السلام المعتبر حال الوصول ابديبه= والتحيه للجميع وخاطري نشطاني
كان ابه ذيب(ن) عوى فالليل جاله ذيبه= ياذيابه فالجبل بسم الله الرحماني

الوعد ان شاء الله الساعه التاسعه ولكم تحياتي

صح لسانك لو إني شاعر كان رديت عليك

لكن ننتظر شاعر


متابع

حياك الله اخي الفاضل ونشكر لك مرورك العطر وفيك البركه ان شاء الله تقديري لشخصك الكريم

السلام المعتبر حال الوصول ابديبه= والتحيه للجميع وخاطري نشطاني





كان ابه ذيب(ن) عوى فالليل جاله ذيبه= ياذيابه فالجبل بسم الله الرحماني



حياك الله يا أبا فواز

الذيب لا تقربه مع البرد يكسر عظامك


مرحبا بالغائب اللي كل علم يجيبه=بعد ما زان الربيًّع جر للألحاني
لا تقرب ذيبٍ(ن)أشهب شر من يلويبه=اضبط النعمة تغبق من حليب الضاني

البقا يابو حازم والذيب مايروع الذيب هههههههههههه

البقا واظن مابه علم ماتدريبه= واللحون السامريه تطرب الحزناني
اعتقد هالذيب جايك من سببه مصيبه= والبقاله مرها فيها الغبوق الثاني

والله يا بعض الذياب ما تنقرب مساسير


صاحبي دنياه قامت بالخلا تومي به=كل ما غشه ثيوبي دارها يماني
البقالة خيرها يا صاحبي مرهيبه=النعايم باسلة والزبد والقرصاني

هب يامكبر علومك ياهذاه الشيبه= تحسبني مثلكم وسط البلد عمياني
من علومك شفت فيك الشك ثم الريبه= والبلد مافيه غير الببس والا الشاني

الله الله



علم جاك وضم علمي لا تجيك مصيبه=لا تخالف هرجتي يا شمعة الورعاني
مير أنا حالف يمين الليله لتسريبه=جدي الله يرحمه فوق البدو وصاني

مساسير هههههههههههههههههههههههههه

المراوغ يالمراوغ والمخادع سيبه= قبل نازن حبة البندق على النيشاني
قافصينك ماش لالفه ولاتجنيبه= راح جدك وانطفت نارك وحيلك واني

ههههههههه لا أنت دربك غير دربنا حنا اجواد


صاحبي سعد سنونه كلها تركيبه=ما بقي إلا جماه وسوسة الأسناني
منهو اللي دربه وأعماه من تدريبه=لين صار الشكل لا مسلم ولا نصراني

يا شجر مابه ثمر والذاريه تومي به= غير هذا مايظلل من يجيله عاني
عارفين مسيلمه كل(ن) عرف تكذيبه= من قرا التاريخ يعرف شلة الكذباني

شيخنا ابو حازم سعدنا بمجاراتك والاستفاده من باعك الطويل في الشعر لك مني كل تقدير واحترام وختام الابيات عندك وتصبح على خير

الله الله الله

على هذه المحاوره الناريه

الرائعه والمميزه

شعراء مبدعين اتحفتونا

بهذه الدرر الشعريه

صحت السنتكم وبيض الله وجيهكم

ابو ماجد اتحفتنا بمرورك واشادتك العطره وهذا يدل على طيب معدنك وذائقتك الشعريه الفذه لك منا كل تقدير واحترام دمت بحفظ الرحمن

ابدااااااااااااااااااااااااااااااااااااااااااااااا ع