ابن هليل عاش في مكه واخذ طبع الحضر= ضيع علوم القبيله ماعاد عنده قبيله
ضيع وصاة العود عميان البصيره والبصر= قيل مع اللي تحت شيران الجموم مقيله

صح لسانك يا أبا فواز

واستلم

ابن هليل عاش في مكة يصلي واعتمر=ما ضيع الشيمة مثل ناسٍ(ن)كثير مفيله
العود وصاني يقول خبولنا فيهم قشر=وأنا لزمت وصايته جتك السيول مسيله

صحت الالسن والقلوب


مبارك عليكم الشهر

صحت السنكم بدع ورد


تقبلا التحية

الله يقبلها ورب البيت يصفح ويغفر= لكن تال الوقت عقلك فاليدين تشيله
ثوب العرب ضافي وثوبك ياابيض الشارب شمر= تقول راعي كيف وانته ماتجيب مهيله

الله يصبحك بالخير

يابن حميد قرب ونوش يدينك للجمر=أنته علومك واجده مير الفعول قليله
عاين بوجه الرجل لا ترخي عيونك والنظر=أعرفك ياراع المدايح فايدتك عبيله

الله يصبحك بالنور والسرور والبيت المعمور

الناس وصلت للقمر وانت على حوض البقر= ماتعرف الا دربك اللي كل يوم تكيله
احدن يقلط للشحم واحدن على قرص وتمر=وانت حضري طبعك ماتاكل غار صحن بليله

احسبك جايب لك خبر واثرك ما عندك خبر=تومي براسك والسحايب في قفاك مخيله
الناس تربط بالصرر وأنته تفكك للصرر=طملان كاهن للوبا فضيته دوم طميله

سعدنا بمجاراتك واستفدنا من خبراتك لك تقديري واحترامي وشكرا على تلبية الدعوه