ(ن)صار فيه إختلافي
الهم كنه طابق الصدر تطبيق=أحس به ما هو بالأعين يشافي
تقول فوقه راسي ٍ(ن)شامخ طويق=والليلة أعلن للجميع إعترافي
ما عاد اطيق الصبر والله ما طيق=البعد عن حلو الثمان الرهافي
اللي ملكني بالهوى يا مطاليق=أحكم قيوده فوق عوج ٍ(ن)نحافي
سلمته الخفاق من دون تحقيق=وأعطيته من العشق ما كان كافي
هواي علق صافي القلب تعليق=علقه بالمعروف والبال صافي
وأنا أحسب إن العشق مافيه تفريق=مابين وافي لا تولع بوافي
واغرقت قلبي بالهوى حيل تغريق=ما كنت أحسب نكستي وإرتجافي
لين إنتحا به حظ منحوس ومعيق=رميت حلمي يا زماني خلافي
الشوق حرق صافي الدم تحريق=قمت اتوجد واسود الحظ لافي
والليلة الليلة هجوسي مخانيق=أوري بهاجس و مليون اعافي
أبدع لقاف الشعر من دون تدقيق=بحر القصائد كن ماله مرافي
اسلي الخاطر ببدع الطواريق=اللي بعضها في عداد الخرافي
عل وعسى تنفع قلوب العشاشيق=السلوة اللي في لحون القوافي
لكن على رب العباد التوافيق=اللي كتب للعبد لازم يشافي
حكم القدر ماضي بكل المخاليق=ما هو بيعجبنا وما هو نعافي
يا نار شبي في هشيم المعاليق=من عقب يبست بالسنين العجافي
هذه الأبيات المتواضعة علها تروق لكم
يا نار شبي في هشيم المعاليق=من عقب يبست بالسنين العجافي
الريق جفت وينها لين الريق=اللي تبل الحلق عقب الجفافي
أحس في صدري بعد فرحتي ضيق=عقبه وقت ٍ(ن)صار فيه إختلافي
الهم كنه طابق الصدر تطبيق=أحس به ما هو بالأعين يشافي
تقول فوقه راسي ٍ(ن)شامخ طويق=والليلة أعلن للجميع إعترافي
ما عاد اطيق الصبر والله ما طيق=البعد عن حلو الثمان الرهافي
اللي ملكني بالهوى يا مطاليق=أحكم قيوده فوق عوج ٍ(ن)نحافي
سلمته الخفاق من دون تحقيق=وأعطيته من العشق ما كان كافي
هواي علق صافي القلب تعليق=علقه بالمعروف والبال صافي
وأنا أحسب إن العشق مافيه تفريق=مابين وافي لا تولع بوافي
واغرقت قلبي بالهوى حيل تغريق=ما كنت أحسب نكستي وإرتجافي
لين إنتحا به حظ منحوس ومعيق=رميت حلمي يا زماني خلافي
الشوق حرق صافي الدم تحريق=قمت اتوجد واسود الحظ لافي
والليلة الليلة هجوسي مخانيق=أوري بهاجس و مليون اعافي
أبدع لقاف الشعر من دون تدقيق=بحر القصائد كن ماله مرافي
اسلي الخاطر ببدع الطواريق=اللي بعضها في عداد الخرافي
عل وعسى تنفع قلوب العشاشيق=السلوة اللي في لحون القوافي
لكن على رب العباد التوافيق=اللي كتب للعبد لازم يشافي
حكم القدر ماضي بكل المخاليق=ما هو بيعجبنا وما هو نعافي
يا نار شبي في هشيم المعاليق=من عقب يبست بالسنين العجافي