binhlailبن هليــل
28-03-2017, 08:14 PM
وعد الحر دين عليه
يا صاحبي نسيت والا تناسيت=كلامك اللي قلت لي يا اريش العين
قلت لك ليتك تقترب قلت ياليت=وحطيت لي موعد لقاء بعد يومين
مرت لكنك يا أريش العين ما جيت=مدري وش اللي بدل الحال يازين
أنا أنتظر وأنته بحالك تسليت=ما تدري إن الوعد شرع المحبين
ما تدري إن الشوق مثل الطواغيت=ما يرحم المشتاق بالعسر واللين
نار الهوى تشتب من غير كبريت=تحرق معاليق الحشا حرقها شين
وأنت الوحيد اللي بقلبي تعليت=حكمت خفاقي بليا قوانين
في داخلي هواك لأصبحت وأمسيت=يلعب بروحي لعب مثل الوراعين
حاولت أسلي خاطري عنك وأزريت=طيفك عليًه مثل حارس مساجين
ما كنه إلا قبلتي كان صليت=ماثل أمامي عاد له عدة سنين
ما مل من فعله ولا منه مليت=أنا وطيفك جن مدري مجانين
لو غاب ساعة قلت:طولت وأبطيت=وإن نمت صحاني بهمسة مهاوين
اقوم من نومي ولو كنت ما أخطيت=أقدم المعذار وأصيح به وين
وين الوليف اللي تركني كما الميت=ما حيلتي إلا ونين المغابين
أون ون اللي هوته العفاريت=أصفق بكفي كف ويسار بيمين
بعد الوعد ما فات يا ذايع الصيت=صارت تلاعب بالهجوس الشياطين
بكى عليً الشعر يا زين وأبكيت=مشاعرٍ(ن)تسمو سمو السلاطين
يا صاحبي نسيت والا تناسيت=كلامك اللي قلت لي يا اريش العين
يا صاحبي نسيت والا تناسيت=كلامك اللي قلت لي يا اريش العين
قلت لك ليتك تقترب قلت ياليت=وحطيت لي موعد لقاء بعد يومين
مرت لكنك يا أريش العين ما جيت=مدري وش اللي بدل الحال يازين
أنا أنتظر وأنته بحالك تسليت=ما تدري إن الوعد شرع المحبين
ما تدري إن الشوق مثل الطواغيت=ما يرحم المشتاق بالعسر واللين
نار الهوى تشتب من غير كبريت=تحرق معاليق الحشا حرقها شين
وأنت الوحيد اللي بقلبي تعليت=حكمت خفاقي بليا قوانين
في داخلي هواك لأصبحت وأمسيت=يلعب بروحي لعب مثل الوراعين
حاولت أسلي خاطري عنك وأزريت=طيفك عليًه مثل حارس مساجين
ما كنه إلا قبلتي كان صليت=ماثل أمامي عاد له عدة سنين
ما مل من فعله ولا منه مليت=أنا وطيفك جن مدري مجانين
لو غاب ساعة قلت:طولت وأبطيت=وإن نمت صحاني بهمسة مهاوين
اقوم من نومي ولو كنت ما أخطيت=أقدم المعذار وأصيح به وين
وين الوليف اللي تركني كما الميت=ما حيلتي إلا ونين المغابين
أون ون اللي هوته العفاريت=أصفق بكفي كف ويسار بيمين
بعد الوعد ما فات يا ذايع الصيت=صارت تلاعب بالهجوس الشياطين
بكى عليً الشعر يا زين وأبكيت=مشاعرٍ(ن)تسمو سمو السلاطين
يا صاحبي نسيت والا تناسيت=كلامك اللي قلت لي يا اريش العين