قصيدة جميييله تحكي زمن مضى
حيث تقول احدى كبيرات السن :

يا زين وقتن فات ماهوب هاللحين
يوم النوايا كلهن صافياتي

والحقد ما يوجد ودايم سعيدين
ونفوسنا سمحه وسكر نباتي

وبيوتنا وانسه ولا به شياطين
ما يدخله صورة ولا أغاني ولا منكراتي

ويطرد ظلام الليل عنا سراجينَ
وأحيان يقضي قازهن طافياتي

مشروبنا صافي من الزير ولبينَ
ما هو بمستورد سريع الفواتي

ما صنعوه الغرب يافالهم شين
ما به مواد الحفظ ومسرطناتي

وعشانا مرقوق بين العشاوين
تحطه أمي قبل وقت الصلاتي

لقمة هنية طيبة طعهما زين
تحوفها بيدينها الطاهراتي

ثمن ننام أليا قضينا مصلين
بعد العشا كلن يريد المباتي

وأمي تنومنا بزين السباحين
سوالفن من عندها طيباتي

ننام من بدري ونصحي نشيطين
بعد الشروق أشغالنا جاهزاتي

ما به كسل لاشغالنا مستعدين
ماعندنا سايق ولا خادماتي

نلبس بيوم العيد ثوب السباهين
وأمي تحنينا نماري البناتي

نشب نارن بالشتا ومتدفين
ما فيه دفايات ومكيفاتي

يجي المطر وثيابنا تمتلي طين
ونلّعب جميع عيالنا والبناتي

يصب مثعبنا ونملأ المواعين
ياحلو ذاك الما وذيك الحياتي

ماهي حياة الحين يا شين ها الحين
كله غثا وهمومنا كاثرات

يعطيك العافية كل ما مضى احلى



صح لسان الشاعر والناقل

طرح في قمة ـآإآلروؤوؤعة
آإآختيـآإآر رآإآق لي كثيرآإآ
تسلم لنآإآ ـآلانآإآمل ـآإآلذهبية على الطرح الرآإآقي
عطآإآك ـآإآلرب ـآإآلف ع ـآإآفية
ودي وعبير وؤوؤردي
:g73::g73::g73:

ورود /أشكركِ غاليتي بالفعل قصيده جميلة

أمهاتنا يقولون الماضي أجمل وجداتنا كذالك يقولون الماضي اجمل

جميعنا نحن للماضي و لطفولتنا

شكرًا لمروركم الراقي على القصيدة

قديمك نديمك لو الجديد أغناك


و عتيق الصوف ولا جديد البريسم

يعطيك العاااافيه ياورود الريم واختيار جميل

تحيااااااااااااتي

تسلم ايدك وصح لسانك ولسان من قالها

تسلم ايدك واختيارك الجميل ما اروع الماضي وحكاياته وبساطته

كل الشكر لمروركم الجميل

أسعدكم الله