أسعدكم الله

الأبيات بدون مقدمات


يا غلاي اللي مطول في غيابه...!=غاب مدري في غيابه كيف حاله...!
حظي الممحوق في ليله سرابه...!=والمسافة كايده تمنع وصاله...!
من بعده الشوق خفاقي غدا به...!=حالتي من عقب غاب أخس حاله...!
العقل ما عاد يعرف وش صوابه...!=ملتبس واقع زماني مع خياله...!
ما يرد العقل ويهون مصابه...!=غير شوف اللي نهب عقلي جماله...!
الوليف اللي سحر عيني شبابه...!=مكتمل بالحٌسن من جاله لجاله...!
السعيد اللي تهنا به ثيابه...!=تحتضنه الله يطيب دوم فاله...!
والمولع يا خرابه يا خرابه...!=ما تهنا بكل ما يخطر بباله...!
الحلوم كبار تحشد عند بابه...!=ما تحقق شيء بحلومٍ(ن)محاله...!
كل ليل الشوق يقرأ في كتابه...!=والقصيد ينوح شين الهم طاله...!
في صحار الوجد يطرد في سرابه...!=لن عوى ذيب الوله شعري عوى له...!
يا رفيق القلب مدري يا عذابه...!=ما وصلني منك لو حتى رساله...!
كان قلبك ما جرى لي ما درابه...!=ادله بدنياك والدنيا محاله...!
الزمن بكره بيكشف لك حسابه...!=ما يدوم الحال في دنيا مزاله...!
العمر في رحلته يطرد ركابه...!=كل حي بينتهي عمره وماله...!
يا غلاي اللي مطول في غيابه...!=غاب مدري في غيابه كيف حاله...!

صح لسانك وسلم بنانك روووعة يعطيك العافية

صح لسانك دائما مميز


تقبل التحية

صح لسانك وسلم كيانك ابداع يتجدد لله درك

صح لسانك واعتلا شانك ابداع غير مستغرب قصيدة تستحق الاشادة

تسلم الايادي


قصيدة رائعة الله يعطيك العافية

بدعت لا هنت



صح لسانك وبيض الله وجهك

تسلم الايادي وصح لسانك شاعرنا الرائع ربي يسعدك يارب

الله الله

صح لسانك وسلم راسك

ابداع غير مستغرب

بيض الله وجهك



ابداع لله درك

صح لسانك واعتلا شانك ابداع يتجدد


تقبل التحية

شاعرنا المبدع صح نبضك ربي ما يحرمنا من ابداعاتك

قصيدة رائعة بروعة شاعريتك

صح لسانك واعتلا شانك ابدعت لا هنت موفق

تسلم الايادي وصح نبضك شاعرتا المميز

صح لسانك قصيدة رائعة



راقت لي

صح لسانك واحساسك روعة ربي يسعدك

قصيدة جزلة من شاعر جزل رائعة موفق