حبيت انقل لكم قصيدة
عذب السجايا
وهي من احدى روائع الشاعر مساعد الرشيدي


عذب السجايا وعوده بـأول الكنـه=متى تزين السوالف وآخذ علومـه
واسامحه عن خطاه الجرح والونـه= واعاتبه لو يصـد شـوي والومـه
واذكره باول المسفـار حتـى إنـه=لا من تذكر زمان اول نسى نومـه
يوم إنه اقبل خدين الـروح يومنـه=واقبلت اراعيه والقومه هي القومه
من يومها والحشا ما عاد له خنـه=إلا لصوتـه وميعـاده وملزومـه
عفري هنف للضلوع وجا لهن حنه=واستانست له فياض القلب ورجومه
لبى جبينه لا ارتـج الغطـا كنـه=برق يصب الرفيف بكبـد ديمومـه
ما اقول شفته وشفت البيض يتلنـه=اقول شفته وشفت الشمس منجومه
ما اقول كن الجديل الليـل لاكنـه=ليل خرعه الظلام وضيـع نجومـه
يا قبلـة الله هكـا العنقـود لامنـه=قام يتهجا شذا عطـره ويشمومـه
فيه انتهى النور لا والله بـدا منـه=فجر نعس بالوريد ونـام بهدومـه
ورد تفرعن حمـاره قلـت اباكنـه=الى متى والحنايـا منـه مفطومـه
فز وتطرق رطيبه قلت مـا عنـه=بالم شيحـه وريحانـه وقيصومـه
صد وتلعثم هديله فـي بـرد سنـه=يا قوم ذا النور يوم انكت يا قومـه
الله عطانيـه والله يعطـي الجنـه=واليا استجد الهوى كل ومقسومـه

سلمت يمينك على هذا

النقل المميز والاختيار الراقي

لهذه القصيده العصما والجميله

لشاعرنا المبدع والمميز

مساعد الرشيدي

لك التحيه والاحترام

يعطيك العاااااااافيه ياروح القصيد على اختيااااارك المميز للقصائد

تحيااااااااااتي

تسلم ايدك وصح لسان الشاعر ولسانك

اختيار راقي قصيدة جميلة شكرا لك

تسلم ايدك اختيار روووعة صحت الالسن

رائعة يا روح القصيد



اختيار يدل على ذوق شعري راقي

شكرا لكل من مر بمتصفحي وصحت ابدانكم