أسعدكم الله

النجاح سمة الأذكياء

و

الفشل سمة الأغبياء

وما بينهما جمهور الغوغاء

وهذه الأبيات من سمة ذاتي

وشكرا لمن نبهني للأخطاء

علها تروق لكم


http://www.youtube.com/watch?v=TWNEY0lYKmU&feature=youtu.be


بعض البشر فكره كما الشوف محدود=ابعد مسافة شافها راس خشمه
ينقد وهو في كل الأحوال منقود=وشلون يقبل راجح الراي حكمه
عليه رايه بالبراهين مردود=كلام قاله ما تجاوز لفمه
النقد بابه للجهاهيل مسدود=النقد ما يتقنه من قل علمه
المعرفة والعلم يا طالب الزود=الوان كلٍ(ن)ينتقي حسب فهمه
ومن لا كسب للبيض يكسب من السود=ولا كل من يحلم يحقق لحلمه
وجدرٍ(ن)بلا سيسان مهدود مهدود=ومن لا طلع لأبوه ترتده أمه
والخير في بيتٍ(ن)من الضيف مريود=ومن لا نفع لأبوه ما ثاب عمه
ومن لا حمد للغير ماهو بمحمود=ولا ترتجي فزعات شاكي لهمه
ويا تعس من حده زمانه لمقرود=مافيه رايٍ(ن)يتركه في متمه
وليا نصحك العود لا تعصي العود=تجاربه بالوقت في فيً كمه
حاسب على ممشاك في درب مقعود=منهو تبع غضبه بيضيع حلمه
فكر بكيف تحل عقدة بمعقود=لا تندفع من دون بصر وتخمه
أخر نصيحة الجسد زاد للدود=والمال للوارث وغيره يلمه
بعض البشر فكره كما الشوف محدود=ابعد مسافة شافها راس خشمه

صح السانك قصيده رائعه جدا

صح لسانك




جزلة من جزل بيض الله وجهك

صح منطوقك قصيدة جزلة تحمل كثير من الحكم لله درك

صح لسانك رووووووعة تسلم شاعرنا الراقي

صح لسانك مدد ماهو عدد ابدعت لا هنت


تقبل التحية

صح لسانك جزلة من جزل



بيض الله وجهك

صح لسانك

اجدت أيها الشاعر الفذ

يا سلام عليك



قصيدة جزلة من شاعر تعودنا منه الابداع

صح لسانك للرضا ابدعت وامتعت




تقبل التحية

صح السانك يابن هليل ويعطيك العافيه

مااجمل ماكتبت ومااروعه
كل الشكر لك ع هذا الابداع:g57:
دام ابداعك ودمت بخير
اتمنى لك مزيدا من التالق
لك مني كل التقدير

صح لسانك واعتلا شانك ابدعت وامتعت لله درك