مديرنا الفاضل

إذا يسمح وقتك الليلة ودي أخذ معك طاروق خفيف

بمشئية الله بعد الساعة 8 بكون موجود



ياسلامي عليكم ياملوك الصروح=يا رجالن يفوح الهيل بدلالها
كيف نعرف بجد علومكم والمزوح=دلة الكيف منهو صب فنجالها

صح السانك يابتال وصح السان المدير وننتظر طاروق رائع حسب توقعي من شعراء دائما مبدعين

حياك الله يا بتال


صح لسانك

اذا أنت متواجد انتظرني نص ساعة ويجيك الرد

جاك الرد



مرحبا يا عميلٍ(ن)بالسوالف نضوح=قافلة ما تخصك ما أنت جمالها
ما علينا من اللي يكثرون المدوح=كل ديرة بها حقٍ(ن)من رجالها

العذر والسموحة تأخرت عنك

الخبر بالجزيرة ما يعاوز شروح=تنقض حبال علمك وأنت فتالها
قلت لك قبل هذا لا تزيد الجروح=قلت ما هو بشانك ذوق زلزالها

الله الله


صحت السنكم يا عمالقة المحاورات

من زمان ما شفنا لكم طاروق

العذر والسموحة تأخرت عنك

الخبر بالجزيرة ما يعاوز شروح=تنقض حبال علمك وأنت فتالها
قلت لك قبل هذا لا تزيد الجروح=قلت ما هو بشانك ذوق زلزالها

الجزيرة قناةٍ(ن)ماتحب الوضوح=وأنت أظنك مراسلها وطبالها
ما يجي بالسهولة بالسهوله يروح=لا تعرض لخيلٍ(ن)ما أنت خيالها

الرقيب


حضورك يشرفنا حياك الله

دخنت ناركم والقدر عانه يفوح=والرحا تدرج والطحن بثفالها
التمر ما يجي ياصاحبي من طلوح=بلشت ام الكباير طشوا عيالها

بتال + بن هليل

صحت السنتكم ويعطيكم العافيه


متابع للابداااااااااااااااااااااع

دخنت ناركم والقدر عانه يفوح=والرحا تدرج والطحن بثفالها
التمر ما يجي ياصاحبي من طلوح=بلشت ام الكباير طشوا عيالها



الأسد ما يهابك يالحسيل النطوح=لأجلك الناس ماتترك لمنزالها
القوافل تسير وصوتكم يالنبوح=مايغير لممشاها ومكيالها

شاعر بني مسعود

حياك الله


متابعتك تشرفنا

الأخوة اللي يتابعونا شكرا لحضوركم

عثمان و الرقيب و عبدالرحمن

لا تسوي جمايل بالبخيل الشحوح=البشر يالعتيبي كاثر اخمالها
المعاريف ما تثمر بقوم اللحوح=يعسى سيل واد السيل يشتالها

لا تسوي جمايل بالبخيل الشحور=البشر يالعتيبي كاثر اخمالها
المعاريف ما تثمر بقوم اللحوح=يعسى سيل واد السيل يشتالها


ما حسبنا حسابك يالشرود الرموح=جاهز القيد وحمولك وحبالها
سايس الخيل عسًف للحصان الجموح=السباع الضواري بان مدهالها

محاورة ممتعه بين شاعرين متميزين لله دركما وصحت السنتكما تقديري للجميع

الشاعر سعد حميد الثبيتي


شرفنا حضورك ومتابعتك

بارق الموسمية في سحابه يلوح=والبدو من دهرهم ترقب خيالها
ياطبيب القلوب الطب ما يرد روح=المخاليق ما تذهب عن أجالها

بارق الموسمية في سحابه يلوح=والبدو من دهرهم ترقب خيالها
ياطبيب القلوب الطب ما يرد روح=المخاليق ما تذهب عن أجالها



بارق الموسمية ماقطر له نشوح=والبدو ما تخلي دوم ترحالها
أخر الطب كيك ياصعيب القروح=والبيوت الظليلة لوذ بظلالها

لا تعجل لرزقك لو عندك طموح=التعجل على الأرزاق يغتالها
راع الذود يعرف صعبها والمسوح=والغشيم الحرامي صاح واوما لها

لا تعجل لزقك لو عندك طموح=التعجل على الأزاق يغتالها
راع الذود يعرف صعبها والمسوح=والغشيم الحرامي صاح واوما لها


بيض الله وجهك يا بتال

سعدت باللعب معك


ما فيك حيلة

جاء ما كفا طال عمرك

ذودنا حافظينه عن قباحة قبوح=ماهي بذود تتبع كل من جالها
رابية في عزازٍ(ن)يالسبيع السلوح=حادي العيس يابتال يبرى لها

شكرا لك ياشيخ الشعر والشعراء انا اللي استمتعت باللعب معك

واستفدت منك الكثير الله يوفقك


تصبح على الف خير

الجزيرة قناةٍ(ن)ماتحب الوضوح=وأنت أظنك مراسلها وطبالها
ما يجي بالسهولة بالسهوله يروح=لا تعرض لخيلٍ(ن)ما أنت خيالها



سعادة مديرنا العزيز ابن هليل وبتال الاقرع صحت الالسن والقلوب محاورة ممتعه يعطيكم العافية

تقبلوا اعجابي لكم .

صحت الاسنه طاروق ناري بمعنى الكلمه

صحت السنتكم شعرائنا المبدعين

على هذه المحاوره الراقيه والممتعه

لكم التقدير ووافر الاحترام

صحت السنتكم شعرائنا المبدعين

لكم الشكر والتقدير