أسعدكم الله جميعا بكل خير

اليكم الأبيات بدون مقدمات
http://im31.gulfup.com/F0o72.jpg (http://im31.gulfup.com/F0o72.jpg)


معقول اكون اهواك واقول ما أغار=إلا أغار وغيرتي جننتني
احسها في داخلي كنها النار=لا أنته رحمت ولا الشكوك رحمتني
لكن مالي حيلةٍ(ن)فيك محتار=أيامنا وظروفنا قيدتني
ما سلوتي إلا مجارير الأشعار=قصائدي فهمتها وفهمتني
أسجها بالليل لا وقت الأسحار=مع لوعةٍ(ن)بالقلب ما ريحتني
أصفق بكفي كف ويمين بيسار=مواجعي حطبتها وحطبتني
ما كني اللي كنت فارس ومغوار=هواجسي من غلبها حاصرتني
أغار لا من جاك للبيت زوار=تشتب نارٍ(ن)بالحشا حرقتني
وأغار لا شافك مع الدرب مرار=مواجعي وهيَ المواجع بكتني
والتاع لا من قلت:ناوي لك أسفار=كن الذيابة بالخفوق نهشتني
وأغار من ضحكتك مع حرمة الجار=وإلا ليا قلتي ترى البنت جتني
وأغار من عمك وخالك والإصغار=وشلون ما بغار يا ذابحتني
التاع لا حسيت من حولك أخطار=نفسٍ(ن)تحبك بالهوى عذبتني
والتاع لو هبك هوا يحمل غبار=كن القيامة حلت و زلزلتني
أغار لو راودك عن غيري أفكار=كن الخناجر بالنحر غارزتني
وأكذب الاحساس وأصدق أعذار=حيثك غرامي بالحشا ساكنتني
معقول اكون اهواك واقول ما أغار=إلا أغار وغيرتي جننتني

القدير / شاعرنا بن هليل

صح لسانك مدد بلا عدد يالجزل

نص فاخر من شاعر يصنع الإبداع

لاهنت على امتاعنا

تقبل الود والتقدير

ابداع غير مستغرب


صح لسانك استاذ الشعر والشعراء


تقبل مروري والتحية

قصيده جميلة وقوية

صح لسانك ولاهنت

صح لسانك ايها الشاعر المبدع والاستاذ المتميز والشيخ الفاضل


تقبل التحية

صح لسانك والله يكفينا شر الغيرة الجنونية

ابداع شاعر ولا غرابة صح لسااااااااااااااااانك

تسلم الايادي ربي يسعدك قصيدة حلووووة

الله الله


صح لسانك واعتلا شانك

تقبل التحية

صح نبضك واحساسك شاعرنا المبدع ربي ما يحرمنا من قصائك

صح لسانك مليون ولا يكفون


قصيدة راقية لله درك

تقبل الاحترام

صح لسانك شاعرنا

المبدع والمميز

وبيض الله وجهك على

القصائد الراقيه والطيبه

لك التحيه والتقدير

قصيدة معبرة لله درك


صح لسانك وسلم بنانك

صح لسانك عدد ما خطت الاقلام ومشى الانام


ابداع شاعر لله درك

لا عدمتكم جميعا شكرا لحضوركم ومتابعتكم


سعدت بتواجدكم

لي عودة إن شاء الله للرد عليكم فردا فرادا

تقديري للجميع

لله درك شاعر لا يشق لك غبار


صح لسانك واعتلا شانك


تقبل التحية