قصيدة اعجبتني للشاعر الجزل / سالم بن جخير
وحبيت انقلها لكم



الليله اللـي بدايتهـا قصيـد وطـرب=
تكاشـف ابروقهـا لاحنّـت ارعودهـا=
هيهات هيهات واللي مايطـول العنـب=
يشره على شجر ِته لو طال عنقودهـا=
والجادل اللي تفاخر بالحسب والنسـب=
وشلون ماتفتخـر لاعـدّت اجدودهـا=
كنت احسِب الدم ياصل دونها للركـب=
إليـن ساقتنـي الاقـدار لحـدودهـا=
امهايطيـه ولاتهتـم فطلـق شـنـب=
لسترسلت فالحكـي ياحـي مارودهـا=
من صوتها العذب تطعني بليّـا سبـب=
وانـا ا تحمّـل خناجرهـا وبارودهـا=
الا على طاري الطعنات لبّـى الهـدب=
لبيه لبيـه لامـن سلهمـت سودهـا=
قالت عشا قلت مستعجل وقالت شبـب=
هي فاهمتني وانـا فاهـم لمقصودهـا=
دخلت في ربعـةٍ فيهـا ادلال ومشـب=
وصبّت من الدله اللـي فايـعٍ عودهـا=
(لبى العرب) ياحليب الذود لبى العـرب=
من يوم قالت تعـال وبهّلـت ذودهـا=
انا اشهد انها على ماقيل عـز الطلـب=
واحترت مابيـن حِقتهـا ومفرودهـا=
لاجيت اوصّف وش اوصّف ويا للعجب=
الليل فجعودهـا والصبـح فخدودهـا=
والله ماكن فيهـا اعظـام ولا عَصَـب=
عزاه لامـن تثنّـت وانثنـى عودهـا=
وانا انتحاري على الفطره واحب النشب=
والبنت من جودها حصّلـت ماجودهـا=
لمحـت فعيونهـا كـلام كلّـه عتـب=
سئلتها ليـش لكـن كـان مردودهـا=
قالت سلمنا ولكِنهـا سلامـة عطـب=
والله يستـر مـن العالـم ومنقودهـا=
ليله وعدت ولادري كيف طاح الحطـب=
ان باحت اسدودها ماباحـت اسدودهـا=
والله لو قيل عدها واخذ وزنـك ذهـب=
والله ماعـودهـا والله مـاعـودهـا=

احسنتي بالاختيار صح لسانك ولسان الشاعر

الله الله يا روح القصيد
قصيده ولا اجمل صح الله نبض شاعرها وسلمت ذائقتك

اختيار راق



كلك ذوق ياروح القصيد

قصيدة رائعة صح لسان الشاعر والناقل

تسلم الايادي يا روح القصيد رووووعة

صح لسان الشاعر وصح لسانك اختيار اكثر من رائع

يعطيك العاااافيه ياروووح القصيد واختاااار اكثر من راااااائع

تحيااااااااتي