كيفكم يا اعضاء القوافل

ما بطول عليكم لقيت قصيدة حيل عجبتني

نشلتها وجبتها لكم

هههههههههه

أخر الزمن بصير نشالة قصيد شسوي عاد مو بشاعرة واموت بالشعر



يلوح بهالسما غيم(ن) تروع شوفة بروقه
مع أنفاس المطر ترحل رياح العشق لديارك

تبلل بالمطر ثوبي وسط نظرات مسروقه
حضنت بداخلي خوفي وأنا ملهوفه لأخبارك

طلبت القرب من قلبي عطيت القلب وعروقه
على هم انتظاري لك توافيني بإعذارك

تساءلت الدروب اللي على ممشاك مطروقه
سرى صمت الدروب ولا إجابات(ن) لمسيارك

تساءلت المكان اللي حضن آهات منطوقه
لقيت الحزن يصرخ به صدى هالحزن بأسوارك

تساءلت الزوايا كيف يهجرها على روقه
لقيت من الظلام أشباح عقب ماكانت أنوارك

تساءلت الزمن مره يكف الغدر عن ذوقه
لقيت الغدر من شيمة زمان اليوم بأسرارك

تساءلت القصيد اللي تركته لي بحروقه
يحن القاف على لحنك يلين القاف بأفكارك

ألا ياقلة الحيلة دمع عبرات مخنوقه
تحاصرني هموم الليل وانا من جملة أخطارك

ألا ياقلة الحيلة خطايا الوقت مسبوقه
خطايا والخطايا روح على يمناك ويسارك

ألا ياسيد العشاق يذوب العشق من شوقه
ويذوب من الهوى قلب(ن) عرف جنته في نارك



عاد لا تقولوا مين قالها ما بعرف

تسلمي يا ملكة




اختيار جميل اذا هذا نشلك كثري منه

يعطيك العافيه ياملكة الذووووووووووق على اختيارك الجميل


تحيااااااااااااااااااااااااتي

تسلم ايدك يا ملكة الذوق اسم على مسمى ربي يسعدك

اختيار رائع صح لسان الشاعر والناقل