مساكم الله باالخير جميعا


يا سلام الله عليكم باسم شاعر للقبيله = من هذيل اهل الفصاحة والشعر واهل الزعامه


يافهد عطنا علومك والجزيله باالجزيله = كان ودك ياوسيع المعرفة درب السلامه

مساء الخير للجميع
بداية قويه من شاعر جزل يمتلك مقومات الشعر وننتظر شاعرنا لنرى ماسيرد به على شاعر هذيل وبالتوفيق للجميع وانا متابع للجزاله تقديري للجميع

مسيتوا بالخير جميع ...



مرحبا يا اللي تسلم يوم عديت الطويله = في محل اهل الكرم والجود يا راع الشهامه

طب ونقى يا عميلي بعد ما جاك الدليله = ان رقيت الضلع برقى وكل شعبٍ له علامه

البقى بك ياالثبيتي كل يوم وكل ليله = نعرف العاقل ليا منه بدا بين كلامه



من رجال المعرفه معروف ياراع الاصيله = ماغويت الدرب تعرفني من اصحاب الفخامه

ياسلام عليكم صحت السنكم متابع ابداعكم

صح بدنك يابن هملان ومتابعتك انت وابو وسام شرف

يعطيكم العافيه

صحت السنتكم ...... اخوي/ عبدالرحمن و اخوي/ فهد .................

صح بدنك ياخوي ربااااااااااااااااااااااااح

المعذره على التاخير كنت اتعشا

استلم





يا الهذيلي كل شعبنٍ ما يجيك الا بسيله == اول الوادي غزير وتاليه مثل العدامه

الله اكبر يا غصونٍ من قبل كانت ظليله == والعرب في ظلها واليوم طيري يا حمامه.

بن دبيان وبن هملان وبن حميد

مرحبا بكم مليون

وسعيد بتواجدكم المشرف ولا هنتوا جميع

كثروا العربان ماتفرق فصيله عن فصيله = ماعرفنا غير من يمشي بدرب الاستقامه


القصور مشيده والي حكى واعزتيله = تعرفون اهل الشداد وتعرفون اهل المسامه

عمست عيون النشاما يم نون ما نخيله == .لين صار القوم ما تعرف عباة من عمامه

ما بقى للزمل خرج ولا يقل اشعيل حيله == انكسر ظهر البعير وما تبا تجبر عظامه

ان غزينا مارجعنا باالهزيمه والفشيله = ليت بعض الناس يصحى ياجماعه من منامه


ودنا انك ترتكي للحمل ياشعيل وتشيله = وكان ماتقدر تشيل الحمل نعطيك الغرامه

صحت ألسنتكم ايها الأفاضل

يا الهذيلي ما رزانا الوقت من عدله وميله = الجبال الصم ما تخشى علينا فالجهامه


والغرامه خلها في خبت نعمان ومسيله = الله انه يرحم اللي ما ترك لك غير شامه

شفت بعض الناس يابن الناس يومي في شليله = والمهايط مايفيد الي مشى درب الغشامه


ياحليل الي يغير لونها والله حليله = واسمينك يابعير القوم في ريع الندامه


صح الساانك يافهد والختاام من عندك وتصبح على خير

صح احساااااااااااسك ياعبير واسف على التاخير

صح بدنك يابو عويض وتشرفت في هذا اللقاء واستفدنا من خبرتك الكثير .. ولا هنت
وانت من اهله



والله اني يا الهذيلي ما تقصدت الحليله = مير ميدان العوارف ميزته حدت كلامه

انقضى المشوار والرحله خسايرها قليله = والعذر لن كان جا منا خطاء ولأ ملامه

الله الله

فهد الدقيس و عبدالرحمن المسعودي


صحت السنكم والقلوب

مبدعين لا هنتم

بيض الله وجيهكم

لي رجوع للمتابعة


خالص تقديري

صح بدنك يابن هليل

والابدااع يكمن بتواجدك ومرورك العطر

لا هنت

عزالله ابدعتو خوش طاروق طاروق ميدان

اما البيت هذا

والغرامه خلها في خبت نعمان ومسيله = الله انه يرحم اللي ما ترك لك غير شامه

راق لي كثير

الشاعرعبدالرحمن المسعودي والشاعر فهد الدقيس


بيض الله وجيهكم على هذا المحاوره القويه

والمميزه بتميز شعرائها المبدعين

الله يعطيكم الف عافيه

لكم التحيه والتقدير

كل ما اعرفه انكم مبدعين وكل ما ساقوله
لكم احترامي وجل تقديري
دام نبضكم ولكم أجمل تحياتى

:wgw::wgw::wgw:

عزالله ابدعتو خوش طاروق طاروق ميدان

اما البيت هذا

والغرامه خلها في خبت نعمان ومسيله = الله انه يرحم اللي ما ترك لك غير شامه

راق لي كثير


ابو مرزوق الابداع بتواجدك لا هنت

ابن عميش _ نور الدنيا

صح ابدانكم وشرفنا تواجدكم

عمست عيون النشاما يم نون ما نخيله == .لين صار القوم ما تعرف عباة من عمامه

ما بقى للزمل خرج ولا يقل اشعيل حيله == انكسر ظهر البعير وما تبا تجبر عظامه

ابداع ...............يافهد

ما بقى للزمل خرج ولا يقل اشعيل حيله == انكسر ظهر البعير وما تبا تجبر عظامه

فن وروعه وابداع يافهد لاهنت


والغرامه خلها في خبت نعمان ومسيله = الله انه يرحم اللي ما ترك لك غير شامه




ههههههههههههههههههههه صح السانك يافهد وصح السان عبدالرحمن ابدعتوا لاهنتوا طاروق كايف

مبدعين مبدعين



صح السانكم موفقين



تحياتى