قصيدة وجدتها اعجبتني احببت اطرحها لكم
علها تروق لكم


قالت ترى منت بحلو قلت رجـال = والزين ماهو من شروط الرجوله
الزين يلقى عنـد لباسـة الشـال = والرجل زين ان كان زانت فعوله
قالت علامك تلبس شماغ وعقـاال = انت بدوي؟ قلت بدوي ومن حموله
ما ألبس بناطيل لها الوان واشكال = وامتر الشارع بعرضـه وطولـه
قالت اجل راعـي معاميـل ودلال = شرب القهاوي تحسبونه بطولـه
كيفي يابنت الحضر دله وفنجـال = وحليب خلفـه بالمـراح معقولـه
وحب الكرم والجود وعلوم الابطال = مغروس فينا من زمان الطفولـه
قالت ترى بنت البدو حظها مـال = قلت احذري حذرا تكوني جهولـه
بنت البدو يابنت مضرب للامثـال = فوق الجمال وطاعة الله خجولـه
ماحطة اصباغ ولا حطـت ظـلال = ولا سيرة بالسوق سير مهبولـه
هي مهرة تصعب على كل خيـال = وانتي ومثلك عسفهن بالسهولـه
قالت تغزل بي وشف حبة الخـال = ناظر عيوني والرموش الكسولـه
قلت العفو مايجتمع حـب وهبـال =ولكـل ذوق فالمزاييـن رجـولـه
قلتي وقلت وكلمة الصدق تنقال ؟ =الزين ماهو من شروط الرجولـه

صح لسان الشاعر وسلمت يمناك لا عدمناك

اختيار ممتاز



قصيدة جزلة صحت الالسن

احسنت بالاختيار صح لسانك ولسان الشاعر

قصيدة رائعة


احسنت بالاختيار


تقديري

قصيدة جزلة صح لسان الشاعر والناقل

قصيدة جزلة صح لسان شاعرها وناقلها وقاريها

قصيدة راقية صح لسان الشاعر ومشكور

صح لسان الشاعر ولسانك مليااااااااااااار