لا تذبح الشعر في صدري وانا احبّه
'ولا تنشد بغيبته عن حزّة حضوره

الغصن دامه خَضر ما تقدر تشبّه
'والجرح توّه ندي والقاع ممطوره

هذا الورق في يدي لو كنت ابكتبّه
'لكن انا ما اجي وخطاي مجبوره

رح للقصـيد القديم وللعطش صبّه
'قله ترى شاعرك باقي على شعوره

ولا تنجرف للحزن ,, وتفوت ( للغبّه )
'شف لك بقافي فرح واستبشر بنوره

وسج القدم لاعجبك بيت ,, وتشعبّه
'يفداك كل الشعر من سوره لسوره

هاك اكثري لو تبي وان جاك , رحبّه
'واترك بقايا خفاي وماورى الصورة

تحت المواجع .. ثمر غيبتكك لك لبّــه
'فوق المدامع عمر قم واقطف شهوره

لو ما اشوفكك وطن ,, جيت آتغربّه
'ولو مامشت خطوتي ماهيب معذوره

فيك الخريف يغدي من عشقٍ تهبّه
'وفيك الكلام يحيا ويفارق قبـوره

شعري بدونك فقر وشلون ابكسسبّه
'ارضي فـ بعدك قفر واحلام مكسوره

تفتق بي الجرح لاغبت وتجي طبــه
عيبك تهاب الغيــاب وتسمع لشوره

شاعرها مجهول

رح للقصـيد القديم وللعطش صبّه
'قله ترى شاعرك باقي على شعوره


قصيدة جزله و ابيات رائعه

شكرًا غاليتي عبير الشوق على الاختيار الجميل

رح للقصـيد القديم وللعطش صبّه
'قله ترى شاعرك باقي على شعوره


قصيدة جزله و ابيات رائعه

شكرًا غاليتي عبير الشوق على الاختيار الجميل




الشكر لكِ ياغاليه لحضوكِ الأجمل

لاعدمت الطله

هاك اكثري لو تبي وان جاك رحبه = واترك بقاي خفاي وما ورى الصوره

القصيدة جميله ولكن هذا البيت اكثر مااعجبني

يعطيك العافيه ياعبير ولا تحرمينا من اختياراتك الشعريه المميزة

تحياااااااااااااااااااااااااااتي

يعطيك العافية اختيار ذوق تسلم ايدك وصح لسان الشاعر ولسانك

تسلم ايدك وذوقك يا راقية ربي ما يحرمنا من ابداعاتك واختيارتك