أسعدكم الله

كل مساء أنتم على موعد مع أبيات جديدة

والمعذرة لو فيها قصور

الأبيات بدون مقدمات
http://im41.gulfup.com/6OZt4.jpg

طال السفر والبُعد زاد المسافه=العمر يركض والمواجع تلاحقه
واللي رحل ما عاد يرجع خلافه=يا هاجسي إرتاح ما أنته بسابقه
ما عاد ينفع بالمواجع حسافه=القلب وقتي بالملمات حارقه
عدة سنين أون وأشكي خلافه=الهم جاثم بالصدر ما يفارقه
حتى غدا عودي مثل للنحافه=من جرحي اللي بالشرايين سارقه
عقب غيابك يا حسين اللطافه=كن الصدر على المعاليق طابقه
اعوي عوى سرحان من جوع حافه=كني صويبٍ(ن)طاعنه رمح عالقه
من شدة الطعنة نسي فرح شافه=ماله أمل إلا ينجيه خالقه
عن واقعي هربت صوب الخرافه=أتبع سحاب بليل ما لاح بارقه
يمطر على قلبي بليا ريافه=من وجد روحي والمشاعر تعانقه
أسهر وخلي مهتني في لحافه=ما لاعه اللي لاعني من زوارقه
لو حس مثلي بالخفوق إرتجافه=تسابقت يمي ركايب صوادقه
ما كان طيفه ضيف صاحب كلافه=كل ما غشاني ليل شن لبيارقه
ساحر وكاهن مدعي للعرافه=بانت على حالي دلائل خوارقه
يلعب بروحي لعب متقن حرافه=لا من هدى نبضي غزى القلب طارقه
عقب لفكري والرزانة صلافه=الشوق يكبر والبُعد حيل خانقه
يحضن لحلم الليل والصبح عافه=لن صار وهم الفكر شمس لمشارقه
أصرف لحلمي صرف مسرف صرافه=يطمع بمكسب والخساير تصافقه
يا وقت شعري شاب طاروق قافه=كاد القصيد وحيرتني طوارقه
القلب ينزف ما يعاوز لأضافه=غيبة حبيبة يازمن حبل شانقه
طال السفر والبُعد زاد المسافه=العمر يركض والمواجع تلاحقه

http://www.anaqamaghribia.com/pic/images/p3hc7whaornquzrjjj0n.gif

ياعيني على الابداع

اذا اتى من اهله

صح لسانك شاعرنا المميز

لك التحيه والتقدير

الله الله


صح لسانك واعتلا شانك


ابداع متجدد معين لا ينضب

تقبل التحية

ابداع غير مستغرب صح لسانك للرضا


ابدعت وامتعت لا عدمناك

يعطيك الف عافية وصح منطوقك شاعرنا المتألق

جميل ما سطرت


صح لسانك وسلم بنانك

صح لسانك قصيدة راقية برقي تفكيرك وشاعريتك

ما كان طيفه ضيف صاحـب كلافـه
كل ما غشاني ليـل شـن لبيارقـه
ساحـر وكاهـن مدعـي للعرافـه
بانت على حالـي دلائـل خوارقـه
يلعب بروحي لعـب متقـن حرافـه
لا من هدى نبضي غزى القلب طارقه




حكايات الحنين لاتنتهي ليبقى الإحساس يرويها

استاذي بن هليل / سلم نبضك وعذب ابياتك
تقديري

صح لسانك وسلم بنانك ابداع متجدد

رائع صح لسانك


تقبل مروري

قصيدة جميلة صح لساااااااااااانك

صح لسانك مليون ولا يكفون ابداع غير مستغرب



تقبل التحية

قصيده رائعه بمعانيها ..
واحساسها العالي ..
مشاعر ثائرة ..
صغتها ببراعة و عاطفة صادقة

صح لسانكـ ..
ولا هان بيانكـ ..

يعطيك الف عافية وصح لساااااانك حلوة