أسعدكم الله جميعا بكل خير

الأبيات بدون مقدمات



يابنت ياللي طيبها يغلب الطيب=رحنا وجينا والسوالف طرايف
يا بنت ياللي مابها من عذاريب=عذروبها فرقا عزيز الولايف
تبكي عليه وتشلع الكم والجيب=وتنوح من كثر الوله والحسايف
وانا بعد اعوي كما عوية الذيب=طواه جوعه ما لقا له خطايف
قلبي غدا من حب سيد الخراعيب=روح وأنا بالعين يابنت شايف
نهب فؤادي غصب غرو الرعابيب=غروٍ(ن)كساه الله بأحسن وصايف
ماله شبيهٍ(ن)بالعذارى بلا ريب=الحسن كامل فيه ماهو نصايف
ذوقه ولونه والأدب والتعاجيب=مجموعةٍ(ن)باللي بها القلب هايف
عيبه مكمل ما غزى ذاته العيب=قلبي لغيره بالمزايين عايف
هو راس مالي مطمعي والمكاسيب=لقيت فيه لخافقي كيف كايف
كرهت من بعده لزاد ومشاريب=ودي بشوفه لو دونه طوايف
لكن حداني حظ منحوس وصعيب=وأنا عليه من الملامات خايف
خايف عليه من العتب والمطاليب=وأخشى عليه من النفوس الضعايف
شوفته عندي طب من غير تطبيب=لجروح قلبٍ(ن)عذبته الرجايف
الرجل يمه عاشقة للمهاذيب=والعقل لأجله ما رفع للكلايف
أفرح ليا جاني بخطه مكاتيب=تطفي لهيب الشوق خلف النحايف
وأزعل ليا من قال:يومين بغيب=ما كنها إلا سنينٍ(ن)عجايف
يا شيب راسي منه ياشيب ياشيب=مقدر على فرقاك يا ماي وايف
يابنت ياللي طيبها يغلب الطيب=رحنا وجينا والسوالف طرايف

صح السااانك يابن هليل ويعطيك العااافيه وصراحه هيضتني يابن هليل بهذي القصيده مع اني كنت ناوي اتوقف عن الكتابه لبعض الوقت

وكتبت رد على ابياتك ارجوا ان ترتقي لمستوى ابياتك

واليكم الابياااات


ياذيب يالي فوق روس المراقيب = تعوي بعالي الصوت في ضلع نايف


سمعتك تنادي ولا عندك مجيب = وتجر صوتك بالعلوم النظايف


وترسل كلام الشوق مالك مناديب = من بحر شعرك تكثر من الغرايف


قلبك خضر تغرف من البحر وتجيب = ولا تجيب من العلوم الخفايف


يابن هليل علمتنا التجاريب = سبعه سنين سمان بعد العجايف


وان الهوى ماله طعم دون تعذيب = هذا كلام الحق ماهو بزايف


ياكثر ناسن في المحبه مصاويب = سهم العيون الناعسه سيف سايف


كم واحدن كثرة عليه المضاريب = لا شان وقته قال هالوقت حايف


وانا مشيت بدرب ماعنه تجنيب = والقلب لافه من هوى البيض لايف


درب المحبه غلب القلب تغليب = افهم كلام العين وهمس الشفايف


وتبي الصراحه يبغى للوضع ترتيب = من قبل لاتعرض علينا الصحايف


صلي صلاتك واعتكف في المحاريب = والي مضى ربي عليه الخلايف


والا جروح الحب لابدها تطيب = لو الزمن سبب هموم وحسايف


ياذيب يالي فوق روس المراقيب = تعوي بعالي الصوت في ضلع نايف

الله الله


صحت السنكم ابداع اتحفونا بعذب القصيد

الله يعطيكم العافية

الشاعر عبدالرحمن

صح لسانك وفيت وكفيت ولي الشرف بما تهيضت به

شفت ردك وانا بالاستراحة فكتبت هذه الأبيات على السريع

بالجوال والمعذرة مافيه تنسيق لكن بمشئية الله اذا رجعت البيت أنسقها وانزلها مستقلة

والمعذرة لو فيها اي خطأ .......


يا ذيب ياللي في علو الأشاعيب=تعوي بعد حافك من الجوع حايف

الجوع غرز في حشاك المخاليب=أرخيت له راسك ولا هو بطايف

واليوم تعوي من حروق المشاهيب=تقنب وحيد(ن)بالطويل المهايف

فضحتنا عند الأهل والأجانيب=تبا الربيع وتنتوي للمصايف

خل الهوى لمعكفين الأشانيب=اللي يخلون الصعايب عسايف

لا صرت ما تقوى لماقف مصاليب=عذر ودور للعلوم الطرايف

سيف الهوى ما ينصي بالمشاعيب=وأهل الأشدة ما تعود ردايف

يا شاعر الهذلان معك تحاسيب=ما بين نار ونار تبغا قطايف

تبا الجمالة والجمل والمحاليب=ودك بذي وذيك والرب رايف

وإن كان بدلت القنا بالمغاريب=ما عاد أنا وإياك ربع وحلايف

بعد الهوى قطع زرار التلابيب=أشوف بعلومك شبيه الخرايف

ارتاح من كثر العنا والهناديب=غط العلوم الماضية باللفايف

صل الفروض وصوم والمال بالجيب=غمض عيونك لا تشوف الرهايف

الموت لو يمهلك ما ماهلك شيب=يكفيك من دنياك ماض الغرايف

يا ذيب ياللي في علو الأشاعيب=تعوي بعد حافك من الجوع حايف

تسلموا كلكم وصحت لسنكم ربي يوفقكم

صح لسانك واعتلا شانك ابدعت لله درك


تقبل التحية

ابدعت لا هنت


راقية


راقت لي

صح لسانك شاعرنا الراقي بدعت ربي ما يحرمنا منك

صح لسانك وكل بيانك احسنت فيما نظمت يعطيك العتفية

يا سلام عليكم ابداع من الطرفين صحت السنكم



خالص التحية

صح لسانك ولسان عبدالرحمن




تقبلا الاعجاب بما دونتما

صح لسانك وسلم بنانك



ابداع لا هنت

صح لسانك واعتلا شانك


ابدعت لا هنت

صح لسانك ايها القدير



ابداع لا هنت

صح لسانك ايها القدير ابداع في ابداع

صح لسانك ابدعت شاعرنا الراقي ربي يسعدك

يعطيكم الف الف عافية وصحت السنكم

الله الله


صحت السنكم يا مبدعين


خالص الاحترام

الله الله


قصيدة رائعة صح لسانك شيخنا واستاذنا


تقبل التحية

صح لسانك رائعة من روائعك شاعر الابداع

صحت السنكم جميعا شعارنا رووووعة يعطيكم الف عافية

قصيدة رائعة لله درك شاعر الابداع المتجدد

صح لسااااااااااااانك


:g64::g64::g64:

صح لسانك ولا هنت ابدعت لله درك شاعرنا الراقي

روووعة صح لسااااااااااانك ربي يسعدك

قصيدة رائعة شاعر الابداع والتميز معين لا ينضب ما شاء الله

يا سلام على الابداع والتألق صح لسانك ولسان المسعودي

صح لساااااااااانك ولا هنت


اب\دعت كعاتك


تقبل التحية

يا سلام يا سلام


قصيدة راقية عذبة صح لساااااااااااانك

صحت السنكم للرضا


تقبلوا التحية

ياسلام يا سلام


ابداااااااااااااع

صحت الالسن والقلوب