أسعدكم الله

من ذاكرة الزمن لذاكرة الشعر

او من ذاكرة الشعر لذاكرة الزمن ايهما شئتم

الأبيات



العروس الجميلة زينت للبوس=بدر شارق لكنه ما طلع في سماي
ليلة العرس كن القصر فيه الشموس=قاهرة للبني تقول:منهي حلاي
حظ منهي غدت له ما تهم الفلوس=ليتها من نصيبي كان ألا يا هناي
باركوا للعريس وباركوا للعروس=غير أنا يا كريم الوجه تحسن عزاي
الف مبروك وأنا بالحسوف مغموس=الأمل ما تحقق لي بغاية مناي
هب يا حلم وردي بالفؤاد محسوس=أشربه من عطش روحي وزود ظماي
بعد راحت لغيري كن بالقلب موس=تقطع عروق قلبي وين بلقا دواي
النصيب انقطع غديت بن محموس=ما يبل العروق من القهر شرب ماي
أصعب من الكسور بعظم كسر النفوس=حسبي الله على حظٍ(ن)يدور بلاي
كن بالقلب سيف ليا النصاب مغروس=من فراق الوليف اللي عطيته هواي
ما بقا غير همٍ(ن)بالضلوع محبوس=وقتي أمحق وقف ضدي ولا هو معاي
ما يكيد البنادم غير حظ معكوس=مثل ماهو حصل لي كن نار بحشاي
أتوجد وأخاف من النذول النجوس=يشمتون لمصابي كان سمعوا عواي
والله لياخذوني مثل علك الضروس=ما يلاقون واحد يشمتوا به كماي
مير هذي وتوبة ذقت منها دروس=يالله إني طلبتك لا تزود شقاي
الطف بقلبي اللي كن يرعاه سوس=انقطع بعد راحت من لقاها رجاي
شيمتي ما تهين النفس وتذل روس=والله إني ما أهين النفس وأرخص غلاي
ماني اللي ليا ظامه زمانه يحوس=الصبر والعزيمة طب جرحي وداي
المقادير تجري بالزمان العبوس=والكرامة أمامي ما تعود وراي
العروس الجميلة زينت للبوس=بدر شارق لكنه ما طلع في سماي

صح لسانك ابدعت


خالص الاحترام

ابداع من شاعر متمكن


الله يعطيك العافية

تسلم الايادي وصح لسانك ربي يسعدك

يا سلام يا سلام


صح لسانك مليون ولا يكفون


خالص الاحترام

رائعة من روائعك صح لسانك للرضا

صح لسانك وسلم بنانك شاعرنا الراقي

يعطيك الف عافية وصح لساااااااااااانك

دائما مميز صح لسانك



تقبل التحية

قصيدة ممتازة ومعبرة صح لسانك

صح نبضك شاعرنا الرائع ربي يعد قلبك

صح لسانك شاعرنا المبدع ربي ما يحرمنا منك

صح لسانك يا مبدع القوافي رائعة لله درك

صح لسانك مليااااااااااااااااار

ابداع شاعر

ابدعت الله يعطيك العافية وصح لسانك

صح لسانك مدد ماهو عدد


تقبل التحية

صح لسانك وكل كيانك روعة ربي يوفق الجميع