سلام الله على الحضار واخص العضو سنجار
تقدم ياوسيع المعرفه والنيه النيه
يقولون الذهب غالي ولايصعب على التجار
وبعض الناس عنده خزنتن بالوقت مخفيه

صح لسانك


ليتني شاعر كان برد عليك


ننتظر سنجار

تسلم تسلم. وكلنا بانتظار سنجارالمري

هلابك يالمسلم من هجوسا تفحص الشعار ** تفضل ياوسيع الصدر نارك فالقى حيه

ترا التاجر يعرف التاجر اللي يعرفَ لاسعار ** ترا هاذي حقيقه والحقيقه جات عفويه

مرحبا يالمشاغب وابشر بالسعد ومشكور علي هذا المرور الطيب

تبا اتقيس البحور ابزعمكم تنقاس بالامتار
وتبي تتعب معي ياذيب بالروحات والجيه
ابنشد صاحبي سنجار عن رجلن واله تذكار
يقول انه من المره وكان ابطن عجميه

توكلنا علي الله وانت شاعر والعرب شعار ** حضور اسمك ولاكن ماعرفنا ويش تاليه

هاذا ذيب من اهل المعرفه وانته من اهل الدار ** وذيب القوم طايح والبلا ناسا حراميه

ماضاق اللي تعزوى بالولي يالشاعر البيطار.
وانا يكفي حضوري عن بني عبس السعوديه
الا يامكثر المره والا يامكثر الاحرار
وانا خابر ربوعك كلها ناسن شقرديه

مادمك وايلي ليش تخفي من ورا لاسوار ** وانا خابرك تكفي بس لاهاذي ولاذيه

تقوله وانت تخنق ياوسيع المعرفه فالقار** ومن خوفك تلفت فالعرب لاتشوف طرقيه

تعلم للاصول وهات ماعندك من الاخبار
واليا منك عرفت السالفه صافحتك ايديه
انا واليا وقفت وصادف الميقاف شبت نار.
اطوف الخصم واخاصم معه ميتين جنيه

انا ماني بجاهل يا ولد لا تعكس الدوار** ولا اعرفك ولاكن شايفك بتصير شخصيه

انا خابرك وافي بالحكي لا تدعس لاخطار ** وهاذي ياوسيع المعرفه فيكم خصوصيه

انا ماقلت فيك اقصور لكن قرب الانظار
وعلم الغيب عند الله ولالي فيه حريه
انا مبسوط بوجودك ولكني معك محتار
تعالو ياجماعت خير شوفو مشيت الحيه

ولا ادور شهادك منك لاكن قدم لاعذار ** وانا الشعار وانا الريس وانا الفارس وانا العيه

علامك لاتحير وانت شاعر فالاول المشوار ** وهاذي مشيتك قلبك ترا مليان حنيه

صح الله السانك ياوايلي واسمحلي اذا بدر مني شي يزعلك هاكذا اللعب المحاوره

وتصبح علي خير والوقت الحين متاخر جدا وتشرفت باللعب معاك يالقرم

تسلم ولكن للمعلوميه انا من بني عبس رشيدي والغلط وارد عند كل الناس واللعب وماقصرت ولنا لقا ان شاء الله

واعلومك كلها طيبه وهذي عوائد ال مره كلهم طيب ومرجله بدون اقصور بالقبايل الاخرى

مرحبا ولنا الشرف يالقرم ونعم بك يالرشيدي ولا عليك زود وهاذا من طيب راسك يالقرم وتصبح علي خير والله اني استمتعت في هاذا الكاف اللي دار بيني وبينك

http://im13.gulfup.com/2012-08-07/1344322480191.gif

صحت السنتكم .... وكلكم ... ترا مطفين الأنوار . حضور . يقول انا من عبس معروف يعني رشيدي وسنجار . يقول . يالوائلي . وحضور . يسأل عن ابن الذيب . ويقول . مري في بطن .عجميه . عكس الموضوع . ابن الذيب . عجمي . خواله المريه . وسنجار . يجاوب يقول . انه ابن الذيب . وشلون صار ابن الذيب . ياسنجار . وهو . مري من بطن عجميه ؟؟؟
على العموم . بيض الله وجيهكم ..

صحت السنكم ابدعتم وامتعتم

اما فيما يخص نسب وقبيلة كل شخص فهو اعلم به

والناس مؤتمنون على أنسابهم

والدين حرم إنتساب الشخص لغير أمه وأبيه

وافين كلكم والنعم فيكم

كلامك صحيح يابو وليد اما كلمت الوالي غلطه من مدري كيف صارت معي برغم انه يقول اني من بني عبس

اما ابن ذيب يكمن الرجال يظن انه امه عجميه وهو مري ولا ماهوب شرط يجيب الشخص بالضبط لانه رمز لي معني وفهمته على معناه وبعدين نبي نقول شي محد ينتبه له هههههه انت تدري بكلامي
يحب للنقد يابو وليد ليت الله يفقنا من شرك ههههههه

صحت السنكم ابدعتم وامتعتم

اما فيما يخص نسب وقبيلة كل شخص فهو اعلم به

والناس مؤتمنون على أنسابهم

والدين حرم إنتساب الشخص لغير أمه وأبيه

وافين كلكم والنعم فيكم

مرحبا يابن هليل تراحيب المطر

والله ماصار شي ياسعاده المدير اما كلمتي الوايلي غلطه غير مقصوده

والحمد لله كلن علي ابوه ومه مشكور علي هاذا المرور الطيب

مشكورين والغلطات وارده ولكن يفترظ ان البيت يكون بالصوره هذه
يقول انه من العجمان كان ابطن مريه ونتعلم منكم ومثل هذه التذكيرات تجعل الشاعر ينتبه وبصراحه انا لعلم ان ابن الذيب عجمي وامه مريه لكن عكستها بغير قصد وشكرا للجميع

مشكورين ماقصرتوا على ماذكرتونا به والغلطات وارده طبعا كل اللي حصل بغير قصد والبيت.يفترض ان يكون.
يقول انه من العجمان كان ابطن مريه .ولافيها شي لو نبهني سنجار كان تلافيت الخطاء اثنا المحاوره