binhlailبن هليــل
11-07-2017, 06:13 AM
حينما يتألم من يؤلمك تألمه لا تملك إلا أن تقول عساه بعدوينك
يا طبيبٍ(ن)للعيون الولف توه في شبابه=شخص الحالة وعلمني خفا بينك وبيني
عين عيني يشتكي منها ولا أدري ويش صابه=يالله إنك لا تسو لعين منهو مثل عيني
قال هونها تهون الكشف من يدفع حسابه=قلت مدفوع الحساب بكاش ما نأخذ بديني
قام يازن في جهازٍ(ن)للنظر مخصوص جابه=قربه من عين مضنوني وزاد ابه الرنيني
قلت وش به قال خل صويحبك يسدل حجابه=الجهاز من العيون الفاتنه صابه ونيني
قلت أنا قبل الجهاز العقل طير لي صوابه=كل ما ناظرت عينه زاد حب الولف فيني
عينه اليمنى دمار وعينه اليسرى عذابه=والضحية قلبي وعقلي ومنطوقي وديني
خايف إني من هواه ومن غلاه أعبد جنابه=الهوى مقسوم ربي ما خذيته باليديني
الله اللي سخر لقلبي وقلبه في كتابه=قبل نخلق كاتب المقسوم من ماض السنيني
والله إني أعشقه وأعشق مواطيه وترابه=وأتوجع من مواجيعه لها عزمي يليني
وأعشق لطاريه لا من مرني وأعشق ثيابه=وأعشق لجوه ومنطوقه وستره والمبيني
بس علمني وطمن خاطري على مصابه=وش بعين اللي عيونه ما بعدها شيء زيني
قال مابه بأس هذا جونا سافي ترابه=واضح إنه يعشق لعينه وبعض العشق شيني
كلها يومين والمملوح ينقش لك خضابه=بس عينه لا يخليها لحساده تبيني
يلتبس نظارةٍ(ن)سوداء وحساده تهابه=ويتحصن بالقرآن بكل وقت وكل حيني
قلت هذا فضل ربي والتعب مقفي سرابه=أشكر الله عين خلي طيبة والله عويني
يا طبيبٍ(ن)للعيون الولف توه في شبابه=شخص الحالة وعلمني خفا بينك وبيني
يا طبيبٍ(ن)للعيون الولف توه في شبابه=شخص الحالة وعلمني خفا بينك وبيني
عين عيني يشتكي منها ولا أدري ويش صابه=يالله إنك لا تسو لعين منهو مثل عيني
قال هونها تهون الكشف من يدفع حسابه=قلت مدفوع الحساب بكاش ما نأخذ بديني
قام يازن في جهازٍ(ن)للنظر مخصوص جابه=قربه من عين مضنوني وزاد ابه الرنيني
قلت وش به قال خل صويحبك يسدل حجابه=الجهاز من العيون الفاتنه صابه ونيني
قلت أنا قبل الجهاز العقل طير لي صوابه=كل ما ناظرت عينه زاد حب الولف فيني
عينه اليمنى دمار وعينه اليسرى عذابه=والضحية قلبي وعقلي ومنطوقي وديني
خايف إني من هواه ومن غلاه أعبد جنابه=الهوى مقسوم ربي ما خذيته باليديني
الله اللي سخر لقلبي وقلبه في كتابه=قبل نخلق كاتب المقسوم من ماض السنيني
والله إني أعشقه وأعشق مواطيه وترابه=وأتوجع من مواجيعه لها عزمي يليني
وأعشق لطاريه لا من مرني وأعشق ثيابه=وأعشق لجوه ومنطوقه وستره والمبيني
بس علمني وطمن خاطري على مصابه=وش بعين اللي عيونه ما بعدها شيء زيني
قال مابه بأس هذا جونا سافي ترابه=واضح إنه يعشق لعينه وبعض العشق شيني
كلها يومين والمملوح ينقش لك خضابه=بس عينه لا يخليها لحساده تبيني
يلتبس نظارةٍ(ن)سوداء وحساده تهابه=ويتحصن بالقرآن بكل وقت وكل حيني
قلت هذا فضل ربي والتعب مقفي سرابه=أشكر الله عين خلي طيبة والله عويني
يا طبيبٍ(ن)للعيون الولف توه في شبابه=شخص الحالة وعلمني خفا بينك وبيني