سلام رديتن من بعدها حط المعاديل = يابن هليل نبا نرفع قضيتنا لقاضي


مدري علام المعزب مايسوق لنا الفناجيل = والله لي مدتن عن فعلته ماني براضي


alailalailalailalailalailalailalailalailalailalail alailalailalailalail

صح لسانك بدعة كايفة


ننتظر الرد

صح لسانك يابن مسعود

توي شفت هالبدعة الكايفة


واجب علينا نرحب قبل كل القال والقيل=بين لدعواك واصحا لا يكون العلم فاضي
أنته يقولون محمي ما تحب البن والهيل=وأنا ترى ماني بدكتور لكبودٍ(ن)مراضي

صح بدنك يابن هليل


الدعوة الي معي من ناحية تنقيصك الكيل = ياالتاجر الي تغش الناس في حاضر وماضي


والحمد لله بخير وعافيه واحذر من الميل = احسب حسابك وميز في السواد وفي البياضي

بيض الله وجهك

الليل سرى

بكرة نكمل ان شاء الله


كل لحيةٍ(ن)وافية ولها مقص ياراعي الريل=والرزق من كاتب الأرزاق يارع العراضي
أعطيتك اللي كتب لك مير أشوفك طامع شعيل=وأنته تبا الحق بالمشعاب وإلا بالتراضي

صح بدنك يالبدووووي ويعطيك العاااافيه

تحيااااتي وتقدري

الحق واضح ويرضينا ولا للحق تبديل = وانته تعرف الحقوق ولكن تحب التغاضي


المساله كلها تقدير والدعوى تساهيل = عينك تشوف السماء وتخيل يوم البرق ناضي

ياسلام على هذه المحاوره الكايفه لله در الشاعرين انا متابع للجزاله والابداع تقديري لكما

يعطيك العاااافيه ياابو وسام ومتابعتك شرف ياالغالي

تحيااااااااتي

صح لسانك والمعذرة تأخرت لظروف


محدٍ(ن)خبر مدعي الا يجيب شهود ياحليل=وأنته دعاويك يابن الناس ما تملا حياضي
ودك بسيف الزعامة مير ما تقرأ مراسيل=وأنا عيوني تخيل لنو منه السيل فاضي

ياشاعر عتيبه الهيلا تفقد في الزانبيل = اهم حاجه تشوف الي نقصك من المقاضي


وانته عيونك كبيرة كبرها كبر الدرابيل = لكنك تقول انا في السيل واشوف الرياضي

صح لسانك

اذا بتغطي والا جاء ما كفى انا راجع من مناسبة وجاني النوم


شاعر عتيبة لزومة يالهذيلي بالمعاميل=ماني بحاجة تعلمني عن خبوت ورياضي
أنا عيوني عيون الصقر ماني صنعت هذيل=اللي ليا شافوا عتيبي يحسون بشواضي