أسعد الله اوقاتكم بكل خير


كالعادة الأبيات بدون مقدمات

علها تروق لكم


يا راقدٍ(ن)ليلك وللحين ما قمت...=وانا طوال الليل سهران واعي...
ليتك كمايه عدة ليال ما نمت...=يمكن تحس بحرقتي والتياعي...
كل ما غفت عيني بخلي تحلمت...=وإلا من التفكير زاد الصداعي...
الليل كله فوق مركاي حكمت...=كفي بمسباحي مسوي نزاعي...
أسج هاجوسي لشعري تظلمت...=من عقب خابت للوصال المساعي...
باقي مواصل للسهر لو تندمت...=طول السهر ما عاد له أي داعي...
يالليل بعد العين من نومي أحرمت...=بفرد على بحر القوافي شراعي...
بغازل لطيف الغضي لن تكلمت...=فديت راعية العيون الوساعي...
طيفه ليا من زارني فيه سلهمت...=ودي أضمه فالحضن بالذراعي...
من حشمة الغالي بعد طيفه أحشمت...=نديم ليلي في زمان الضياعي...
يا طيف بعد إنك عليّه تكرمت...=بلغ وليفي بالغرام إندفاعي...
بسهر على شأنه له القلب سلمت...=أرسم على وجه القصيد انطباعي...
عن حب غيره ما بقا من عمر صمت...=القلب ينزف والمشاعر جياعي...
ليته يعود كل ما لفني صمت...=القاه حولي للمشاعر يراعي...
وإن طالت الغيبة تراني تحطمت...=حتى الشعر ما عاد أنا بله راعي...
بهجر قصيدي لا شعرت إني إنضمت=وأقول له يا شعر حان الوداعي
يا راقدٍ(ن)ليلك وللحين ما قمت...=وانا طوال الليل سهران واعي...

الله الله


صح لسانك يا استاذ الشعر


ابداع يتجدد


تقبل التحية

يا سلام يا سلام


صباحك رضا

صح لسانك ابداع الله يعطيك الف عافية

رائعة من روائعك المتكررة


صح لسانك

شاعر ما فيك حيلة صخ لساااااااااااااااااانك

صح لسانك واعتلا شانك رائعة من روائعك


تقبل التحية

يسلم نبضك شاعرنا ربي يسعدك وصح لسانك

صح لسانك مليون ولا يكفون ابداع غير مستغرب

صح لسانك استاذ ما يستغرب منك الابداع

الله الله


صح لسانك ملياااااااااار

تفبل الاعجاب

صح لسانك رائعة من روائعك

يعطيك العافيه

كعادتك استاذنا المبدع

قصائد رائعه ومميزه

لك التحيه والتقدير

كلمات رائعة و شعر معبر
صح لسانك ياشاعر القوافل و أبعد الله عنك و عنا كل الأحزان والضيم

استاذي / حرفك جميل وعميق الوقع
صح نبضك والقلم

تقديري

رائعة من روائعك لله درك بدعت ايها الشامخ

الله الله

رائعة من روائعك صح لسانك للرضا

تقبل التحية