السلام عليكم ورحمة الله وبركاته

اطرح بين ايديكم هذه القصيده التي أتمنى بأن تنآل استحسانكم وذائقتكم الشعريه

غاب القمر



مرت ثلاثين ليله = غفوات عيني قليله
القلب ما فيه حيله = يالله لطفك يا ستار
غاب القمر ظلم الليل = برج الهوا صابه الميل
زهر الشجر شاله السيل = سيل المفارق والامرار
لاحت بروق البعادي = ظامت غصون الفوادي
ماتت ورود الودادي = نبت الحلا احرقه نار
هلت مزون الفراقي = القلب جاه إختناقي
ما عاد إبه حب باقي = طار الفرح كيف ماطار
الروح جاها بلاها = البدر غادر سماها
وش لون احصل دواها = جار الزمن فوقنا جار
حسنه و نوعه فريدي = لو كان قلبي حديدي
يذوب ذوب الجليدي = البحر مظلم و غدار
ياريم غرب الحويه = إسق الغصون الظميه
ما بين هذي وذيه = شاهين من غير منقار
يالله حقق مرادي = بشوف ورد البلادي
و أهنى بشربي وزادي = ليا سطع بدر الاقمار
مرت ثلاثين ليله = غفوات عيني قليله
القلب ما فيه حيله = يالله لطفك يا ستار

صح لسانك يالذيب


لكن الشاهين لا بد يكون لع مخلب ومنقار


تقديري

صح لسانك قصيدة طيبة وانت اطيب

صح لسانك قصيدة عذبة ربي يعطيك العافية

صح لسانك واعتلا شانك




خالص التحية

تسلم ايدك وصح منطوقك روعة خالص الود

صح لسانك يالذيب


وفيت وكفيت

صح لسانك مدد ماهو عدد ابدعت لا هنت

صح لسانك يالذيب




قصيدة طيبة وانت اطيب

صح لسانك ابدعت لا هنت

خالص الود

صح لسااااااااانك ما قصرت وفقك الله