الله يسعد أوقاتكم


اليكم هذه الخاطرة الكيبوردية ... كنت بمناسبة واتصلت بأم العيال

قلت لها ترى بتأخر شوي ليا بغيتوا شي اتصلوا بي

وسرى الليل ما جاني أي اتصال فقلت هذه الأبيات

علها تروق لكم



الليالي تقلب ما تعرف الأمان=
ما تدوم الليال بشر وإلا بخير=
كنت واللي مضى ماله بليلي مكان=
ما مضى كان غير وتالي العمر غير=
كنت الأول زمان وصرت تال الزمان=
مركزي في سباق الحب صار الأخير=
بعد كنت الغناوي بالهوى للحسان=
صرت تالي زماني من غناتي فقير=
ما بقالي بقلب الغانية من مكان=
يا خسارتك يا نفسٍ(ن)لهذا المصير=
ليت للحب مكتب مثل حق الضمان=
التحق به بعد غديت عاجز ضرير=

يعطيك الف عافي ابداع لا هنت

صح لسانك سيدي الكريم احسنت في التعبير

صح لسانك يا شاعر القوافل ابيات تساوي معلقة

صح نبضك شاعر متمكن الله يوفقك

صح لسانك وفيت وكفيت بيض الله وجهك

صح لسانك وكل كيانك يا استاذ