binhlailبن هليــل
02-10-2016, 03:36 AM
طابت أوقاتكم
سهرت ليلي مراقب طلعتك يا قمر=ما بنت والعين جافاها لذيذ المنام
أحسبني أول شهر وأثره تالي شهر=الليل كله عيوني حارسة للظلام
تنزف عروق الخفوق اللي سجنه الصدر=خلف الضلوع النحيلة من هموم الغرام
الليل كله لوحدي معتزل للبشر=ما ودي الناس تدري عن جنون الهيام
اللي تناهش خفوقي وأرهقت للصبر=ما عادت النفس تعرف حلها من حرام
صارت عيوني رفيقة يا هلي للسهر=الليل تكثر حلومه والسهر مستدام
أنطر طيوفٍ(ن)تزاورني كلمح البصر=لا هي بتفهم كلام ولا تبين كلام
مرسولةٍ(ن)من عشيرٍ(ن)مشغلٍ(ن)للفكر=ما كنها بالمرور إلا حمام السلام
تحمل بجنحانها منها بقايا عطر=اللي تعطر به المضنون قدام عام
شذاه عم البلد من نجد لين الخبر=وصلت نسايمه لا جده جنوبٍ(ن)وشام
إستوطن الروح حبه ما يكذب خبر=في يوم ما ينسي ليته بقي لي دوام
العمر قبله وربي ما بعده عمر=والعمر بعده مثل قبله عليه الرحام
ياليت عمري توقف عند ذاك العصر=ما كان روحي تعنت والمشاعر حيام
على قليب الأمل يالله تصب المطر=نسقي كبودٍ(ن)من اللهفة بتغدي حطام
وإن كان ما جادت الأيام ما من مفر=بسهرك ياليل لو عانيت ضيق وسقام
بفني حياتي بعد فرقاه هم وقهر=حتى يذوب اللحم وتذوب صم العظام
ما همني لو سحاب العين بعد انهمر=العين ما تمطر إلا فوق عالي مقام
لأجل الغلا نرخص الأنفس ودمٍ(ن)حمر=الروح لأجل غلاها ما تحب الملام
من شأن بيض الخدود مجدلات الشعر=نروي لحدب السيوف وظاميات السهام
ياكم من شأنهن من حر قوم إنحر=وياكم من شأنهن قامت حروب وخصام
هذا قدر واحمد الله راضيٍ(ن)بالقدر=ماهو كتب فوقنا لا بد ينفذ قوام
كل ليل بسهر مراقب طلعتك يا قمر=العين ما عاد يعجبها لذيذ المنام
سهرت ليلي مراقب طلعتك يا قمر=ما بنت والعين جافاها لذيذ المنام
أحسبني أول شهر وأثره تالي شهر=الليل كله عيوني حارسة للظلام
تنزف عروق الخفوق اللي سجنه الصدر=خلف الضلوع النحيلة من هموم الغرام
الليل كله لوحدي معتزل للبشر=ما ودي الناس تدري عن جنون الهيام
اللي تناهش خفوقي وأرهقت للصبر=ما عادت النفس تعرف حلها من حرام
صارت عيوني رفيقة يا هلي للسهر=الليل تكثر حلومه والسهر مستدام
أنطر طيوفٍ(ن)تزاورني كلمح البصر=لا هي بتفهم كلام ولا تبين كلام
مرسولةٍ(ن)من عشيرٍ(ن)مشغلٍ(ن)للفكر=ما كنها بالمرور إلا حمام السلام
تحمل بجنحانها منها بقايا عطر=اللي تعطر به المضنون قدام عام
شذاه عم البلد من نجد لين الخبر=وصلت نسايمه لا جده جنوبٍ(ن)وشام
إستوطن الروح حبه ما يكذب خبر=في يوم ما ينسي ليته بقي لي دوام
العمر قبله وربي ما بعده عمر=والعمر بعده مثل قبله عليه الرحام
ياليت عمري توقف عند ذاك العصر=ما كان روحي تعنت والمشاعر حيام
على قليب الأمل يالله تصب المطر=نسقي كبودٍ(ن)من اللهفة بتغدي حطام
وإن كان ما جادت الأيام ما من مفر=بسهرك ياليل لو عانيت ضيق وسقام
بفني حياتي بعد فرقاه هم وقهر=حتى يذوب اللحم وتذوب صم العظام
ما همني لو سحاب العين بعد انهمر=العين ما تمطر إلا فوق عالي مقام
لأجل الغلا نرخص الأنفس ودمٍ(ن)حمر=الروح لأجل غلاها ما تحب الملام
من شأن بيض الخدود مجدلات الشعر=نروي لحدب السيوف وظاميات السهام
ياكم من شأنهن من حر قوم إنحر=وياكم من شأنهن قامت حروب وخصام
هذا قدر واحمد الله راضيٍ(ن)بالقدر=ماهو كتب فوقنا لا بد ينفذ قوام
كل ليل بسهر مراقب طلعتك يا قمر=العين ما عاد يعجبها لذيذ المنام